ព័ត៌មានជាតិ
ខេត្តសៀមរាបមានសណ្ឋាគារចំនួន ១៨១ កន្លែងកំពុងដំណើរការអាជីវកម្ម
ជាខេត្តគោលដៅទេសចរណ៍វប្បធម៌ដ៏ធំ ខេត្តសៀមរាបមានសណ្ឋាគារ និងផ្ទះសំណាក់រាប់រយកន្លែងកំពុងដំណើរការអាជីវកម្មបម្រើការកម្សាន្តនិងស្នាក់នៅរបស់ភ្ញៀវទេសចរ។
លោក ធិម សេរីវុឌ្ឍ ប្រធានស្តីទីនៃមន្ទីរទេសចរណ៍ខេត្តសៀមរាបបានឲ្យកម្ពុជាថ្មីដឹងថា សណ្ឋាគារចំនួន ១៨១ កន្លែង និងផ្ទះសំណាក់ចំនួន ២៩៣ កន្លែង កំពុងបើកដំណើរការអាជីវកម្មនៅក្នុងខេត្តសៀមរាប។
![](https://www.kampucheathmey.com/wp-content/uploads/2024/08/Top-5-high-end-hotels-in-Siem-Reap3.jpg)
ក្រៅពីសណ្ឋាគារ និងផ្ទះសំណាក់រាប់រយកន្លែង ខេត្តសៀមរាបដែលជាមជ្ឍមណ្ឌលទេសចរដ៏ទាក់ទាញបំផុត ក៏មានអាជីវកម្មទេសចរណ៍ជាច្រើនទៀតដែលផ្តល់សេវាកម្សាន្តដល់ទេសចរចម្រុះជាតិសាសន៍។ ក្នុងនោះមានភោជនីយដ្ឋានចំនួន ១៩៣ កន្លែង ហាងម៉ាស្សាចំនួន ៥៧ កន្លែង ខារ៉ាអូខេចំនួន ១២ កន្លែង ឌីស្កូតែក ចំនួន ២ កន្លែង បៀហ្គាឌិនចំនួន ២៨ កន្លែង ទីភ្នាក់ងារទេសចរណ៍មានចំនួន ២៥៥ កន្លែង និងកីឡាទេសចរណ៍មានចំនួន ០៧ កនែ្លង។
លោក ធិម សេរីវុឌ្ឍបានបន្ថែមថា នៅក្នុងខេត្តសៀមរាប ក៏មានតំបន់សហគមន៍ទេសចរណ៍ និងអេកូទេសចរណ៍ដែលបង្កើតឡើង និងគ្រប់គ្រងដោយប្រជាសហគមន៍មូលដ្ឋានមានចំនួន ១៥ សហគមន៍ផងដែរ។
បច្ចុប្បន្នជើងហោះហើរចូលមកកាន់ខេត្តសៀមរាបមានចំនួនពី ១៤-១៩ ជើងក្នុងមួយថ្ងៃ ដែលមានអ្នកដំណើរចន្លោះពី ១ ០០០ នាក់ ទៅ ១ ៥០០ នាក់។ ក្នុងនោះជើងហោះហើរអន្តរជាតិរួមមាន៖
-មកពីប្រទេសថៃមាន ០៤-០៥ ជើង/ ថ្ងៃ
-មកពីប្រទេសវៀតណាមមាន ០៤-០៥ជើង/ ថ្ងៃ
-មកពីប្រទេសឡាវមាន ០៣-០៤ជើង/ សប្តាហ៍
-មកពីបទេសចិន (គួនមីង-សៀមរាប) មាន ០១-០២ជើង/ សប្តាហ៍
-មកពីប្រទេសសិង្ហបុរី (សិង្ហបុរី-សៀមរាប) មាន ០១ ជើង/ ថ្ងៃ
-មកពីប្រទេសម៉ាឡេស៊ី (កូឡាឡាំពួរ-សៀមរាប) មាន ០១ ជើង/ ថ្ងៃ
របាយការណ៍របស់មន្ទីរទេសចរណ៍ខេត្តសៀមរាបបានបញ្ជាក់ថា ក្នុងរយៈពេល ០៧ ខែ ឆ្នាំ២០២៤ ខេត្តសៀមរាបទទួលបានភ្ញៀវទេសចរសរុបប្រមាណ ២,០២៤,០៧៤ នាក់ មានការកើនឡើងប្រមាណ ៤១.២១% បើប្រៀបធៀបនឹងរយៈពេលដូចគ្នាឆ្នាំ២០២៣ ចំនួន ១,៤៣៣,៣៧៥ នាក់ ក្នុងនោះភ្ញៀវទេសចរជាតិមានចំនួនប្រមាណ ១,៤៣៩,៧០០ នាក់ កើនឡើងប្រមាណ ៤៤.៨៤% ប្រៀបធៀបរយៈពេលដូចគ្នាឆ្នាំ២០២៣ ចំនួន ៩៩៤,០១០ នាក់។ ភ្ញៀវទេសចរអន្តរជាតិមានចំនួន ៥៨៤,៣៧៤ នាក់ មានការកើនឡើង ៣៣% បើប្រៀបធៀបនឹងរយៈពេលដូចគ្នាឆ្នាំ២០២៣ ចំនួន ៤៣៩,៣៦៥ នាក់៕
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៤ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ១ សប្តាហ៍ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៧ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៤ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៦ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ ថ្ងៃ ago
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៤ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត