ព័ត៌មានជាតិ
អភិបាលរាជធានីស្នើមន្ត្រីជួយផ្សព្វផ្សាយការពន្យល់របស់សម្តេចតេជោ ខណៈក្រុមប្រឆាំងកំពុងប៉ុនប៉ងផ្ដួលរំលំរដ្ឋាភិបាលស្របច្បាប់
លោកឃួង ស្រេង អភិបាលរាជធានីភ្នំពេញបានស្នើ ថ្នាក់ដឹកនាំ និងមន្ត្រីក្រោមឱវាទ នៃមន្ទីរបរិស្ថានរាជធានីភ្នំពេញ ស្វែងយល់ និងស្តាប់ការពន្យល់បកស្រាយយ៉ាងក្បោះក្បាយរបស់ សម្តេចតេជោ ហ៊ុន សែន និងត្រូវរួមគ្នាខិតខំផ្សព្វផ្សាយតាមគ្រប់មធ្យោបាយ ខណៈថ្មីៗកន្លងទៅនេះ ក្រុមប្រឆាំងអគតិ និងជ្រុលនិយមមួយក្តាប់តូច នៅតែបន្តអនុវត្តគ្រប់ឧបាយកលបំផុសបំផុលបង្កឱ្យមានចលាចល ញុះញង់ឱ្យមន្ត្រីរាជការ កងកម្លាំងប្រដាប់អាវុធ សិស្ស-និស្សិត និងប្រជាពលរដ្ឋ ធ្វើការបះបោរប្រឆាំងរាជរដ្ឋាភិបាលស្របច្បាប់។
![](https://www.kampucheathmey.com/wp-content/uploads/2024/08/image-818-1024x682.png)
ការស្នើឡើងបែបនេះរបស់លោកឃួង ស្រេងបានធ្វើឡើងខណៈលោកនិងលោកបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថានអញ្ជើញជាអធិបតីភាពក្នុងពិធីសំណេះសំណាលនិងសួរសុខទុក្ខជាមួយមន្ត្រីរាជការមន្ទីរបរិស្ថានរាជធានីភ្នំពេញ នាល្ងាចថ្ងៃទី១៣ខែសីហាឆ្នាំ២០២៤នេះនៅមន្ទីរបរិស្ថានរាជធានីភ្នំពេញ។
លោកឃួង ស្រេង ណែនាំឱ្យមន្ទីរបរិស្ថានរាជធានីភ្នំពេញ យកចិត្តទុកដាក់ខិតខំអនុវត្តកម្មវិធី នយោបាយ និងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា ដោយផ្តោតសំខាន់ លើកិច្ចគាំពារបរិស្ថាន ការគ្រប់គ្រងធនធានធម្មជាតិ ការអភិរក្សជីវៈចម្រុះ និងការអភិវឌ្ឍដោយចីរភាព ជាពិសេសចូលរួមអនុវត្ត “យុទ្ធសាស្រ្តចក្រាវិស័យបរិស្ថាន ឆ្នាំ២០២៣-២០២៨” របស់ក្រសួងបរិស្ថានឱ្យទទួលបានជោគជ័យ បន្តរួមគ្នាលើកកម្ពស់អនាម័យ-បរិស្ថាន និងសោភ័ណភាពទីក្រុង។
![](https://www.kampucheathmey.com/wp-content/uploads/2024/08/image-819-1024x682.png)
លោកអភិបាលរាជធានីភ្នំពេញ ក៏ណែនាំមន្ទីរបរិស្ថានរាជធានីភ្នំពេញ ត្រូវជំរុញការផ្សព្វផ្សាយបរិស្ថាន ឱ្យបាន ជ្រួតជ្រាបកាន់តែទូលំទូលាយ ទៅក្នុងស្រទាប់មហាជន ជាពិសេសសិស្ស-និស្សិត ឱ្យស្រឡាញ់បរិស្ថាន និងមានស្មារតីចូលរួមក្នុងកិច្ចគាំពារបរិស្ថាន តាមរយៈយុទ្ធនាការ និងការបង្កើតកម្មវិធីផ្សេងៗ។ លើសពីនេះ ត្រូវរួមគ្នាទប់ស្កាត់ ឱ្យខានតែបាននូវចរន្តប្រឆាំង ដែលមាននិន្នាការបង្កចលាចលសង្គម ក្រោមរូបភាពការពារបរិស្ថាន និងការពារធនធានធម្មជាតិ ឬ រូបភាពផ្សេងៗ ដោយត្រូវមានភាពបុរេសកម្មក្នុងការឆ្លើយបំភ្លឺ និងចាត់វិធានការ ឱ្យបានទាន់ពេលវេលា និងម៉ឺងម៉ាត់បំផុត។
![](https://www.kampucheathmey.com/wp-content/uploads/2024/08/image-821-1024x682.png)
លោកឃួង ស្រឹងបានបន្តថា រយៈពេលថ្មីៗកន្លងទៅនេះ ក្រុមប្រឆាំងអគតិ និងជ្រុលនិយមមួយក្តាប់តូច នៅតែបន្តអនុវត្តគ្រប់ឧបាយកលបំផុសបំផុលបង្កឱ្យមានចលាចល ញុះញង់ឱ្យមន្ត្រីរាជការ កងកម្លាំងប្រដាប់អាវុធ សិស្ស-និស្សិត និងប្រជាពលរដ្ឋ ធ្វើការបះបោរប្រឆាំងរាជរដ្ឋាភិបាលស្របច្បាប់ ដើម្បីបំផ្លាញសន្តិភាព ស្ថិរភាពនយោបាយ សន្តិសុខ និងសុវត្ថិភាពសង្គម ពាក់ព័ន្ធនឹង “កិច្ចសហប្រតិបត្តិការត្រីកោណអភិវឌ្ឍន៍ (DTA)” ដែលបានបង្កើតឡើងតាំងពីឆ្នាំ១៩៩៩ មកម៉្លេះ។
ក្នុងន័យនេះ លោកស្នើឱ្យថ្នាក់ដឹកនាំ និងមន្ត្រីក្រោមឱវាទ នៃមន្ទីរបរិស្ថានរាជធានីភ្នំពេញ ត្រូវស្វែងយល់ និងស្តាប់ការពន្យល់បកស្រាយយ៉ាងក្បោះក្បាយរបស់ សម្តេចតេជោ ហ៊ុន សែន ហើយត្រូវរួមគ្នាខិតខំផ្សព្វផ្សាយបន្តដល់ក្រុមគ្រួសារ ញាត្តិសន្តាន មិត្តភក្តិ និងសហការីទាំងអស់ តាមគ្រប់មធ្យោបាយ និងអស់ពីលទ្ធភាពទាំងក្នុងកម្រិតអង្គភាព និងផ្ទាល់ខ្លួន។ ត្រូវចូលរួមថ្លែងសារគាំទ្រ និងចែករំលែកព័ត៌មានពិតរបស់រាជរដ្ឋាភិបាលជុំវិញករណីនេះ ក្នុងបណ្តាញទំនាក់ទំនងសង្គមផ្ទាល់ខ្លួន ឬ មធ្យោបាយផ្សេងៗ ដើម្បីបន្សាប និងវាយបកចំពោះចេតនាដ៏ខ្មៅងងឹត ប្រកបដោយគ្រោះថ្នាក់របស់ក្រុមជ្រុលនិយមទាំងនេះ។
![](https://www.kampucheathmey.com/wp-content/uploads/2024/08/image-820-1024x682.png)
លោកបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានមានប្រសាសន៍លើកឡើងថា៖ ពាក់ព័ន្ធនិងតំបន់ ត្រីកោណនៅព្រំដែនកម្ពុជា វៀតណាមនិងឡាវ មិនបានបាត់បង់ងាយៗនោះទេ យើងមាន ច្បាប់ជាតិនិងច្បាប់អន្តរជាតិនិងការសហការជាមួយកងកម្លាំងប្រដាប់អាវុធមិនអាចយកស្រួលៗបានទេ។ តាមលោកបណ្ឌិត ក្រសួងបរិស្ថានក៏បានចូលរួមយ៉ាងសកម្មក្នុងកិច្ចការពារដែនដីផងដែរ ដោយក្រសួងបាននិងកំពុងដាំដើមត្នោតនៅតាមបន្ទាត់ព្រំដែនប្រមាណ៣០ម៉ឺនដើម ហើយនឹងបន្តដាំរាប់លានដើមទៀតនៅតាមព្រំដែនខ្មែរ។ជាមួយគ្នានេះក្រសួងក៏នឹងពង្រីកកម្របព្រៃឈើឱ្យបាន៦០%នៅឆ្នាំ២០៥០ ដែលវានឹងផ្តល់គម្របបៃតង ផ្តល់ខ្សល់អាកាសបរិសុទ្ធឱ្យមនុស្សលោក។បន្ថែមពីនេះក្រសួងបរិស្ដានក៏ទទួលបានថវិកាពីគម្រប់បៃតងនេះផងដែរ៕
អត្ថបទ៖ស្រីរ័ត្ន
![](https://www.kampucheathmey.com/wp-content/uploads/2024/08/image-822-1024x682.png)
![](https://www.kampucheathmey.com/wp-content/uploads/2024/08/image-823-1024x682.png)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១៧ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?