ព័ត៌មានជាតិ
ច្នៃកណ្តុរស្រស់ ជាកណ្តុរខ្វៃតម្រូវចិត្តអតិថិជនមួយគីឡូក្រាមលក់ចេញបាន ៤ ម៉ឺនរៀល
ខុសប្លែកពីមុន បច្ចុប្បន្ននេះសត្វកណ្តុរបានក្លាយជាម្ហូបមួយប្រភេទដែលពលរដ្ឋមួយចំនួនចូលចិត្តទិញយកទៅបរិភោគ ខណៈក៏មានពលរដ្ឋបានចាប់មុខរបរខ្វៃកណ្តុរលក់តម្រូវចិត្តអតិថិជន។
សត្វកណ្ដុរ ត្រូវបានគេចាត់ទុកថា ជាសត្វចង្រៃមួយប្រភេទតែងបំផ្លាញផលដំណាំ និងបានអុកឡុកក្នុងលំនៅឋាន ដែលកណ្តុរទាំងនោះដែរ ក៏ត្រូវបានបែងចែកជាពីរ គឺ កណ្តុរប្រមេះ ឬ កណ្តុលបង្កង់ ដែលវាមានទំហំតូចៗ និងមួយប្រភេទទៀតគឺ កណ្តុលប្រែង មានទំហំធំ ដែលកសិករតែងប្រើប្រាស់អង្គុបចាប់តាមដំបូកវាលស្រែយកទៅបរិភោគ។
អ្នកស្រី ធីប នៅស្រុករុក្ខគីរី ដែលប្តីអ្នកស្រីជាអ្នកដើរប្រមាញ់សត្វកណ្តុរបានចំណូលពីការចាប់កណ្តុរលក់បានច្រើនគួរសមក្នុងមួយថ្ងៃៗ ដើម្បីអាចផ្គត់ផ្គង់កូនរៀនសូត្រ និងចំណាយក្នុងគ្រួសារបានមួយផ្នែក។
អ្នកស្រី ធីប បានប្រាប់ថា ក្នុងមួយយប់ៗប្តីអ្នកស្រីរកបានចន្លោះពី ៥ ទៅ ១០ គីឡូក្រាម ដោយយកទៅលក់នៅផ្សារបាត់ដំបង ១ គីឡូក្រាម លក់តម្លៃ ១ ម៉ឺនរៀល តាមតូច ឬធំ បើធំ ១ គីឡូក្រាម មាន ៣ កណ្តុរ បើតូចបន្តិចមាន ៤ កណ្តុរ ហើយលក់អត់យូរទេ គ្រាន់តែដាក់ចេញពីថង់គេនាំគ្នាទិញគ្មានសល់។
ចំណែកគ្រួសារអ្នកស្រី ស៊ុន ផាត ដែលរស់នៅភូមិព្រៃផ្តៅ ឃុំតាគ្រាម ស្រុកបាណន់ នៅមិនឆ្ងាយប៉ុន្មានពីអាងកំពីងពួយបានប្រាប់យ៉ាងដូច្នេះថា «ឲ្យតែមានមិនខ្វះម៉ូយមកយកទេ ដោយមកទិញដល់ផ្ទះ ដើម្បីយកទៅឆ្អើរលក់នៅចុងស្អានអូរតាគី»។
ប្តីអ្នកស្រី ស៊ុន ផាត លោក អាត ប្រាប់ថា កាលពីមុនមួយយប់យ៉ាងហោចណាស់រកបាន ២០ ទៅ ៣០ គីឡូក្រាម ដោយប្រើអន្ទាក់និងអង្គុបតាមដងអូរ។
លោកបន្តថា កាលនោះសំបូរណាស់ ហើយលក់បាន ១ គីឡូក្រាមបានពី ៥ ០០០ ទៅ ៧ ០០០ រៀល ដែលអាចដោះស្រាយជីវភាពបានមួយគ្រាៗដែរ។ ប៉ុន្តែឥឡូវរកអត់សូវបានទេ មួយយប់បានត្រឹមជាង ៥ គីឡូក្រាម តែកើនតម្លៃបន្តិច។
បុរសរូបនេះបន្តទាំងអស់សំណើច ក្រោយដឹងថាមានគេចិញ្ចឹមកណ្តុរលក់ដែលទិញពូជពីថៃដោយលោកបញ្ជាក់ថា «ខ្ញុំចង់សើច ខ្ញុំគិតថា នៅខ្មែរយើងខ្វះអីកណ្តុរប្រែង ចាំបាច់យកពីប្រទេសគេមកចិញ្ចឹម»។
ក្នុងបទពិសោធន៍ចិញ្ចឹមសត្វកណ្តុរប្រែងលក់ជាង ២ ឆ្នាំ លោក ម៉ឺយ រើន បានឈានមួយជំហានទៀតលើមុខរបរមួយនេះ។ បន្ទាប់ពីចិញ្ចឹមលក់ពូជ លោក ម៉ឺយ រើន ក៏បានពង្រីកជំនាញមួយទៀតដែលកំពុងពេញនិយមលើទីផ្សារនោះគឺ កណ្តុរខ្វៃ ដែលគំនិតច្នៃប្រឌិតនេះហាក់ចម្លែកបន្តិច ប៉ុន្តែបានជោគជ័យដែលនាំឲ្យគ្រួសារបុរសរូបនេះដើរចេញពីភាពទន់ខ្សោយផ្នែកសេដ្ឋកិច្ច ក្លាយជាគ្រួសាររឹងមាំបានយ៉ាងឆាប់រហ័ស ដោយមិននឹកស្មានដល់។
លោក មុយ រើន ជាម្ចាស់កសិដ្ឋានចិញ្ចឹមសត្វកណ្តុរបានប្រាប់ «កម្ពុជាថ្មី»ថា លោកបានកែច្នៃធ្វើកណ្តុរខ្វៃនេះ បើគិតមកដល់ពេលនេះមានរយៈពេលជាង ៥ខែហើយ។ តែគេស្គាល់ទើបតែបានជាង ២ ខែប៉ុណ្ណោះ រហូតដល់លោករកកណ្តុរមកខ្វៃមិនបានឆ្លើយតបតាមតម្រូវការអតិថិជន។
បុរសរូបនេះបន្តថា បច្ចុប្បន្នលោកបានបង្កើនតម្លៃការទិញចូលពីសាខា ដែលបានទិញពូជពីលោកទៅចិញ្ចឹម ដើម្បីជាការលើកទឹកចិត្ត ដោយទិញចូល ១ ក្បាលចន្លោះពី ១៣ ០០០ ដល់ ១៥ ០០០រៀល ខណៈកាលពីមុនលោកទិញចូលចន្លោះពី ១០ ០០០ ទៅ ១២ ០០០រៀល ប៉ុណ្ណោះក្នុង ១ក្បាល។
លោកបន្តថា «ក្រោយពីខ្ញុំបានច្នៃធ្វើកណ្តុរខ្វៃ រហូតដល់ពេលនេះ តម្រូវការតាមទីផ្សារ និងអតិថិជន មិនគ្រប់គ្រាន់ទេ ការកែច្នៃនេះ ខ្ញុំ និងភរិយាធ្វើដោយខ្លួនឯង អត់មានជួលគេទេ ហើយការច្នៃនេះគឺ ខ្ញុំធ្វើឲ្យមានអនាម័យល្អ តាមដែលខ្ញុំបានសិក្សាពីប្រទេសថៃ និងការផ្សំគ្រឿងផងដែរ ទើបអ្នកនិយមបរិភោគកម្ម៉ង់រហូតដល់មានការខ្វះខាត»។
លោកថា កណ្តុរខ្វៃ ១ គីឡូក្រាមតម្លៃ ៤ ម៉ឺនរៀល បើធំមាន ២ ឬ ៣ ក្បាលក្នុង ១គីឡូក្រាម បើស្ទើរ គឺ ៤ ក្បាល។ ដោយឡែកសម្រាប់ការវេចខ្ចប់ ក៏តាមស្តង់ដាអនាម័យ ព្រោះបើលោកចង់រក្សាទីផ្សារបានយូរគឺទាមទាឲ្យមានទាំងគុណភាព រសជាតិ និងអនាម័យល្អ។ ចំណែកប្រាក់ចំណូល មិនក្រោម ៥០០ ដុល្លារ ក្នុងមួយខែ បន្ទាប់ពីទូទាត់លើការចំណាយរួចរាល់ ហើយក៏អាចលើសពី ៥០០ ដុល្លារបើគិតទាំងលក់ពូជ និងលក់ខ្វៃ។
លោកបញ្ជាក់ថា នេះជាភាពជោគជ័យមួយដែលកើតចេញតាមរយៈការតស៊ូ និងអត់ធ្មត់របស់លោក ទើបឈានមកដល់ចំណុចនេះ។
អត្ថបទ៖ សៅ សារិទ្ធ
Apple ធ្លាក់ចេញពីតំណែងលក់ស្មាតហ្វូនដាច់ជាងគេនៅចិន ចំពេលការប្រកួតប្រជែងកាន់តែខ្លាំង
តម្លៃប្រេងធ្លាក់ចុះនៅថ្ងៃបញ្ចប់ការជួញដូរ ប៉ុន្តែកើនឡើងក្នុងអត្រាប្រចាំសប្ដាហ៍ មុនត្រាំឡើងកាន់អំណាច
លោក បៃដិន ផ្ដល់ការលើកលែងទោសដល់មនុស្ស ២ ៥០០នាក់ ច្រើនបំផុតក្នុងប្រវត្តិសាស្ត្រអាមេរិក
សិស្សសាលាក្នុងខេត្តមណ្ឌលគិរី យល់ដឹងកាន់តែច្រើនពីផលប៉ះពាល់នៃភេសជ្ជៈផ្អែម ដែលអាចរងគ្រោះដល់អាយុជីវិត
សុខភាពរបស់ជំទាវទីមួយ Kim Keon Hee កាន់តែយ៉ាប់យ៉ឺន ក្រោយនៅតែឯងក្នុងវិមានប្រធានាធិបតី
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
លោក លី ធុជ ពាំនាំសាររំលែកមរណទុក្ខពីសម្តេចធិបតី និងលោកជំទាវបណ្ឌិត ជូនចំពោះក្រុមគ្រួសារនៃសព លោក ពៅ នេពីន ដែលគ្រោះថ្នាក់បាត់បង់ជីវិតក្នុងឧបទ្ទវហេតុផ្ទុះមីន
ចុងសប្តាហ៍នេះ អាមេរិក ជួបព្យុះព្រឹលធ្ងន់ធ្ងរ ប៉ះពាល់ពលរដ្ឋជាង ៣០០លាននាក់
លោក Mike Tyson ទិញវីឡាតម្លៃ១៣លានដុល្លារ ក្រោយប្រកួតជាមួយ Jake Paul
សុខភាពរបស់ជំទាវទីមួយ Kim Keon Hee កាន់តែយ៉ាប់យ៉ឺន ក្រោយនៅតែឯងក្នុងវិមានប្រធានាធិបតី
-
ចរាចរណ៍៥ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៧ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍៥ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ២០ ម៉ោង agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៤ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ១ សប្តាហ៍ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៧ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ