ព័ត៌មានជាតិ
តាមដានវឌ្ឍនភាព ការបោះបង្គោលព្រំដែនខេត្តស្វាយរៀង ជាប់ខេត្តពីររបស់ប្រទេសវៀតណាម
ខេត្ដស្វាយរៀង មានព្រំប្រទល់ជាប់នឹងខេត្ដតៃនិញ និងខេត្ដឡុងអានរបស់ប្រទេសវៀតណាមមានប្រវែងសរុបជាង ២៥៨ គ.ម ចាប់ពីបង្គោលព្រំដែនលេខ (១៣២-២៣០)។
ទិន្នន័យនេះនៅមិនទាន់ផ្លូវការ ដោយសារកិច្ចការបោះបង្គោលព្រំដែននៅមិនទាន់បញ្ចប់រួចរាល់ជាស្ថាពរ។ នេះបើតាមមន្រ្តីរដ្ឋបាលខេត្តស្វាយរៀង។
លោក ម៉ែន អេង អភិបាលរង និងជាមន្រ្តីអ្នកនាំពាក្យរដ្ឋបាលខេត្តស្វាយរៀង
លោក ម៉ែន អេង អភិបាលរង និងជាមន្រ្តីអ្នកនាំពាក្យរដ្ឋបាលខេត្តស្វាយរៀង បានគូសបញ្ជាក់ពីវឌ្ឍនភាពនៃការបោះបង្គោលព្រំដែន រួមទាំងការអភិវឌ្ឍហេដ្ឋារចនាសម្ព័ន្ធការកសាងផ្លូវក្រវាត់ព្រំដែនជាមួយប្រទេសវៀតណាម។
ប្រាប់បណ្តាញសារព័ត៌មានកម្ពុជាថ្មីតាមតេលេក្រាម លោក ម៉ែន អេង បានបញ្ជាក់ថា ខេត្ដស្វាយរៀងសម្រេចការងារខណ្ឌសីមានិងបោះបង្គោលព្រំដែនសរុបបានចំនួន ៨៤ ភាគរយ ជាមួយខេត្ដឡុងអាន និងខេត្ដតៃនិញរបស់ប្រទេសវៀតណាម។
ខេត្ដស្វាយរៀងនិងខេត្ដតៃនិញ មានព្រំប្រទល់ជាប់គ្នាប្រវែងប្រមាណ ១៣០ គ.ម ចាប់ពីបង្គោលព្រំដែនលេខ (132-180)។ បង្គោលព្រំដែនមិនទាន់បោះ មាននៅស្រុករមាសហែក និងស្រុករំដួលចាប់ពីបង្គោល (139-145)។
ដោយឡែកព្រំប្រទល់ជាប់ជាមួយខេត្ដឡុងអាន មានប្រវែងប្រមាណ ១២៨ គ.ម ចាប់ពីបង្គោលព្រំដែនលេខ (180-230)។ បង្គោលព្រំដែនមិនទាន់បោះមាននៅស្រុកចន្ទ្រាចាប់ពីបង្គោល (184-188 និង193) ស្រុកកំពង់រោទិ៍ចាប់ពីបង្គោល 204-208 និងស្រុកស្វាយជ្រំចាប់ពីបង្គោល (228-229)។
លោកម៉ែន អេង បានអះអាងថា នៅស្រុកកំពង់រោទិ៍ចាប់ពីបង្គោល 213-215, 220-223 បានបោះបង្គោលព្រំដែន (បង្គោលធំ) រួចរាល់ ប៉ុន្តែមិនទាន់ឯកភាពគ្នាលើការងារខណ្ឌសីមា (បង្គោលតូច)។
ពាក់ព័ន្ធការងារសាងសង់ផ្លូវក្រវ៉ាត់ព្រំដែន បើតាមមន្រ្តីអ្នកនាំពាក្យខេត្តស្វាយរៀងបានអះអាងថាសម្រេចបានជាង ១៣០ គីឡូម៉ែត្រ ក្នុងនោះរវាងខេត្ដស្វាយរៀងនិងខេត្ដតៃនិញបានជាង ៩២ គ.ម និងរវាងខេត្ដស្វាយរៀង និងខេត្ដឡុងអាន បានជាង ៣៩ គ.ម៕
បន្តចុចអាន៖ រដ្ឋបាលខេត្តស្វាយរៀង បង្ហាញវឌ្ឍនភាពពីការបោះបង្គោលព្រំដែនជាមួយប្រទេសវៀតណាម
បន្តចុចអាន៖ ខេត្តស្វាយរៀងស្ថាបនាផ្លូវក្រវាត់ព្រំដែនបានជាង ៨០ ភាគរយ ក្នុងតំបន់បោះបង្គោលព្រំដែនរួច
-
សន្តិសុខសង្គម២ ថ្ងៃ ago
នគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម
-
វប្បធម៌ ជំនឿ១ សប្តាហ៍ ago
ទំនាយឆ្នាំ២០២៥ របស់លោកយាយ Baba Vanga ព្រឺព្រួចជាងទំនាយមុនៗ
-
ព័ត៌មានអន្ដរជាតិ៦ ថ្ងៃ ago
រោងចក្រនុយក្លេអ៊ែរធំបំផុតនៅអឺរ៉ុប ត្រូវអគ្គិភ័យឆាបឆេះ
-
ព័ត៌មានជាតិ៧ ម៉ោង ago
នៅភ្នំពេញស្ងប់ស្ងាត់ធម្មតា តែកងកម្លាំងនៅតែប្រុងជើងការខ្ពស់
-
ព័ត៌មានជាតិ៤ ថ្ងៃ ago
សមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
-
ព័ត៌មានអន្ដរជាតិ៣ ថ្ងៃ ago
ប្រទេសកូរ៉េខាងជើង បើកទទួលទេសចរ ទៅលេងកម្សាន្តវិញហើយ
-
ព័ត៌មានជាតិ៦ ថ្ងៃ ago
ខេត្តភាគឦសានមណ្ឌលគិរី ពលរដ្ឋមានចំណូលខ្ពស់ឈរនៅលំដាប់ទី ៤ ទូទាំងប្រទេស
-
សន្តិសុខសង្គម២ ថ្ងៃ ago
ឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព