ព័ត៌មានជាតិ
អង្គការ AHF នឹងសហការជាមួយក្រសួងសុខាភិបាល សាកល្បងលើគម្រោងធ្វើតេស្ត និងព្យាបាលជំងឺកាមរោគនៅកម្ពុជា
អង្គការមូលនិធិថែទាំសុខភាពអ្នកជំងឺអេដស៍(AHF) នឹងសហការជាមួយមជ្ឈមណ្ឌលជាតិប្រយុទ្ធនឹងជំងឺអេដស៍សើស្បែក និងកាមរោគ នៃក្រសួងសុខាភិបាល ទៅលើគម្រោងសាកល្បងធ្វើតេស្ត និងព្យាបាលជំងឺកាមរោគនៅប្រទេសកម្ពុជា នាពេលឆាប់ៗ ខាងមុខនេះ ខណៈបច្ចុប្បន្នជំងឺនេះហាក់មានការកើនឡើងគួរឱ្យព្រួយបារម្ភ។
លោកវេជ្ជបណ្ឌិត ឈឹម សារ៉ាត់ នាយកប្រចាំតំបន់អាស៊ីរបស់អង្គការមូលនិធិថែទាំសុខភាពអ្នកជំងឺអេដស៍(AHF)បានមានប្រសាសន៍ថា ការសហការជាមួយមជ្ឈមណ្ឌលជាតិសើស្បែក និងកាមរោគលើគម្រោងធ្វើតេស្ត និងព្យាបាលជំងឺកាមរោគនេះ ដោយសារតែអត្រាឆ្លងជំងឺកាមរោគនៅកម្ពុជាខ្ពស់គួរឱ្យមានការព្រួយបារម្ភ ហើយមិនមែនមានតែនៅកម្ពុជានោះទេ ហើយការមានជំងឺកាមរោគខ្ពស់ក៏ជួយជំរុញឱ្យការឆ្លងមេរោគជំងឺអេដស៍ខ្ពស់ផងដែរ។ ដូចនេះការព្យាបាលជំងឺកាមរោគ ក៏ជួយទប់ស្កាត់មិនឱ្យឆ្លងជំងឺអេដស៍បានដែរ។
លោកវេជ្ជបណ្ឌិត អ៊ុក វិជ្ជា ប្រធានមជ្ឈមណ្ឌលជាតិប្រយុទ្ធនឹងជំងឺអេដស៍សើស្បែក និងកាមរោគ នៃក្រសួងសុខាភិបាល បានមានប្រសាសន៍ថា ការចូលរួមរបស់អង្គការAHF ទៅលើការងារធ្វើតេស្ត និងព្យាបាលជំងឺកាមរោគនេះ ពិតជាមានសារៈសំខាន់ណាស់ក្នុងការកាត់បន្ថយអត្រាឆ្លងជំងឺនេះនៅកម្រិតទាប ពិសេសទៅលើក្រុមប្រឈមខ្ពស់ដូចជាក្រុមបុរសស្រលាញ់ភេទដូចគ្នា ក្រុមបម្លែងភេទ ក្រុមយុវវ័យ និងក្រុមប្រើប្រាស់គ្រឿងញៀនជាដើម។
លោកវេជ្ជបណ្ឌិត បានបន្តថា បច្ចុប្បន្ននេះអង្គការAHF បានកំពុងចូលរួមទប់ស្កាត់ការឆ្លងរាលដាលជំងឺអេដស៍នៅប្រទេសកម្ពុជាផងដែរ។
លោកស្រីវេជ្ជបណ្ឌិត ហួយ ស៊ីខេង ប្រធានកម្មវិធី អង្គការមូលនិធិថែទាំសុខភាពអ្នកជំងឺអេដស៍(AHF)ប្រចាំនៅកម្ពុជា បានបញ្ជាក់ថា អង្គការAHFបានចូលរួមជាមួយរាជរដ្ឋាភិបាលក្នុងការកាត់បន្ថយ និងឈានទៅលុបបំបាត់ការឆ្លងថ្មី និងស្លាប់ដោយសារមេរោគអេដស៍ និងចូលរួមលុបបំបាត់ការរើសអើងចំពោះអ្នកផ្ទុកមេរោគអេដស៍ និងអ្នកជំងឺអេដស៍ដែលធ្វើឡើងតាមរយៈគម្រោងសកម្មភាពស្នូលចំនួន ៤ រួមមានទី១. គម្រោងបង្ការការឆ្លងមេរោគអេដស៍ដោយផ្តល់ការអប់រំនិងប្រឹក្សា ការចែកស្រោមអនាម័យ ការគាំទ្រដល់ការផ្តល់ថ្នាំបង្ការមុនប្រឈម និងក្រោយប្រឈម (PrEP, PEP) ការលើកកម្ពស់ការឆាប់ផ្តល់ថ្នាំព្យាបាលដល់អ្នកផ្ទុកមេរោគ (ព្យាបាលដើម្បីបង្ការ)។ ទី២. គម្រោងធ្វើតេស្តរកមេរោគអេដស៍ និងផ្សារភ្ជាប់ទៅការបង្ការ ឬការថែទាំព្យាបាលដោយផ្តោតទៅលើការធ្វើតេស្តក្នុងសហគមន៍ ក្នុងមណ្ឌលសំចត តាមរថយន្តចល័ត និងក្នុងមន្ទីរពេទ្យ។ ទី៣. គម្រោងថែទាំព្យាបាលអ្នកផ្ទុកមេរោគអេដស៍និងអ្នកជំងឺអេដស៍ដោយគាំទ្រ និងពង្រឹងគុណភាពសេវាថែទាំព្យាបាលអ្នកផ្ទុកមេរោគអេដស៍ និងអ្នកជំងឺអេដស៍និង ទី៤. គម្រោងគាំទ្របន្ថែម ដូចជាការប្រារព្ធទិវាផ្សេងៗ ការតស៊ូមតិ គម្រោងសកម្មភាពយុវតី គម្រោង អាហារដើម្បីសុខភាព និងគម្រោងជំនួយគ្រាអាសន្ន ។ល។
លោកស្រីវេជ្ជបណ្ឌិត បានបន្តថា ជាផែនការបន្តអង្គការAHFប្រចាំនៅកម្ពុជានឹងបន្តអនុវត្តគម្រោងសកម្មភាពបច្ចុប្បន្នរួមមានគម្រោងបង្ការ ធ្វើតេស្ត ថែទាំព្យាបាលនិងគម្រោងគាំទ្របន្ថែមឱ្យកាន់តែមានប្រសិទ្ធផល។
គួរបញ្ជាថា នៅកម្ពុជាត្រូវបានគេប៉ាន់ប្រមាណថាអ្នកផ្ទុកមេរោគអេដស៍ប្រមាណ ៧៦ ០០០ នាក់ ក្នុងនោះមានអ្នកទៅព្យាបាលប្រមាណ ៦៨ ៨០២ នាក់ និងអ្នកមិនបានទៅធ្វើតេស្តប្រមាណជាង ៧ ០០០ នាក់ ខណៈក្នុង ១ ឆ្នាំ មានអ្នកឆ្លងថ្មី នៃមេរោគអេដស៍ប្រមាណ ១ ២០០ នាក់ និងស្លាប់ដោយសារជំងឺអេដស៍ ១ ០០០ នាក់៕
អត្ថបទ ៖ សំអឿន
លោក Rodrigo Duterte ប្រឈមនឹងការសាកសួរផ្ទាល់លើកដំបូងនៅតុលាការ ICC
ម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
ខេត្តព្រះសីហនុ ចូលរួមពិធីចុះអនុស្សរណៈរវាងក្រុមហ៊ុនអ្នកឧកញ៉ា ទៀ វិចិត្រនិងសមាគមទេសចរណ៍ ដើម្បីសហការគ្នាពង្រីកវិសយ័ទេសចរណ៍
យុទ្ធសាស្រ្តផ្ការីក ដើម្បីបះបោរផ្ដួលរាជរដ្ឋាភិបាល សម្តេច ហ៊ុន សែន ផ្ដាំថា «កុំសង្ឃឹម»
សម្ដេច ហ៊ុន សែន ប្រតិកម្មចំពោះការប្រៀបធៀបសម្ដេចនឹងមេដឹកនាំដែលគេចាប់ខ្លួន
សម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
អាជ្ញាធរប្រឆាំងគ្រឿងញៀនស្នើរឹបអូសទ្រព្យសម្បត្តិឈ្មួញគ្រឿងញៀនជាប្រាក់រង្វាន់
ម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
ដ្រូនអ៊ុយក្រែន វាយប្រហារខ្នាតធំលើក្រុងមូស្គូ ជាលើកទី២ ក្នុងពេលត្រឹម៣ថ្ងៃ
ពូទីន ទាមទារឲ្យមានការធានា ៣យ៉ាងដាច់ខាត ក្នុងអំឡុងពេលបទឈប់បាញ់
-
ព័ត៌មានអន្ដរជាតិ៣ ថ្ងៃ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
សន្តិសុខសង្គម៧ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ព័ត៌មានជាតិ៩ ម៉ោង agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម២ ថ្ងៃ agoភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
-
ព័ត៌មានជាតិ១៩ ម៉ោង agoអាជ្ញាធរប្រឆាំងគ្រឿងញៀនស្នើរឹបអូសទ្រព្យសម្បត្តិឈ្មួញគ្រឿងញៀនជាប្រាក់រង្វាន់
-
ព័ត៌មានអន្ដរជាតិ៤ ថ្ងៃ agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
សន្តិសុខសង្គម៥ ម៉ោង agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
សន្តិសុខសង្គម១ សប្តាហ៍ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ