ព័ត៌មានជាតិ
រមណីយដ្ឋានទឹកធ្លាក់ច្រកល្អៀង ហាមមិនឱ្យភ្ញៀវទេសចរចាក់តន្រ្តីលាន់ឮខ្លាំង
ក្នុងចំណោមបម្រាមមួយចំនួនដែលមានស្រាប់ ក្រោយពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំ២០២៤ បានបញ្ចប់ទៅ អាជ្ញាធរប្រចាំរមណីយដ្ឋានទឹកធ្លាក់ច្រកល្អៀង បានបន្ថែមនៅបម្រាមថ្មីមួយទៀត គឺហាមមិនឱ្យភ្ញៀវដែលលេងកម្សាន្តនៅទីនោះចាក់ឧបករណ៍តន្រ្តីឮខ្លាំងៗទៀតឡើយ។ តាមការអះអាងរបស់អាជ្ញាធរ បម្រាមថ្មីមួយនេះ បានដាក់ចេញក្រោយមានការរិះគន់រឿងភ្ញៀវមួយចំនួនបានចាក់តន្ត្រីឮខ្លាំងជ្រុល ក្នុងតំបន់ធម្មជាតិរមណីដ្ឋានទឹកធ្លាក់ច្រកល្អៀង។
ជាការកត់សម្គាល់ គេឃើញថាភ្ញៀវដែលបានយកឧបករណ៍តន្រ្តីចូលទៅក្នុងរមណីយដ្ឋានមួយនេះ គឺចាក់តន្រ្តីក្នុងកម្រិតសម្លេងមួយដែលស្ដាប់ឮត្រឹមតែរង្វង់ក្រុមគ្រួសាររបស់គាត់តែប៉ុណ្ណោះ ពោលគឺលែងចាក់តន្រ្តីលាន់ឮរំពងរមណីយដ្ឋានដូចមុន។
តាមក្រដាសព័ត៌មាននៃរមណីយដ្ឋានទឹកធ្លាក់ច្រកល្អៀង បានឱ្យដឹងថា រមណីដ្ឋានមួយនេះ បានបង្កើតឡើងកាលពីឆ្នាំ២០០២ លើផ្ទៃដីទំហំ១៥០ហិកតា ស្ថិតនៅតំបន់ការពារធម្មជាតិភ្នំឱរ៉ាល់ ក្នុងភូមិសាស្ត្រភូមិបំណក់ ឃុំឈើតុំ ស្រុកក្រគរ ខេត្តពោធិ៍សាត់។
សក្ដានុភាពទេសចរណ៍រមណីយដ្ឋាននេះ មានដូចជា ទឹកហូរថ្លាគ្រប់រដូវ មិនចេះរីងស្ងួត លម្អដោយផ្ទាំងថ្មតូចធំនៅរាយប៉ាយនៅក្នុងទឹក។ ឯជម្រៅទឹកវិញអំណោយផលសម្រាប់ការចុះលេងកម្សាន្តរបស់មនុស្សគ្រប់វ័យ។ ខ្យល់ត្រជាក់ ម្លប់ដើមឈើគ្រប់កន្លែង និងមានសត្វព្រៃចូលមករស់នៅដូចជា ខ្លា ឈ្លូស ស្វា ទោច ពស់ថ្លាន់ ជ្រូកព្រៃ។ ល្បាក់ទឹកធ្លាក់ជាច្រើនកន្លែង និងកម្ពស់ទឹកធ្លាក់កម្ពស់៥ម៉ែត្រ។
ប្រវែងសរុបនៃរមណីយដ្ឋានទឹកធ្លាក់ច្រកល្អៀង គឺបណ្ដោយ៣គីឡូម៉ែត្រ និងទទឹង៥០០ម៉ែត្រ។ ទីកម្សាន្តក្នុងរមណីយដ្ឋានមាន៨ដំណាក់ ដូចជាដំណាក់កោះយាយចាំតា ដំណាក់ទឹកឈូ ដំណាក់មនោរម្យ ដំណាក់ថ្មសណ្ដូក ដំណាក់ព្រះ ដំណាក់ម្លប់ជ្រៃក្រឹម ដំណាក់កោះសុបិន្ត និងដំណាក់ទឹកធ្លាក់ ដែលដំណាក់នីមួយៗមានប្រវែងពី៥០ទៅ២០០ម៉ែត្រ។
រមណីយដ្ឋានទឹកធ្លាក់ច្រកល្អៀង មានចម្ងាយ៧៣គីឡូម៉ែត្រ ពីទីរួមខេត្តពោធិ៍សាត់ និងចម្ងាយ១៩៥គីឡូម៉ែត្រពីរាជធានីភ្នំពេញ៕
-
ព័ត៌មានជាតិ១ ថ្ងៃ ago
នៅភ្នំពេញស្ងប់ស្ងាត់ធម្មតា តែកងកម្លាំងនៅតែប្រុងជើងការខ្ពស់
-
សន្តិសុខសង្គម៣ ថ្ងៃ ago
នគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម
-
វប្បធម៌ ជំនឿ១ សប្តាហ៍ ago
ទំនាយឆ្នាំ២០២៥ របស់លោកយាយ Baba Vanga ព្រឺព្រួចជាងទំនាយមុនៗ
-
ព័ត៌មានអន្ដរជាតិ១ សប្តាហ៍ ago
រោងចក្រនុយក្លេអ៊ែរធំបំផុតនៅអឺរ៉ុប ត្រូវអគ្គិភ័យឆាបឆេះ
-
ព័ត៌មានអន្ដរជាតិ៤ ថ្ងៃ ago
ប្រទេសកូរ៉េខាងជើង បើកទទួលទេសចរ ទៅលេងកម្សាន្តវិញហើយ
-
ព័ត៌មានជាតិ៥ ថ្ងៃ ago
សមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
-
ព័ត៌មានជាតិ១ សប្តាហ៍ ago
ខេត្តភាគឦសានមណ្ឌលគិរី ពលរដ្ឋមានចំណូលខ្ពស់ឈរនៅលំដាប់ទី ៤ ទូទាំងប្រទេស
-
សន្តិសុខសង្គម៣ ថ្ងៃ ago
ឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព