Connect with us

ព័ត៌មានជាតិ

សម្ដេចតេជោ ជឿថា នាយករដ្ឋមន្រ្តីថ្មីរបស់ថៃ នឹងបន្តពង្រឹងបន្ថែមនូវទំនាក់ទំនងល្អជាមួយកម្ពុជា

បានផុស

នៅ

ជាមួយនឹងសារអបអរសាទរចំពោះលោកស្រី ផែថងថាន ស៊ីណាវ៉ាត់ ដែលបានក្លាយជានាយករដ្ឋមន្ត្រីថ្មីរបស់ប្រទេសថៃ សម្ដេចតេជោ ហ៊ុន សែន បានបង្ហាញក្ដីជឿជាក់ថា នាយករដ្ឋមន្ត្រថៃរូបនេះ នឹងបន្តពង្រឹងបន្ថែមទៀតនូវទំនាក់ទំនងល្អ ជាមួយកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោ ហ៊ុន សែន ប្រធានព្រឹទ្ធសភា និងជាប្រមុខរដ្ឋស្ដីទីនៃកម្ពុជា បានចាត់ទុកភាពជោគជ័យរបស់លោកស្រី ផែថងថាន ស៊ីណាវ៉ាត់ ក្នុងការទទួលបានតំណែងកំពូលនេះ គឺជាសក្ខីភាពនៃការដឹកនាំ និងការលះបង់ដ៏ពិសេសរបស់លោកស្រីចំពោះបុព្វហេតុជាតិ និងប្រជាជនថៃ។ នេះជាខ្លឹមសារនៃលិខិតរបស់សម្ដេចតេជោ ផ្ញើជូនលោកស្រី ផែថងថាន ស៊ីណាវ៉ាត់។

តាមរយៈលិខិតដដែលនេះ សម្ដេចតេជោ ហ៊ុន សែន ក៏បានលើកឡើងពីទំនាក់ទំនង និងកិច្ចសហប្រតិបត្តិការដ៏ជិតស្និទ្ធរវាង កម្ពុជា និងថៃ ដែលត្រូវបានបន្តពង្រឹង និងពង្រីកបន្ថែមជាបន្តបន្ទាប់ ដោយផ្អែកលើស្មារតីនៃការគោរពគ្នាទៅវិញទៅមក ការជឿទុកចិត្តគ្នា និងការប្តេជ្ញាចិត្តក្នុងការលើកកម្ពស់សន្តិភាព និងវិបុលភាពនៅក្នុងប្រជាជាតិទាំងពីរ និងតំបន់ ជាពិសេសសហគមន៍ អាស៊ាន។ ក្នុងន័យនេះ សម្ដេចតេជោ បានបញ្ជាក់ថា ក្នុងនាមជាប្រទេសជិតខាងល្អ កម្ពុជា-ថៃ បានសហការគ្នាលើបញ្ហាផ្សេងៗ ដែលជាផលប្រយោជន៍រួម ហើយសម្ដេចតេជោ ជឿជាក់យ៉ាងមុតមាំថា ក្នុងតួនាទីថ្មីជានាយករដ្ឋមន្ត្រីរបស់ថៃ លោកស្រី ផែថងថាន នឹងបន្តពង្រឹងបន្ថែមទៀតនូវទំនាក់ទំនងកម្ពុជា-ថៃលើគ្រប់វិស័យ ដើម្បីបង្កើតសក្តានុពលថ្មីៗសម្រាប់កិច្ចសហប្រតិបត្តិការកាន់តែប្រសើរ និងផលប្រយោជន៍ទៅវិញទៅមកជូនប្រជាជាតិ និងប្រជាជនទាំងពីរ។

សម្ដេចតេជោ ក៏បានប្រកាសត្រៀមធ្វើការយ៉ាងជិតស្និទ្ធជាមួយលោកស្រី ផែថងថាន ក៏ដូចជាសភារបស់ថៃ ជាពិសេស ព្រឹទ្ធសភា ដើម្បីពង្រឹងបន្ថែមទៀតនូវភាពជាដៃគូ និងលើកកម្ពស់កិច្ចសហប្រតិបត្តិការរវាងរាជរដ្ឋាភិបាល និងសភានៃប្រទេសទាំងពីរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

សម្តេច ម៉ែន សំអន ៖ ពិធីបុណ្យដារលាន ជាបុណ្យប្រពៃណីដូនតាខ្មែរ ដើម្បីជួបជុំ និងអបអរ បន្ទាប់ហត់នឿយក្នុងពេលបង្ករបង្កើនផលរហូតដល់ប្រមូលផលស្រូវ

ព័ត៌មានអន្ដរជាតិ៣ ម៉ោង មុន

មនុស្សលើយន្តហោះសរុប១៨១នាក់ ទំនងជានៅរស់តែ២នាក់ប៉ុណ្ណោះ

ព័ត៌មានអន្ដរជាតិ៣ ម៉ោង មុន

ប៉ូលិសខេត្តចាន់ថាបុរី ចាប់ខ្លួនជនសង្ស័យដែលភ្នាល់ Influencer ថៃ ឲ្យផឹកស្រាដល់ស្លាប់

សន្តិសុខសង្គម៣ ម៉ោង មុន

ប៉ូលិសក្រុងដូនកែវ ខេត្តតាកែវ ឃាត់ខ្លួនជនសង្ស័យ៤នាក់ ពាក់ព័ន្ធករណីហិង្សា

ព័ត៌មានជាតិ៣ ម៉ោង មុន

អគារអនុសាខាកាកបាទក្រហមកម្ពុជា ស្រុកសាលាក្រៅ បានសម្ពោធឲ្យប្រើប្រាស់ជាផ្លូវការដើម្បីបម្រើវិស័យមនុស្សធម៌

Sokha Hotels

ព័ត៌មានពេញនិយម