ព័ត៌មានជាតិ

ផាកពិន័យបុរសខ្មែរម្នាក់ ២លានរៀល លួចដើរហើរ មិនអនុវត្តចត្តាឡីស័កបានត្រឹមត្រូវ

បានផុស

៤ years មុន

នៅ

ថ្ងៃសុក្រ ៥ មីនា ២០២១

ដោយ

រដ្ឋបាលខេត្តព្រះសីហនុបានផាកពិន័យចំនួន២លានរៀល លើបុរសម្នាក់ដែលអនុវត្តន៍មិនត្រឹមត្រូវ ខណៈពេលដាក់ធ្វើចត្តាឡីស័ក (ក្នុងផ្ទះខ្លួនឯង) ហើយបានចេញដើរហើរចល័តច្រើនកន្លែងក្នុងក្រុងព្រះសីហនុ។

បុរសដែលរឹងរូសមិនអនុវត្តតាមគោលការក្រសួងសុខាភិបាលនេះ ត្រូវរដ្ឋបាលខេត្តព្រះសីហនុ ផាកពិន័យជាប្រាក់ចំនួន២លានរៀល នៅព្រឹកថ្ងៃទី៥ មីនា ឆ្នាំ២០២១នេះ ជាមួយនឹងការព្រមានបន្ថែមពីវិធានការក្តៅបន្ត ក្នុងករណីនៅតែចចេសរឹងរូសព្រហើន មិនអនុត្តឲ្យបានត្រឹមត្រូវពេលធ្វើចត្តាឡីស័ក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីសាលាខេត្តព្រះសីហនុ បានថ្លែងថា បុរសនេះឈ្មោះ នូវ ចន្ថា មានអាសយដ្ឋាននៅភូមិ៥សង្កាត់លេខ៤ ក្រុងព្រះសីហនុ ដោយផ្ទះជាប់របងសាលារៀនហ៊ុន សែនមិត្តភាព ក្រុងព្រះសីហនុនិងមានមុខរបរធ្វើការនៅក្នុងសណ្ឋាគារឯកជនមួយក្នុងក្រុងព្រះសីហនុ។ មន្ត្រីដដែលបានឲ្យដឹងទៀតថា បុរសដែលត្រូវពិន័យអស់ប្រាក់២លានរៀលនេះ ជាអ្នកពាក់ព័ន្ធដោយប្រយោលជាមួយនឹងអ្នកជំងឺកូវីដ១៩ ដែលក្រុមការងារឆ្លើយតបបន្ទាន់មន្ទីរសុខាភិបាលខេត្ត ដាក់ឲ្យធ្វើចត្តាឡីស័កដោយខ្លួនឯងនៅក្នុងផ្ទះ៕

អត្ថបទ ៖ ស៊ុយ ចាន់ធា