ព័ត៌មានជាតិ
អភិបាលខណ្ឌឫស្សីកែវ ដឹកនាំមន្ត្រីជំនាញពាក់ព័ន្ធ បន្តចុះតាមដានស្ថានភាពជំនន់ទឹកភ្លៀងជន់ក្នុងមូលដ្ឋាន
លោក ជិន ប៊ុនធឿន អភិបាលខណ្ឌឫស្សីកែវ បានដឹកនាំមន្ត្រីជំនាញពាក់ព័ន្ធ បន្តចុះតាមដានស្ថានភាពទឹកជំនន់ទឹកភ្លៀងជន់លិច វិទ្យាល័យ ជា ស៊ីម ចំរើនរដ្ឋ ស្ថិតក្នុងមូលដ្ឋានភូមិស្វាយប៉ាក សង្កាត់ស្វាយប៉ាក កាលពីថ្ងៃទី ១១ ខែសីហា ឆ្នាំ ២០២៤ ដោយសារមានភ្លៀងធ្លាក់ខ្លាំងតាមបណ្តាខណ្ឌនានានៅរាជធានីភ្នំពេញ កាលពីថ្មីៗ នេះ បណ្តាលឲ្យប្រព័ន្ធលូ ប្រឡាយ ព្រែកទាំងអស់ ពេញព្រៀបដោយទឹក ខណៈការដ្ឋានស្ថាបនាលូរំដោះទឹក និងស្ថានីយបូមទឹកមួយចំនួនមិនទាន់បញ្ចប់គម្រោងសាងសង់នៅឡើយ។
ដោយទទួលបានប្រសាសន៍ណែនាំដ៏ខ្ពង់ខ្ពស់ពី លោក ឃួង ស្រេង អភិបាល នៃគណៈអភិបាលរាជធានីភ្នំពេញ រដ្ឋបាលខណ្ឌឫស្សីកែវ និងបណ្តាសង្កាត់ដែលលិចលង់ដោយជំនន់ទឹកភ្លៀងនេះ បានយកចិត្តទុកដាក់ចុះជួបប្រជាជន អន្តរាគមន៍ បូមបាច ស្តារ សំអាតមូលដ្ឋាន និងរិះរកមធ្យោបាយទប់ស្កាត់បន្ថែមទៀត ធ្វើយ៉ាងឲ្យប្រជាជនអស់កង្វល់ភ័យព្រួយដោយគ្រោះធម្មជាតិនេះ ជាពិសេសសាលារៀន។
លោកអភិបាលខណ្ឌឫស្សីកែវ បានបញ្ជាក់ថា នៅត្រឹមម៉ោង ៥ និង ៣០ នាទី រសៀលម្សិលមិញ ទឹកក្នុងសាលាវិទ្យាល័យ ជា ស៊ីម ចំរើនរដ្ឋ បានស្រកច្រើន ដោយសារមានលូ តភ្ជាប់ទៅដល់ព្រែកពោងពាយ។ ទន្ទឹមនឹងទឹកក្នុងសាលាស្រក ក៏មាននៅតំបន់ជុំវិញសាលា បន្តហូរធ្លាក់មកក្នុងសាលា តាមផ្លូវនោះ មានន័យថា ប្រព័ន្ធលូតភ្ជាប់ពីសាលាទៅព្រែកអូវែង មិនត្រឹមតែអូសទឹកចេញពីសាលានោះទេ គឺថែមអូសទឹកពីតំបន់ជុំវិញសាលាដែលលិចលង់ទាំងអស់ផងដែរ។
លោកអះអាងថា ដើម្បីកុំឲ្យមានជំនន់ទឹកភ្លៀងលិចក្នុងសាលារៀន ជា ស៊ីម ចំរើនរដ្ឋ និងនៅតំបន់ជុំវិញសាលា នារដូវវស្សា ដូចពេលនេះទៀត គឺត្រូវសាងសង់ទ្វារទឹកចំណុចដែលប្រព័ន្ធលូសាលា និងតំបន់ជុំវិញ តភ្ជាប់មកប្រឡាយឌីប៉ូ ដែលបច្ចុប្បន្នមានផ្លូវបេតុងនៅពីលើ។ ក្នុងនោះសារប្រយោជន៍ និងការចាំបាច់សាងសង់ទ្វារទឹកនេះ គឺ ៖ ទី១-ករណីស្ថានភាពទឹកព្រែកពោងពាយហក់ឡើងខ្ពស់ គឺត្រូវបិទទ្វារទឹកនេះកុំឲ្យទឹកព្រែកពោងពាយហូរត្រឡប់ចូលមកក្នុងសាលា និងតំបន់ជុំវិញដែលនាំលង់លិច។ ទី២-ករណីមានភ្លៀងខ្លាំងក្នុងមូលដ្ឋានសង្កាត់ស្វាយប៉ាក ទឹកជន់លិចខ្លាំង ស្របពេលស្ថានភាពទឹកព្រែកពោងពាយជន់លិចមានកម្ពស់ទឹកខ្ពស់ផងដែរនោះ គឺត្រូវបិទទ្វារទឹកនេះ និងដាក់ម៉ាស៊ីនបូមទឹកទាញចេញពីប្រព័ន្ធលូសាលា និងតំបន់ជុំវិញ ឲ្យហូរចូលព្រែកពោងពាយបាន ពីព្រោះទំហំ និងប្រវែងតួព្រែកធំទូលាយ អាចស្តុកទឹកបន្ថែមបានច្រើន ស្របពេលស្ថានីយកប់ស្រូវ និងគីឡូម៉ែត្រលេខ ៩ ដំណើរការបូមទឹក។ ទី៣-ករណីទឹកនៅព្រែកពោងពាយទាបជាងទឹកនៅតំបន់សាលារៀន ត្រូវបើកទ្វារទឹកចំហឲ្យទឹកហូរចូលព្រែកពោងពាយតែម្ដង៕
អត្ថបទ ៖ ម៉េង
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
បៃដិនប្រកាសផ្តល់ជំនួយយោធាតម្លៃ៨ពាន់លានដុល្លារទៀតដល់អ៊ុយក្រែន មុនចប់អាណត្តិ
អគ្គព្រះរាជអាជ្ញា ប្ដឹងឧទ្ធរណ៍លើការសម្រេចឱ្យបុរសបុកគេស្លាប់៤នាក់ ជាប់ពន្ធនាគារ៥ឆ្នាំ
កងទ័ពស៊ូដង់បើកការវាយលុកដ៏ធំដើម្បីដណ្តើមយករដ្ឋធានី Khartoum វិញ
សម្ដេច ហ៊ុន សែន ប្រាប់ជប៉ុនថា នៅអាស៊ាន កម្ពុជាបានយកចិត្តទុកដាក់លើស្ត្រីខ្លាំងជាងគេ
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
លោក ស៊ុនចាន់ថុល ចុះទៅក្រុមហ៊ុន SpaceX សេដ្ឋី Elon Musk ស្វែងយល់បច្ចេកវិទ្យាផ្កាយរណបអ៊ីនធឺណិត
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ៩ ម៉ោង agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១២ ម៉ោង agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ១ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan