Connect with us

ព័ត៌មានជាតិ

ស្លឹកចេក​ប្រើ​វេចនំ​ខ្មែរ លក់បាន​តម្លៃ​ចន្លោះ​ពី ១.៥០០ ទៅ ១.៧០០ រៀល ក្នុង ១ គីឡូក្រាម

បានផុស

នៅ

ប្រជាពលរដ្ឋទូទៅតែងយកស្លឹកចេកទៅប្រើប្រាស់វេចខ្ចប់របស់របរផ្សេងៗពិសេសគឺយកទៅវេចនំខ្មែរ ដែលនំខ្មែរភាគច្រើនតែងតែ​ប្រើប្រាស់ស្លឹកចេក និងចំណីអាហារមុខម្ហូបមួយចំនួនទៀត ក៏គេប្រើប្រាស់ស្លឹកចេកនេះដែរ។

អ្នកស្រី សន ចន្ថា ដែលមានមុខរបរលក់ស្លឹកចេក​ផ្សារ​ក្រុងបាត់ដំបង​បានរៀបរាប់ថា មួយរយៈកន្លងទៅគឺមានការខ្វះខាតស្លឹកចេកដោយមិនអាចបំពេញតាមតម្រូវការរបស់អ្នកប្រើប្រាស់ ដោយសារតែប៉ុន្មានខែមុននេះអាកាសធាតុក្តៅខ្លាំង ធ្វើឲ្យដើមចេកនិងស្លឹកចេកនៅតាមចំការ ភាគច្រើនមានសភាពស្វិតរញ៉ម​នៅឡើងពណ៌ក្រហមអស់ ដែលមិនអាចកាត់​យក​មក​ប្រើប្រាស់បានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រីបន្តថា មួយរយៈចុងក្រោយដោយសារតែអាកាសធាតុអន់ថយកម្ដៅ និងមានភ្លៀងធ្លាក់ជាញឹកញាប់ ធ្វើឲ្យស្លឹកចេក ត្រួយចេក ចាប់ផ្ដើមលូតលាស់ពណ៌ខៀវដែលអាចធ្វើឲ្យប្រជាពលរដ្ឋកាត់យកមកលក់នៅលើទីផ្សារបាន។

បច្ចុប្បន្ននេះ តម្លៃស្លឹកចេកនៅលើទីផ្សារដែលអ្នកស្រីលក់រាល់ថ្ងៃគឺបានចន្លោះពី ១.៥០០ រៀល ទៅ ១.៧០០ រៀល ក្នុង ១ គីឡូក្រាម ហើយក្នុងមួយថ្ងៃអ្នកស្រីអាចលក់បានចន្លោះពី ៤០០ គីឡូក្រាម ទៅ ៧០០ គីឡូក្រាម ទៅតាមថ្ងៃណាដែលមានប្រជាពលរដ្ឋត្រូវការច្រើន។

លោក ភឿក សុភ័ន្ត ជាអ្នករត់ម៉ូតូកង់បី រស់នៅភូមិកម្មករ សង្កាត់ស្វាយប៉ោ ក្រុងបាត់ដំបង បានឱ្យដឹងថា ជា​រៀងរាល់ថ្ងៃលោកតែងតែទៅទិញស្លឹកចេកចន្លោះពី ៤០ ទៅ ៦០ គីឡូក្រាម ដើម្បីផ្ញើទៅឲ្យបងប្អូនដែលរស់នៅទីក្រុងភ្នំពេញ និងជាអ្នក​ប្រកបមុខរបរធ្វើនំខ្មែរចំនួន ១៥ មុខ ដូច្នេះតម្រូវការស្លឹកចេកគឺចាំបាច់ត្រូវប្រើប្រាស់រៀងរាល់ថ្ងៃ។

ការទិញស្លឹកចេកយកទៅប្រើប្រាស់នេះមិនត្រឹមតែរូបលោក​នោះទេ គឺប្រជាពលរដ្ឋទូទៅតែងតែទិញយកទៅប្រើប្រាស់ដូចជាទ្រាប់នំបាញ់ឆែវ វេចនំអន្សម ឬខ្ចប់អាម៉ុកត្រីជាដើម​។

បើទោះបីជាមុខរបរលក់ស្លឹកចេកមើលទៅហាក់បីដូចជាតូចតាចក៏ដោយ លោក ភឿក សុភ័ន្ត មើលឃើញ​ថា​ មុខរបរ​នេះ​អាច​រក​កម្រៃជួយលើកស្ទួយដល់ជីវភាពប្រចាំថ្ងៃបានមួយកម្រិតផង​ដែរ៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១១ ម៉ោង មុន

អង់គ្លេស ថែម​ប្រាក់​កម្ចី​ឲ្យ​អ៊ុយក្រែន ជិត​៣​ពាន់​លាន​ដុល្លារ សម្រាប់​ផលិតកម្ម​អាវុធ

ព័ត៌មានជាតិ៧ ម៉ោង មុន

អ្នកឃ្លាំមើលសង្គម៖ពលរដ្ឋខ្មែរនៅ​កូរ៉េ ៩៩% មិនបា​នចូលរួមបាតុកម្ម និង​បន្តជឿជាក់​រាជរដ្ឋាភិបាល​លើ​បញ្ហា​ទឹក​ដី​

សន្តិសុខសង្គម១ ម៉ោង មុន

យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យ​ឆះផ្ទះលក់កុំព្យូទ័រ

ព័ត៌មានជាតិ២២ ម៉ោង មុន

ផ្លូវថ្មើរជើងរាត្រីនេះ មានល្ខោន​បាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម

ព័ត៌មានអន្ដរជាតិ៦ ម៉ោង មុន

ពូទីន ចុះហត្ថលេខាលើច្បាប់ការពារ​គ្នា​ទៅ​វិញ​ទៅ​មក​ជា​ផ្លូវការ​ជាមួយ​បេឡារុស

Sokha Hotels

ព័ត៌មានពេញនិយម