ព័ត៌មានជាតិ
ភាគីសហជីព គ្រោងនឹងដាក់សំណើ ៣ ចំណុច ទៅរាជរដ្ឋាភិបាលជួយដោះស្រាយក្តីកង្វល់របស់កម្មករ-និយោជិត
ភាគីសហជីព គ្រោងនឹងដាក់សំណើចំនួន ៣ ចំណុច ជូនទៅរាជរដ្ឋាភិបាលតាមរយៈកិច្ចប្រជុំក្រុមប្រឹក្សាជាតិប្រាក់ឈ្នួលដែលមានសមាជិក ៥១ រូប មកពីត្រីភាគី ដើម្បីជួយដោះស្រាយនូវក្តីកង្វល់របស់កម្មករ-និយោជិត។
លោក សំ សឿន ប្រធានក្រុមប្រឹក្សាជាតិសហជីព បានមានប្រសាសន៍នៅព្រឹកថ្ងៃទី ១៥ សីហា នេះថា សំណើចំនួន ៣ ចំណុច ដែលគ្រោងនឹងដាក់ជូនរាជរដ្ឋាភិបាលរួមមាន ទី១.ស្នើឱ្យរាជរដ្ឋាភិបាលជួយទប់ស្កាត់ទំនិញឡើងថ្លៃគ្រប់ប្រភេទ ព្រោះថាស្ទើរតែជារៀងរាល់ឆ្នាំនៅពេលរដ្ឋាភិបាលដំឡើងប្រាក់ឈ្នួលទំនិញនៅលើទីផ្សារ ក៏មានការឡើងថ្លៃដែរ ជាហេតុធ្វើឱ្យកម្មករមិនបានទទួលផលពីការទទួលបានប្រាក់ឈ្នួលថ្មីទេ។ ទី២.ស្នើឱ្យរដ្ឋាភិបាល បន្តការងារជួយតបណ្តាញទឹក និងភ្លើងរដ្ឋតាមបណ្តាផ្ទះជួលបន្ថែមឱ្យបាន ១០០% ដើម្បីជួយសម្រួលដល់ការស្នាក់នៅរបស់កម្មករ និងធ្វើយ៉ាងណាជួយកុំឱ្យម្ចាស់ផ្ទះជួលដំឡើងថ្លៃឈ្នួលផ្ទះ។
លោកបានបន្តថា «បើទំនិញក៏ឡើង ផ្ទះជួលក៏ឡើងថ្លៃ វានឹងធ្វើឱ្យកម្មករជួបការលំបាកដដែលហ្នឹង ធ្វើឱ្យការដំឡើងប្រាក់ឈ្នួលរបស់រដ្ឋាភិបាលក៏មិនផ្តល់អត្ថប្រយោជន៍ដល់កម្មករ។ ដូចនេះសូមរាជរដ្ឋាភិបាលបន្តជួយដោះស្រាយបញ្ហានេះឱ្យបានល្អប្រសើរបន្ថែមទៀតផង បើទោះបីជារាជរដ្ឋាភិបាលបានកំពុងខិតខំដោះស្រាយបញ្ហាទាំងនេះជាបន្តបន្ទាប់ និងបានប្រសើរហើយក្តី»។
លោកបានបន្តទៀតថា ចំណុចទី៣.ស្នើឱ្យរដ្ឋាភិបាលជួយពង្រឹងការផ្តល់សេវាសុខាភិបាលនៅតាមមន្ទីរពេទ្យដែលជាដៃគូរបស់កម្មករ-និយោជិតដែលជាសមាជិក ប.ស.ស បន្ថែមទៀតផង ខណៈបច្ចុប្បន្នមានមន្ទីរពេទ្យភាគច្រើនបានអនុវត្តបានល្អប្រសើរហើយ។
លោកទទួលស្គាល់ថា រាជរដ្ឋាភិបាលបានខិតខំពង្រីកការប្រើប្រាស់ ប.ស.ស ដល់សមាជិក ប.ស.ស រហូតដល់ក្រុមគ្រួសារ និងកូនៗ បន្ថែមទៀត ដើម្បីលើកកម្ពស់សុខភាព និងជីវភាពរស់នៅកម្មករ-និយោជិត បានកាន់តែប្រសើរ។
គួរបញ្ជាក់ថា ក្រុមប្រឹក្សាប្រាក់ឈ្នួលបានបើកកិច្ចប្រជុំចរចាកំណត់ប្រាក់ឈ្នួលអប្បបរមា ផ្នែកវាយនភណ្ឌ កាត់ដេរ ផលិត ស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ ២០២៥ កាលពីថ្ងៃទី ១៤ សីហា ឆ្នាំ ២០២៤ ហើយ គ្រោងនឹងបន្តរៀបចំកិច្ចប្រជុំបន្ទាប់ នៅព្រឹក ថ្ងៃទី២៩ ខែសីហា, ថ្ងៃទី ៦, ទី ១២, ទី ១៩ និងទី ២៦ ខែកញ្ញា ឆ្នាំ ២០២៤។
នៅក្នុង ២០២៤ នេះ ប្រាក់ឈ្នួលអប្បបរមារបស់កម្មករ-និយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប គឺមានចំនួន ២០៤ ដុល្លារ ក្នុងមួយខែ ប្រសិនបើបូកនឹងប្រាក់អត្ថប្រយោជន៍ផ្សេងៗ បន្ថែម កម្មករ-និយោជិត ម្នាក់ អាចទទួលបានប្រាក់ឈ្នួល ចន្លោះពី ២២១ ទៅ ២៣២ ដុល្លារអាមេរិក ក្នុងមួយខែ ដោយមិនទាន់ពីគិតពីអត្ថប្រយោជន៍ផ្សេងទៀត ដែលទទួលបានពី ប.ស.ស៕
អត្ថបទ ៖ សំអឿន
បំណងពង្រឹងទំនាក់ទំនងទ្វេភាគី ទាយាទរបស់លុចសំបួ នឹងយាងទស្សនកិច្ចនៅកម្ពុជា
Ronaldo ជម្រុញឱ្យសិស្សប្អូននៅ ព័រទុយហ្គាល់ ម្នាក់ផ្លាស់ទៅ Man UTD
ស្រាបៀរ Heineken® បាននាំមកនូវផលិតផលថែរក្សាស្បែក Heineken® Smootheriser ដែលមានចំនួនកំណត់មកប្រទេសកម្ពុជា
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២១ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?