អភិបាលខេត្តតាកែវ អញ្ជើញជាអធិបតីក្នុងពិធីលែងកូនត្រីអបអរសាទរ ទិវាមច្ឆាជាតិ ១កក្កដា

នាព្រឹកថ្ងៃទី១៩ ខែសីហា ឆ្នាំ២០២៤ លោក វ៉ី សំណាង អភិបាលនៃគណៈអភិបាលខេត្តតាកែវ បានអញ្ជើញជាអធិបតីក្នុងពិធីលែងកូនត្រីដើម្បីអបអរសាទរ ទិវាមច្ឆាជាតិ ១កក្កដា ២០២៤ នៅអាងទឹកព្រៃក្ដួច ស្ថិតនៅភូមិព្រៃក្ដួច ឃុំត្រពាំងក្រញូង ស្រុកត្រាំកក់ ខេត្តតាកែវ។

ពិធីនេះក៏មានការអញ្ជើញចូលរួមដោយលោកអភិបាលរងខេត្ត លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្ត លោកអភិបាលស្រុកត្រាំកក់ មន្រ្តីចំណុះរដ្ឋបាលស្រុក និងបងប្អូនប្រជាពលរដ្ឋជាច្រើនផងដែរ។

លោក សៅ កុសល នាយកខណ្ឌរដ្ឋបាលជលខេត្តតាកែវ បានឱ្យដឹងថា កូនពូជត្រីក្នុងស្រុក សរុបចំនួន ២០០០០ក្បាល រួមមាន៖ ត្រីប្រា(ធំ) ចំនួន ៥០០០កូន, ឆ្ពិន ១០.០០០ កូន, ត្រីក្រាញ់ ១០០០ កូន, កាហែ១០០០ កូន, ត្រីកន្ធ ១០០០  គក្រ ត្រីឆ្ពិន ៥ គក្រ ចូលក្នុងអាងទឹកព្រៃក្តួច ដើម្បីបង្កើនផលស្តុកនៅក្នុងធម្មជាតិឱ្យកាន់តែសម្បូរឡើងថែមទៀត និង ប្រែក្លាយ ជាកន្លែងអភិរក្សត្រីពូជមួយកន្លែង ដ៏ល្អក្នុងសហគមន៍មួយនេះ៕

អត្ថបទ៖ វីរៈ