នាវាកងទ័ពជើងទឹកឥណ្ឌូនេស៊ីចូលចតនៅកំពង់ផែស្វយ័តក្រុងព្រះសីហនុ​ ដើម្បីទស្សនកិច្ច

នៅព្រឹកថ្ងៃទី១៦ ខែសីហា ឆ្នាំ២០២៤នេះ នាវាចម្បាំងរបស់កងទ័ពជើងទឹកឥណ្ឌូនេស៊ី១គ្រឿង បានចូលចតនៅក្នុងកំពង់ផែស្វយ័តក្រុងព្រះសីហនុប្រកបដោយសុវត្ថិភាព ដើម្បីធ្វើទស្សនកិច្ចការងារនៅកម្ពុជា។

នាវាចម្បាំងរបស់កងទ័ពជើងទឹកឥណ្ឌូនេស៊ីនេះ មានឈ្មោះ KRI Bima Suci ជាប្រភេទក្តោង) មានបណ្តោយប្រវែង ១១១,២០ម៉ែត្រ ទទឹងប្រវែង ១៣,៦៥ ម៉ែត្រ ជម្រៅទឹកប្រវែង៦ ម៉ែត្រ និងមាននាវិកសរុបចំនួន ២៨១នាក់ ដឹកនាំដោយលោកវរនាវីទោ Hastaria Dwi Prakoso មេបញ្ជាការនាវា នៃប្រទេសឥណ្ឌូនេស៊ី។ បើតាមមន្ត្រីកំពង់ផែ គឺនាវានេះចូលសំចតចាប់ពីថ្ងៃទី១៦ ដល់ថ្ងៃទី១៩ ខែសីហា ឆ្នាំ២០២៤។

ទទួលស្វាគមន៍ប្រតិភូកងទ័ពជើងទឹកឥណ្ឌូនេស៊ី នាពេលព្រឹកថ្ងៃនេះ មានវត្តមានថ្នាក់ដឹកនាំខេត្តព្រះសីហនុ មន្រ្តីកងរាជអាវុធហត្ថ និងមន្ត្រីមានសមត្ថកិច្ចរបស់ខេត្តព្រះសីហនុជាច្រើនរូប៕ អត្ថបទ៖ សយ ចាន់ធា