ព័ត៌មានជាតិ

យុវជនម្នាក់ទៅស៊ីឈ្នួលកាប់ដើមកៅស៊ូ ដែលប៉ះនិងខ្សែកាបភ្លើងឆក់ស្លាប់មួយរំពេច

បានផុស

៤ years មុន

នៅ

ថ្ងៃព្រហស្បតិ៍ ៤ មីនា ២០២១

ដោយ

រតនគិរី ៖ យុវជនម្នាក់ត្រូវខ្សែភ្លើងឆក់ស្លាប់ បន្ទាប់ពីក្រុមហ៊ុនអគ្គិសនីខេត្តជួលឲ្យទៅកាប់ដើមកៅស៊ូដែលដុះប៉ះនិងខ្សែកាបមេភ្លើង។

ហេតុការណ៍នេះ បានកើតឡើងនៅវេលាម៉ោង២និង០០នាទីរសៀល ថ្ងៃទី៤ ខែមីនា ឆ្នាំ២០២១ ត្រង់ចំណុចតាមដងផ្លូវលំចូលទៅភូមិជ្រុង ឃុំកិះចុង ស្រុកបរកែវ ខេត្តរតនគិរី។

យោងតាមរបាយការណ៍ពីនគរបាលស្រុកបរកែវបានឲ្យដឹងថា ជនរងគ្រោះឈ្មោះផាក ព្រិច ភេទប្រុស អាយុ២៨ឆ្នាំ ជនជាតិទំពួនមានទីលំនៅភូមិចែត ឃុំស៊ើង ស្រុកបរកែវខេត្តរតនគិរី។

ដោយមូលហេតុ ក្រុមហ៊ុនអគ្គីសនីបានជួលឲ្យកាប់ដើមកៅស៊ូដែលនៅតាមចិញ្ចើមផ្លូវដែលប៉ះពាល់ទៅនឹងបង្គោលភ្លើងនោះ។ ក្រោយកើតហេតុត្រូវបានក្រុមគ្រួសារជួយធ្វើចលនាប៉ុន្តែជនរងគ្រោះបានស្លាប់បាត់បង់ជីវិតទៅហើយ ហើយបានដឹកយកទៅធ្វើបុណ្យទៅតាមប្រពៃណី។

ទាក់ទងបញ្ហាខាងលើនេះកម្ពុជាថ្មី មិនអាចសុំការបំភ្លឺពីលោកប្រធានមន្ទីរអគ្គិសនីខេត្តរតនគិរីបានទេ ដោយមិនមានលេខទូរសព្ទ៕

ដោយ ៖ វុទ្ធឦសាន

Related Topics:ឆក់ស្លាប់