ព័ត៌មានជាតិ
រដូវវស្សាឆ្នាំនេះ កសិករខេត្តបាត់ដំបងសម្រុកដាំដុះស្រូវ ខណៈដំណាំសាកវប្បកម្ម និងឧស្សាហកម្ម ថយចុះជាងឆ្នាំមុន
រដូវវស្សាក្នុងឆ្នាំនេះ ពលរដ្ឋនៅស្រុកមោងឫស្សីខេត្តបាត់ដំបង បានសម្រុកធ្វើស្រូវ ២ប្រភេទ ច្រើនជាងឆ្នាំមុន ខណៈដំណាំសាកវប្បកម្ម និងឧស្សាហកម្ម ថយចុះជាងឆ្នាំមុនទៅវិញ ដោយសារកត្តាអាកាសធាតុមិនដំណោយផលល្អ។
![](https://www.kampucheathmey.com/wp-content/uploads/2024/08/Screenshot_20240819_103857.jpg)
លោក ម៉ាប់ កសិកររស់នៅក្នុងឃុំព្រៃតូច ស្រុកមោងឬស្សី បានឲ្យដឹងថា ឆ្នាំនេះស្រូវលូតលាស់បានល្អ ខណៈឆ្នាំកន្លងទៅលោកធ្វើតែ ៥ ហិតា តែឆ្នាំនេះបង្កើនហូតដល់ទៅ ១០ហិតា។
«បើគិតមកដល់ថ្ងៃនេះ ស្រូវខ្ញុំមានរយៈពេលទើបជាង ៣០ថ្ងៃប៉ុណ្ណោះ ខ្ញុំសប្បាយចិត្តពេក ១ថ្ងៃៗចង់តែនៅមើលស្រូវ អាចសងបំណុលរួចរាល់ក្នុងឆ្នាំនេះ»។
ជាមួយនឹងការហុចផលស្រូវបានល្អ កសិកររូបនេះ បានឱ្យដឹងពីការដាំដំណាំពោតក្រហម ដោយសារតែរលកកម្តៅខ្លាំងពេក នៅសល់តិចតួចប៉ុណ្ណោះ តែអាចប្រមូលផលបានមិនខាតនោះទេ។
![](https://www.kampucheathmey.com/wp-content/uploads/2024/08/IMG_20240819_100445_710-1024x768.jpg)
ចំណែកកសិករមួយរូបទៀត ដែលរស់នៅក្នុងស្រុកបាណន់ អ្នកស្រី សួន សាឃឿន បានឲ្យដឹងដែរថា ឆ្នាំនេះ អ្នកស្រី ដាំដំឡូងមីលើដីតែ ២ ហិតា ប៉ុណ្ណោះ ខណៈឆ្នាំមុនដាំលើផ្ទៃដី ៥ហិតា។ ការកាត់បន្ថយផ្ទៃដីនេះ អ្នកស្រីលើកឡើងថា ដោយសារតែឆ្នាំនេះក្តៅខ្លាំងពេក កាលណាដាំលើទំហំដីច្រើន គឺបារម្ភខ្លាចខាតបង់ថវិកាច្រើន។
អ្នកស្រីបន្តថា «សុខចិត្តបានផលតិច គ្រាន់ជាងខាតបង់ទុនច្រើនចាំមើលឆ្នាំមុខ បើអាកាសធាតុល្អ ខ្ញុំនឹងដាំលើដីទាំង ៥ ហិតាតែម្តង»។
បើយោងតាមរបាយការណ៍ពីមន្ទីរកសិកម្មខេត្តបាត់ដំបង កសិករដាំដុះស្រូវសរុបរហូតដល់ ៣៤០.៥៥៥ ហិតា ស្មើនិង ១០១,៦៦% នៃផែនការ ៣៣៥.០០០ហិតា លើសឆ្នាំមុនចំនួន ៣៨.៧៦៧ហិតា។ ក្នុងនោះ ស្រូវស្រាលចំនួន ២១៥.១៤៤ហិតា លើសឆ្នាំមុន ២៤.៨២៦ហិតា ,ស្រូវកណ្តាលចំនួន ៨៤. ៧២០ហិតា លើសឆ្នាំមុន ១៣.០៧២ហិតា។
![](https://www.kampucheathmey.com/wp-content/uploads/2024/08/IMG_20240819_101332_840-1024x768.jpg)
ដោយឡែក ស្រូវធ្ងន់ និង ស្រូវឡើងទឹក បានថយចុះជាងឆ្នាំមុនក្នុងនោះ ស្រូវធ្ងន់ ចំនួន ៣៩.៦២៩ហិតា តិចជាងឆ្នាំមុន ២៩៥ហិតា ,ស្រូវឡើងទឹក ចំនួន ១.០៦២ហិតា តិចជាងឆ្នាំមុន ១.៥០០ ហិតា ។
ដំណាំសាកវប្បកម្ម និងឧស្សាហកម្ម សរុប ១៥៥.៦៦៧ហិតា ស្មើនឹង ៦៣,១៤% នៃផែនការចំនួន ២៤៦.៥៦០ហិតា តិចជាងឆ្នាំមុន ២២.២៨៨ហិតា ក្នុងនោះមាន ដំណាំសាកវប្បកម្មចំនួន ១.១៨៧ហិតា ស្មើនិង ៥៨,១៩% នៃផែនការ ២០៤០ហិតា តិចជាងឆ្នាំមុន ៧២ហិតា និងដំណាំឧស្សាហកម្ម ចំនួន ១៥៤.៤៨០ហិតា ស្មើនិង ៦៣,១៨% នៃផែនការ ២៤៤.៥២០ហិតា តិចជាងឆ្នាំមុនចំនួន ២៦.៦៦៣ហិតា។
![](https://www.kampucheathmey.com/wp-content/uploads/2024/08/FB_IMG_1723790162694-1.jpg)
![](https://www.kampucheathmey.com/wp-content/uploads/2024/08/IMG_20240726_125101_377-1-768x578-1.jpg)
អត្ថបទ៖ សៅ សារិទ្ធ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?