ព័ត៌មានជាតិ
អ្នកនាំពាក្យអប់រំ ៖ ករណីសិស្សទាត់តុគ្រូនៅកំពង់ឆ្នាំង បានដោះស្រាយបញ្ចប់ តែបន្តតាមដាន និងពង្រឹងវិន័យទៀត
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅព្រឹកថ្ងៃទី ១៤ សីហា នេះថា ករណីសិស្សប្រើអំពើហិង្សាទាត់តុគ្រូដែលជាអំពើមិនសមរម្យ ត្រូវបានដោះស្រាយបញ្ចប់រួចរាល់ហើយ ក្រោយពីមាតាបិតា និងសិស្សជាអ្នកប្រព្រឹត្តិបានដឹងកំហុស និងសន្យាថា នឹងឈប់ប្រព្រឹត្តិទង្វើនេះជាបន្តទៀត។ ប៉ុន្តែយ៉ាងណា សាលានៅបន្តតាមដាន និងពង្រឹងវិន័យដល់សិស្សានុសិស្សជាបន្តបន្ទាប់ទៀតផងដែរ។
ករណីសិស្សទាត់តុគ្រូនៅខេត្តកំពង់ឆ្នាំងនេះ ត្រូវបានបង្ហោះនៅតាមបណ្ដាញសង្គមជាច្រើន ធ្វើឱ្យមហាជនមានការភ្ញាក់ផ្អើលចំពោះទង្វើរបស់សិស្សដែលខ្លួននៅក្មេងហ៊ានប្រើអំពើហិង្សាទាត់តុគ្រូជាអ្នកមានគុណ ផ្តល់ចំណេះដឹងដល់ខ្លួន ដោយគ្មានខ្លាចរអាអ្វីសោះ។
ជាមួយគ្នានេះដែរ មហាជនក៏មានការកោតសរសើរដល់ការអត់ធ្មត់របស់លោកគ្រូ បើទោះជាសិស្សធ្វើទង្វើមិនត្រឹមត្រូវក៏ដោយ នៅតែការនិយាយស្តីដោយអហិង្សាដែលស័ក្ដិសមជាអ្នកអប់រំដ៏ល្អមួយរូប។
លោកស្រី បានបន្តថា «ករណីសិស្សម្នាក់ទាត់តុគ្រូកើតឡើងនៅខេត្តកំពង់ឆ្នាំង កាលពីថ្ងៃទី ១២ សីហា ឆ្នាំ ២០២៤ ក្រោយពីសាលាបានទទួលដំណឹង សាលាក៏បានរៀបចំកោះអញ្ជើញភាគីពាក់ព័ន្ធ ដើម្បីបើកកិច្ចប្រជុំដោះស្រាយភ្លាមៗ ដោយមានការចូលរួមពីមាតាបិតា សាមីខ្លួន លោកគ្រូជាប់ពាក់ព័ន្ធក្នុងករណីខាងលើ មេភូមិ និងអាជ្ញាធរ ហើយជាលទ្ធផលសិស្សដែលប្រព្រឹត្តិបានធ្វើកិច្ចសន្យាថា នឹងធ្វើការកែប្រែខ្លួន ឈប់ប្រព្រឹត្តិទង្វើបែបនេះជាបន្តទៀត ហើយសាលានៅបន្តពិនិត្យតាមដានការពង្រឹងវិន័យជាបន្តបន្ទាប់ទៀត»។
លោកស្រីបន្តទៀតថា ជាជំហានដំបូងយើងសហការជាមួយសហគមន៍ដែលមានអាណាព្យាបាល និងអាជ្ញាធរចូលរួមដោះស្រាយ។ ក្នុងករណីសិស្សនៅបន្តប្រព្រឹត្តិខុសឆ្គងបន្តទៀត សាលានឹងរកវិធីដោះស្រាយផ្សេងៗ ដូចជា ពិនិត្យមើលក្នុងគ្រួសារ កត្តាមិត្តភ័ក្ដិជុំវិញខ្លួន ឬគ្រូបង្រៀនជាដើម ដើម្បីដោះស្រាយទៅតាមជាក់ស្ដែង និងដំណោះស្រាយមួយទៀតអាចផ្លាស់ប្ដូរសិស្សទៅរៀនថ្នាក់ផ្សេងទៀតដែលអាចឱ្យគេជួបមិត្តភ័ក្ដិថ្មី និងគ្រូថ្មី អាចធ្វើឱ្យគេកែប្រែអត្តចរិតបានល្អប្រសើរឡើងវិញ។
លោកស្រីបានបន្ថែមថា ប៉ុន្តែការងារនេះ វាទាមទារមានការចូលរួមពីសហគមន៍ ពិសេសអាណាព្យាបាលសិស្ស មិនមែនសាលា គ្រូ និងក្រសួងធ្វើម្នាក់ឯងបាននោះទេ។
យ៉ាងណាក៏ដោយ លោកស្រី បញ្ជាក់ថា «យើងនឹងធ្វើឱ្យអស់ពីលទ្ធភាព មុននឹងបន្តការដាក់ទណ្ឌកម្មណាមួយដល់សិស្ស ព្រោះសាលាមិនអាចបញ្ឈប់សិស្សណាម្នាក់បានទេ បើទោះបីជាបញ្ឈប់គាត់ពីសាលាមួយ ក៏គាត់ត្រូវទៅរៀននៅសាលាផ្សេងទៀតដែរ។ អីចឹងមានតែខិតខំអប់រំណែនាំសិស្សដែលប្រព្រឹត្តិខុសឆ្គងឱ្យមករកប្រព្រឹត្តិអំពើល្អវិញទើបជាការប្រសើរ ហើយកន្លងមកយើងបានសហការជាមួយអាណាព្យាបាល មេភូមិ មេឃុំ ទទួលបានជោគជ័យច្រើនមកហើយ»។
លោកស្រី ឃួន វិច្ឆិកា បានឱ្យដឹងទៀតថា ការពង្រឹងវិន័យនេះដែរ ក្រសួង ក៏ដូចជាសាលារៀនទាំងអស់ បាននិងកំពុងអនុវត្តវិធានការ និងបទបញ្ជាផ្ទៃក្នុងដែលដាក់ចេញ មានស្រាប់ ដែលក្រសួងបានដាក់ចេញកាលពីដើមឆ្នាំកន្លងទៅ និងកំពុងបន្តអនុវត្តឱ្យកាន់តែមានប្រសិទ្ធភាពបន្ថែមទៀតនៅតាមសាលានីមួយៗ៕
អត្ថបទ ៖ សំអឿន
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
អភិបាលខេត្តស្វាយរៀងអរគុណសប្បុរសជនដែលធ្វើបុណ្យជាមួយការអប់រំ
ពលរដ្ឋមួយចំនួនចាត់ទុកការធ្វើបាតុកម្មនៅកូរ៉េជាការបំផ្លាញក្ដីសុខពលរដ្ឋ និងកិត្តិយសប្រទេសកម្ពុជា
ផ្ទះចំនួន ០៨ខ្នង ត្រូវបានបំផ្លាញដោយសារខ្យល់កន្រ្តាក់ នៅស្រុកសំពៅលូន
សម្ដេចធិបតី៖ កម្ពុជា-ចិននៅតែបន្តជំរុញការផ្សព្វផ្សាយវប្បធម៌ ប្រពៃណី និងវប្បធម៌ជាមួយគ្នាទៀត
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ agoគ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ