ព័ត៌មានជាតិ

ខេត្តភាគឦសានមណ្ឌលគិរី មានរីសត សណ្ឋាគារ បឹងហ្គាឡូ សរុបជាង ៨០ កន្លែង

បានផុស

៤ ខែ មុន

នៅ

ថ្ងៃពុធ ២១ សីហា ២០២៤

ដោយ

មណ្ឌលគិរី ជាខេត្តស្ថិតនៅភូមិភាគឦសាននៃកម្ពុជា និងត្រូវបានគេចាត់ទុកថាជាឋានសួគ៌នៃទេសចរណ៍ធម្មជាតិ។ លក្ខណៈភូមិសាស្រ្តអំណោយផលនៃធនធានធម្មជាតិយ៉ាងច្រើនអនេក បានទាក់ទាញការវិនិយោគលើសេវាទេសចរណ៍នៅក្នុងខេត្ត។

បច្ចុប្បន្ននេះ ឃើញថាមានការរីកដុះដាលការវិនិយោគសាងសង់រីសតន៍ ម៉ូតែល សណ្ឋាគារ និងបឹងហ្គាឡូ ភោជនីយដ្ឋាន អាហារដ្ឋាន សម្រាប់បម្រើដល់ការស្នាក់នៅ និងការកម្សាន្តរបស់ភ្ញៀវទេសចរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម «សៀវភៅព័ត៌មានរាជធានី-ខេត្ត» បានបញ្ជាក់ថា ខេត្តមណ្ឌលគិរី មាន រីសតន៍ ម៉ូតែល សណ្ឋាគារ និងបឹងហ្គាឡូសរុបមានចំនួន ៨២ កន្លែង នៅទូទាំងខេត្ត។

ត្បិតនៅដាច់ឆ្ងាយស្រយាលពីតំបន់ប្រជុំជនក្តី ការរីកចម្រើនជាបន្តបន្ទាប់លើហេដ្ឋារចនាសម្ព័ន្ធកាន់តែល្អប្រសើរ បានប្រែក្លាយមុខមាត់ខេត្តនេះទៅជាគោលដៅទេសចរណ៍មួយដ៏ទាក់ទាញ។

បើតាមរបាយការណ៍នៃមន្ទីរទេសចរណ៍ខេត្តមណ្ឌលគិរី នៅឆមាសទី១ ឆ្នាំ២០២៤ ភ្ញៀវទេសចរដែលបានមកកម្សាន្តនៅខេត្តមណ្ឌលគិរីមានចំនួនសរុប ១៦៦.១៦២នាក់ ក្នុងនោះទេសចរជាតិប្រមាណចំនួន ១៦៣.១៤៨នាក់ និងទេសចរបរទេសមានចំនួន ៣.០១៤នាក់៕