ព័ត៌មានជាតិ
ឯកឧត្ដម ហ៊ុន ម៉ានិត ៖ រាជរដ្ឋាភិបាលមិនអនុញ្ញាតឲ្យមានការប្រមូលផ្ដុំធ្វើបាតុកម្មតាមការញុះញង់របស់ក្រុមប្រឆាំងមួយក្ដាប់តូចនៅក្រៅប្រទេសទេ
នាឱកាសអញ្ជើញចូលរួមជាអធិបតីភាពក្នុងកម្មវិធីឆ្លង និងសម្ពោធសមិទ្ធផលនានា នៅវត្តបារាយណ៍ ស្ថិតក្នុងក្រុងដូនកែវ ខេត្តតាកែវ កាលពីព្រឹកថ្ងៃទី ១៦ ខែសីហា ឆ្នាំ ២០២៤ នេះ ឯកឧត្ដម ហ៊ុន ម៉ានិត អគ្គនាយក នៃអគ្គនាយកដ្ឋានស្រាវជ្រាវចារកិច្ច និងជាមេបញ្ជាការរងកងទ័ពជើងគោក តំណាងដ៏ខ្ពង់ខ្ពស់របស់ សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងឲ្យដឹងថា រាជរដ្ឋាភិបាលកម្ពុជា មិនអនុញ្ញាតឲ្យមានការប្រមូលផ្ដុំធ្វើបាតុកម្មផ្ដួលរំលំរាជរដ្ឋាភិបាលស្របច្បាប់តាមការញុះញង់របស់ក្រុមប្រឆាំងមួយចំនួនតូចនៅក្រៅប្រទេសនោះទេ។
ឯកឧត្ដម ហ៊ុន ម៉ានិត លើកឡើងបន្តថា ក្នុងរយៈពេលប៉ុន្មានថ្ងៃកន្លងមកនេះ ក្រុមប្រឆាំងមួយចំនួនតូចនៅក្រៅប្រទេស បានធ្វើបាតុកម្ម និងកៀរគរប្រជាពលរដ្ឋនៅក្នុងស្រុកឲ្យក្រោកឡើងប្រឆាំងនឹងរាជរដ្ឋាភិបាលកម្ពុជាពាក់ព័ន្ធទៅនឹងគម្រោងអភិវឌ្ឍន៍ CLV ដោយចោទប្រកាន់រាជរដ្ឋាភិបាលថាបានធ្វើឲ្យបាត់បង់ទឹកដីចំនួន ៤ ខេត្ត ហើយបើទោះបីជា សម្ដេចតេជោ ហ៊ុន សែន អតីតនាយករដ្ឋមន្ត្រី និងលោកជំទាវរដ្ឋមន្ត្រីក្រសួងពាណិជ្ជកម្ម បានចេញមកធ្វើការបកស្រាយ និងពន្យល់ជាច្រើនដងយ៉ាងណាក៏ដោយ ក៏ពួកគេនៅតែមិនស្ដាប់ការពន្យល់នោះទេ ផ្ទុយទៅវិញពួកគេយកបញ្ហា CLV នេះដុតបញ្ឆេះកំហឹងប្រជាពលរដ្ឋឲ្យក្រោកឡើងធ្វើបាតុកម្មប្រឆាំងនឹងរាជរដ្ឋាភិបាលស្របច្បាប់ទៅវិញ។
ឯកឧត្ដម ហ៊ុន ម៉ានិត លើកឡើងបន្ថែមថា រាជរដ្ឋាភិបាលគោរពសិទ្ធិសេរីភាពក្នុងការបញ្ចេញមតិ និងគោរពឆន្ទៈស្នេហាជាតិរបស់ប្រជាពលរដ្ឋ ក៏ប៉ុន្តែយើងមិនអនុញ្ញាតឲ្យមនុស្សមួយចំនួនតូចយកបញ្ហាគម្រោងអភិវឌ្ឍន៍CLV នេះ ធ្វើជាឈ្នាន់ ដើម្បីទម្លាក់រាជរដ្ឋាភិបាលស្របច្បាប់នោះទេ។ ការផ្លាស់ប្ដូរ ឬទម្លាក់រាជរដ្ឋាភិបាលដោយការធ្វើបាតុកម្មវានឹងនាំឲ្យប្រទេសឈានទៅរកការបែកបាក់ និងផ្ទុះសង្គ្រាមសាជាថ្មីជាក់ជាពុំខាន។ ប្រទេសយើងទើបតែទទួលបានសុខសន្តិភាព មានការអភិវឌ្ឍលើគ្រប់វិស័យរយៈពេលជាង ២០ ឆ្នាំប៉ុណ្ណោះ ដូច្នោះទោះតម្លៃណាក៏ដោយ ក៏រាជរដ្ឋាភិបាលនឹងថែរក្សាឲ្យបាននូវសុខសន្តិភាព ស្ថិរភាពនយោបាយ ឲ្យបានគង់វង្សសម្រាប់ប្រទេសជាតិ និងប្រជាជន។
នៅឱកាសនោះ ឯកឧត្ដម ហ៊ុន ម៉ានិត ក៏បានអំពាវនាវដល់ប្រជាពលរដ្ឋទាំងអស់ សូមជឿជាក់លើការដឹកនាំរបស់រាជរដ្ឋាភិបាលក្នុងការថែរក្សាការពារអធិបតេយ្យភាព បូរណភាពទឹកដីមិនឲ្យបាត់បង់នោះទេ ហើយសូមប្រជាពលរដ្ឋចូលរួមជាមួយរាជរដ្ឋាភិបាលក្នុងការថែរក្សាសុខសន្តិភាព ស្ថិរភាពនយោបាយឲ្យគង់វង្សយូរអង្វែង ដើម្បីឲ្យប្រទេសយើងមានការរីកចម្រើន និងអភិវឌ្ឍន៍លើគ្រប់វិស័យបន្ថែមទៀត៕
អត្ថបទ ៖ វីរៈ
-
វប្បធម៌ ជំនឿ៥ ថ្ងៃ ago
ទំនាយឆ្នាំ២០២៥ របស់លោកយាយ Baba Vanga ព្រឺព្រួចជាងទំនាយមុនៗ
-
ព័ត៌មានអន្ដរជាតិ៤ ថ្ងៃ ago
រោងចក្រនុយក្លេអ៊ែរធំបំផុតនៅអឺរ៉ុប ត្រូវអគ្គិភ័យឆាបឆេះ
-
ព័ត៌មានជាតិ២ ថ្ងៃ ago
សមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
-
ព័ត៌មានអន្ដរជាតិ១ ថ្ងៃ ago
ប្រទេសកូរ៉េខាងជើង បើកទទួលទេសចរ ទៅលេងកម្សាន្តវិញហើយ
-
ព័ត៌មានជាតិ៤ ថ្ងៃ ago
ខេត្តភាគឦសានមណ្ឌលគិរី ពលរដ្ឋមានចំណូលខ្ពស់ឈរនៅលំដាប់ទី ៤ ទូទាំងប្រទេស
-
សន្តិសុខសង្គម៨ ម៉ោង ago
ឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព
-
សន្តិសុខសង្គម៧ ថ្ងៃ ago
សាលាដំបូងរាជធានី បំភ្លឺជុំវិញការចាប់ខ្លួនលោក សាន អឿន
-
សន្តិសុខសង្គម២ ម៉ោង ago
នគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម