ព័ត៌មានជាតិ

ការផ្ដល់សេវាសាធារណៈតាមមូលដ្ឋាន បានបង្កើនប្រសិទ្ធភាពកាន់តែល្អប្រសើរ ក្នុងអាណត្តិទី ៧ នេះ

បានផុស

៥ ខែ មុន

នៅ

ថ្ងៃចន្ទ ១២ សីហា ២០២៤

ដោយ

អាជ្ញាធរមូលដ្ឋាន បានបង្កើនប្រសិទ្ធភាពខ្ពស់ លើការផ្តល់សេវាសាធារណៈជូនប្រជាពលរដ្ឋ តាមរយៈយន្តការច្រកចេញចូលតែមួយ ទាំងបណ្តារដ្ឋបាលសង្កាត់ និងខណ្ឌទាំងអស់ នៅរាជធានីភ្នំពេញ ក្នុងអាណត្តិទី ៧ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ាម ម៉េងអ៊ុង ប្រធានការិយាល័យច្រកចេញចូលតែមួយ នៃរដ្ឋបាលខណ្ឌដូនពេញ បានប្រាប់ឱ្យដឹងថា ពេញមួយឆ្នាំ ក្នុងអាណត្តិទី ៧ នេះ រដ្ឋបាលខណ្ឌ បានផ្តល់សេវាសាធារណៈ ជាង ២ ម៉ឺនសេវា ជូនប្រជាពលរដ្ឋ ដែលភាគច្រើន ជាសេវាបញ្ជាក់សំបុត្រកំណើត អត្តសញ្ញាណប័ណ្ណ សញ្ញាប័ត្រ ជាដើម។

ដោយឡែកប្រជាពលរដ្ឋមកទទួលសេវា ក៏បានមើលឃើញដែរថា ក្នុងអាណត្តិទី ៧ ដែលដឹកនាំដោយ សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ពិតជាបានយកចិត្តទុកដាក់ខ្ពស់ចំពោះការបម្រើសេវាសាធារណៈជូនប្រជាពលរដ្ឋនៅតាមមូលដ្ឋាននីមួយៗ។

ប្រជាពលរដ្ឋ បន្តថា ការបម្រើសេវា ពិតជាលឿន រហ័ស តម្លាភាព និងមិនមានការបង់ប្រាក់កាសនោះឡើយ ដែលនេះគឺជាការសម្រួលភាពងាយស្រួលសម្រាប់ពួកគាត់ អាចឆាប់ទទួលបានឯកសារយកទៅប្រើប្រាស់តាមតម្រូវការរៀងៗ ខ្លួន។

សូមបញ្ជាក់ថា ការផ្តល់សេវាសាធារណៈនេះ ក៏ជាការងារអាទិភាពចម្បងដែល រាជរដ្ឋាភិបាលអាណត្តិទី ៧ នេះ បានគិតគូរ និងតែងតែបន្តជំរុញជាបន្តបន្ទាប់ទៅថ្នាក់មន្ត្រីអនុវត្តនៅតាមមូលដ្ឋានឱ្យបង្កើននូវការយកចិត្តទុកដាក់ខ្ពស់បំផុត ធ្វើយ៉ាងណាធានាសំដៅប្រសិទ្ធភាព ជៀសវាងការយឺតយ៉ាវ បង្កជាក្តីថ្នាំងថ្នាក់ណាមួយប៉ះពាល់ប្រជាពលរដ្ឋ៕

អត្ថបទ ៖ សុភា