ព័ត៌មានជាតិ
នៅភ្នំពេញស្ងប់ស្ងាត់ធម្មតា តែកងកម្លាំងនៅតែប្រុងជើងការខ្ពស់
សភាពការណ៍សន្តិសុខនៅតាមមូលដ្ឋានក្នុងភូមិសាស្ត្ររាជធានីភ្នំពេញ មានភាពស្ងប់ស្ងាត់ធម្មតា ខណៈកងកម្លាំងបានរៀបរយត្រៀមជានិច្ច ក្នុងការថែរក្សាសន្តិសុខសុវត្ថិភាព ជូនពលរដ្ឋ និងសង្គមជាតិ។

លោក ញាណ ច័ន្ទសោភា អភិបាលរងខណ្ឌច្បារអំពៅ បានប្រាប់ឱ្យដឹងថា សភាពការណ៍ក្នុងមូលដ្ឋាន មានលក្ខណៈល្អប្រសើរដោយពលរដ្ឋ កំពុងប្រកបរបររកស៊ីទទួលទាន និងបំពេញកិច្ចការងារធម្មតា មិនមានកត្តាអ្វីបង្កក្តីព្រួយបារម្ភនោះឡើយ។ ក្នុងនាម កងកម្លាំងអាជ្ញាធរ លោកថា គឺការពារដាច់ខាតចំពោះជនទុច្ចរិតទាំងឡាយណា មានចេតនាបង្កជាភាពវឹកវរប៉ះពាល់ដល់សន្តិសុខសង្គម ពិសេស គឺអំពើកុបកម្មប៉ងផ្តួលរំលំរាជរដ្ឋាភិបាលស្របច្បាប់។

ប្រជាពលរដ្ឋរស់នៅក្នុងមូលដ្ឋានខណ្ឌច្បារអំពៅ មិនមានការព្រួយបារម្ភអ្វីនោះឡើយ បើទោះបីជាមានក្រុមជ្រុលនិយមមួយចំនួនថា នឹងប្រមូលផ្តុំកម្លាំង ដើម្បីបង្កភាពវឹកវរដល់សង្គមជាតិក៏ដោយ ។ ពលរដ្ឋចាត់ទុកថា ការញុះញង់របស់ជនទាំងនោះ មិនបានផ្តល់ផលល្អអ្វីដល់ប្រទេសជាតិនោះទេ គឺជាចេតនាទុច្ចរិត ចង់ឱ្យប្រទេសជាតិកើតមានសង្គ្រាមទៅវិញ។ ពលរដ្ឋដដែលសង្ងត់ធ្ងន់ថា ពួកគេធ្លាប់ឆ្លងកាត់រួចហើយប្រទេសមានសង្គ្រាម គឺលំបាកណាស់ក្នុងការដើរហើរគ្មានសេរីភាព លូនក្រាប។

គួរបញ្ជាក់ថា កម្លាំងគណៈបញ្ជាការឯកភាពរដ្ឋបាល នៅទូទាំងខណ្ឌទាំង១៤ ក្នុងរាជធានីភ្នំពេញ កំពុងចាប់ផ្តើមអនុវត្តការដាក់គោលដៅត្រួតពិនិត្យ នៅតាមតម្រាយផ្លូវជាតិសំខាន់ដែលតភ្ជាប់ចូលមករាជធានីភ្នំពេញ ដើម្បីត្រួតពិនិត្យ បង្ការទប់ស្កាត់ និងបង្ក្រាបចំពោះសកម្មភាពទាំងឡាយណា ដែលសមត្ថកិច្ចកំណត់បានថា ជាមុខសញ្ញាក្នុងការត្រៀមខ្លួនធ្វើកុបកម្មផ្តួលរំលំរាជរដ្ឋាភិបាលស្របច្បាប់ នាពេលបច្ចុប្បន្ននេះ៕
អត្ថបទ ៖ សុភា

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ