Connect with us

ព័ត៌មានជាតិ

​ដើម​ដូង ១០ ដើម ដាំមុខ​វត្តកណ្តាល រំលឹកចងចាំស្នាដៃ​ម្ចាស់​​កវី​ដងស្ទឹងសង្កែ លោក គង្គ ប៊ុនឈឿន

បានផុស

នៅ

បើទោះបីជាបច្ចុប្បន្ន ម្ចាស់កវីស្ទឹងសង្កែ លោក គង្គ ប៊ុនឈឿន បានលាចាកលោកទៅហើយក្តី ក៏ប៉ុន្តែ​ស្នាដៃ​ដ៏​មាន​តម្លៃ​របស់លោកនៅ​តែ​ទទួលការ​រំលឹកចងចាំ សម្រាប់​ការ​លះបង់ក្នុងបព្វហេតុ​ចូលរួម​​លើកស្ទួយ​ជ្រោង​តម្លៃ​នៃ​ស្នាដៃ​សិល្បៈខ្មែរ​​។

ក្រោយពីបាននាំយកអដ្ឋិធាតុ មកតម្កល់នៅក្នុងវត្តកណ្ដាលនាក្រុង​បាត់ដំបង រដ្ឋបាលខេត្តបានរៀបចំដាំដើមដូងរ៉បមាត់ស្ទឹងសង្កែ ត្រើយខាងកើតខាងមុខវត្តកណ្ដាលចំនួន ១០ ដើម ដែលជាតំណាងនូវបទ (ម្លប់ដូងទីដប់) របស់ម្ចាស់កវីស្ទឹងសង្កែ ដែលទាំងនេះ​សបញ្ជាក់ឲ្យឃើញថា បើទោះបីជាកវីនិពន្ធបានលាចាកលោកទៅហើយក្តី ក៏ទឹកដៃនិពន្ធ និងកិត្តិសព្ទ មិនរលាយសាបសូន្យទៅជាមួយរាងកាយរបស់លោកឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ​រូបសំណាករបស់លោក ត្រូវ​បាន​កសាងឡើងនៅខាងមុខប្រាង្គសម្រាប់តម្កល់អដ្ឋិធាតុ សម្រាប់ទុកឱ្យក្មេងជំនាន់ក្រោយបានស្គាល់ប្រវត្តិរបស់លោក ដែលជាអ្នកនិពន្ធជើងចាស់ និងមានទឹកដៃគ្មានគូប្រៀប។

ព្រះចៅអធិការវត្តកណ្ដាលនៅក្រុង​បាត់ដំបង​មានសង្ឃដីកាប្រាប់​កម្ពុជាថ្មី​ថា យូរៗម្ដងទើបឃើញក្រុមគ្រួសារនិងសាច់ញាតិ​របស់លោក​មកមើលនិងសំអាតប្រាង្គ ដែលពួកគាត់សុទ្ធសឹងជាអ្នកនៅក្រៅប្រទេសទាំងអស់ ប៉ុន្តែទោះយ៉ាងនេះក្តីក៏ទីអារាមនៅតែមានការថែទាំទៅលើប្រាង្គនេះដែរ។

បើគេនិយាយអំពីឈ្មោះម្ចាស់កវីស្ទឹងសង្កែ លោក គង្គ ប៊ុនឈឿន គេអាចនឹកដល់បទចម្រៀងជាច្រើនដែលជាស្នាដៃនិពន្ធរបស់លោកក្នុងការចងក្រងឡើង ទៅតាមទិដ្ឋភាពនិងភូមិសាស្ត្រនានាតាមបណ្ដោយដងស្ទឹងសង្កែ ក្នុងខេត្តបាត់ដំបង ដែលបទចម្រៀងទាំងនោះបានបន្សល់ទុករហូតមកដល់សព្វថ្ងៃ ដែលមិនមានការសាបសូន្យនោះឡើយ ដូចជាបទ << ម្លប់ដូងទីដប់ , រំដួលដងស្ទឹងសង្កែ , កុលាបវត្តកែវ , សែនស្ដាយថ្ពាល់ស្ដាំ , ស្ទឹងសម្ងាត់ , ស្ពានឈើអភ័ព្វ , ភូមិវត្តកំផែង >>ជាដើម។ បទចម្រៀងមួយចំនួនត្រូវបានម្ចាស់កវីស្ទឹងសង្កែ លោក គង្គ ប៊ុនឈឿន បានបញ្ចូលរឿងពិតខ្លះៗដែលបានកើតមានឡើងនៅក្នុងសង្គមទៅក្នុងបទចម្រៀងទាំងនោះ ធ្វើឱ្យអ្នកស្ដាប់ទាំងឡាយហាក់បានមើលឃើញនិងទៅដល់ទីតាំងដែលលោកនិពន្ធឡើង។

លោក គង្គ ប៊ុនឈឿន កើតនៅថ្ងៃទី ១៧ ខែតុលា ឆ្នាំ១៩៣៤ នៅលើទឹកដីខេត្តបាត់ដំបង និងបានទទួលមរណភាព មួយថ្ងៃទី ១៧ ខែមេសា ឆ្នាំ២០១៦ នៅប្រទេសន័រវេស ដោយរោគាពាធ និងបានបញ្ជូនអដ្ឋិធាតុមកតម្កល់ទុកនៅក្នុងប្រាង្គមួយកន្លែងក្នុងវត្តកណ្ដាល ស្ថិតក្នុងភូមិរំចេក ៤ សង្កាត់រតនៈ ក្រុងបាត់ដំបង ខេត្តបាត់ដំបង ដោយបានកសាងរូបសំណាករបស់លោកអង្គុយកាន់សៀវភៅនិងប៉ាក់កា នៅខាងមុខប្រាង្គថែមទៀតផង ដោយលោកមានភរិយាឈ្មោះ តាត គឹមលន៕

អត្ថបទ : សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច៩ នាទីutes មុន

កម្ពុជាមានពេល ៥ ឆ្នាំ អភិវឌ្ឍឧស្សាហកម្ម SME មុនពេលចាកចេញពីឋានៈជាប្រទេសអភិវឌ្ឍន៍តិចតួច

ព័ត៌មានជាតិ៣៦ នាទីutes មុន

ត្រឹមដើមឆ្នាំនេះ យុវជនក្រីក្រ និងងាយរងហានិភ័យជាង ៩ ម៉ឺននាក់ បានចុះឈ្មោះចូលរៀនជំនាញដោយឥតគិតថ្លៃ

ព័ត៌មានជាតិ៤០ នាទីutes មុន

លក់កាហ្វេ ភេសជ្ជៈតាម​ដង​ផ្លូវ​មួយ​ថ្ងៃ​បាន​ ៥០ ទៅ ៩០ កែវ រក​ចំណូល​បាន​ពី 20 ម៉ឺនរៀល ទៅ ៣០ ម៉ឺនរៀល ​ផ្គត់ផ្គង់គ្រួសារ

ព័ត៌មានអន្ដរជាតិ៥៦ នាទីutes មុន

UN ព្រមានថា ផែនការកាន់កាប់ហ្គាហ្សា របស់លោកត្រាំ នឹងក្លាយជាការបោសសម្អាតផ្តាច់ពូជ

រថយន្ដ FORD ​RAPTOR
សន្តិសុខសង្គម៥៧ នាទីutes មុន

ទំនងឆ្លងចរន្ដ រថយន្ដ FORD ​RAPTOR មួយគ្រឿងត្រូវអណ្ដាតភ្លើងឆេះអស់មួយកំណាត់មុខ

Sokha Hotels

ព័ត៌មានពេញនិយម