ព័ត៌មានជាតិ
កម្ពុជាចូលរួមផ្ដល់អនុសាសន៍ ក្នុងសន្និសីទសាកល ស្តីពី ការអប់រំវៃឆ្លាត ឆ្នាំ២០២៤ នៅចិន
ប្រតិភូក្រសួងអប់រំ យុវជន និងកីឡា នៃព្រះរាជាណាចក្រកម្ពុជា ក្រោមការដឹកនាំដោយ អ្នកស្រី បូ ច័ន្ទគុលិកា អនុរដ្ឋលេខាធិការ ក្រសួងអប់រំ យុវជន និងកីឡា បានចូលរួម សន្និសីទសាកល ស្តីពី ការអប់រំវៃឆ្លាតឆ្នាំ២០២៤ ផ្តោតលើប្រធានបទ “បរិវត្តកម្មការអប់រំ និងការយល់ដឹងអំពីអន្តរជាតិ” ដែលបានប្រព្រឹត្ត ពីថ្ងៃទី១៨ ដល់ថ្ងៃទី២០ ខែសីហា ឆ្នាំ២០២៤ នៅទីក្រុងប៉េកាំង សាធារណរដ្ឋប្រជាមានិតចិន។
នាឱកាសនោះ អ្នកស្រីប្រធានប្រតិភូ ត្រូវបានអញ្ជើញឱ្យថ្លែងសុន្ទរកថា និងផ្តល់អនុសាសន៍លើការអប់រំឆ្លាតវៃនា ពេលអនាគត ដោយផ្តោតលើចំណុចអាទិភាពមួយចំនួនដែលទាមទារចំណាប់អារម្មណ៍របស់ពិភពលោក រួមមាន៖ ១. ការប្រើប្រាស់អភិក្រមប្រកបដោយភាពបត់បែន អន្តរវិស័យ និងនវានុវត្តន៍ ក្នុងការទទួលបាន និងការចាប់យកឱកាសនានាចេញពីការប្រើប្រាស់បច្ចេកវិទ្យាឌីជីថល ការធ្វើបរិវត្តកម្មគរុកោសល្យ និងការវាយតម្លៃការសិក្សា ២. តួនាទី នៃការអប់រំឌីជីថល និងការរៀនពេញមួយជីវិតក្នុងការធ្វើបរិវត្តកម្មសហគមន៍ជនបទ និង ៣. តួនាទីសំខាន់ៗរបស់អ្នកអប់រំក្នុងការអភិវឌ្ឍសមត្ថភាព និងការផ្តល់ការអប់រំប្រកបដោយគុណភាព ប្រសិទ្ធភាព បរិយាបន្នសមធម៌ និងនិរន្តរភាព។
បន្ថែមពីនេះ អ្នកស្រី ក៏បានចូលរួមក្នុងវេទិកាពិភាក្សាតុមូលដើម្បីពិភាក្សាលើប្រធានបទ “ស្ត្រីក្នុងភាពជាអ្នកដឹកនាំនៅយុគសម័យបញ្ញាសិប្បនិម្មិត” ដែលកិច្ចពិភាក្សាផ្តោតលើ ៥ ចំណុច រួមមាន៖ ១. បញ្ហាប្រឈម និងឱកាសរបស់ស្ត្រីនៅយុគសម័យបញ្ញាសិប្បនិម្មិត ២. ឧបសគ្គដែលស្ត្រីប្រឈមក្នុងតួនាទីជាអ្នកដឹកនាំ ៣. ជំនាញសំខាន់ៗដែលស្ត្រីត្រូវការដើម្បីគាំទ្រដល់តួនាទីជាអ្នកដឹកនាំ ៤. ការលើកទឹកចិត្តស្ត្រី និងក្មេងស្រីក្នុងការអប់រំស្ទែម និង ៥. គោលនយោបាយ និងផែនការសកម្មភាពគាំទ្រដល់ស្ត្រីក្នុងភាពជាអ្នកដឹកនាំ។
អ្នកស្រី បូ ច័ន្ទគុលិកា បានថ្លែងអំណរគុណចំពោះការផ្តល់ឱកាសដល់កម្ពុជា ក្នុងការចូលរួមក្នុងសន្និសីទការអប់រំវៃឆ្លាតពិភពលោក ឆ្នាំ២០២៤ និងក្នុងការបង្ហាញពីទស្សនវិស័យលើការលើកកម្ពស់ និងគាំទ្រដល់ស្ត្រីក្នុងតួនាទីជាអ្នកដឹកនាំ និងការបញ្ជ្រាប និងជំរុញការប្រើប្រាស់បច្ចេកវិទ្យាឌីជីថលដើម្បីគុណភាព និងប្រសិទ្ធភាពការងារ។
គួរបញ្ជាក់ថា សន្និសីទនេះ ប្រារព្ធឡើងដោយមានការតាំងពិព័រណ៍ កិច្ចប្រជុំពិភាក្សាតុមូល និងវេទិកាពិភាក្សាតាមប្រធានផ្សេងៗ ដោយមានវាគ្មិនជាច្រើនរួមគ្នាចែករំលែកពាក់ព័ន្ធនឹងការអប់រំឆ្លាតវៃដែលបានអនុវត្តនៅតាមប្រទេសនានាជុំវិញសាកលលោក។ ក្នុងនោះដែរ សន្និសីទបានចែករំលែកបទពិសោធន៍ល្អ និងឧត្តមានុវត្តន៍នវានុវត្តន៍ នៃការអប់រំដែលផ្ដោតលើបវិវត្តកម្មឌីជីថលនៅក្នុងវិស័យអប់រំនាយុគសម័យឌីជីថល ដែលជំរុញឱ្យមានការប្រែប្រួលវិស័យអប់រំនៅគ្រប់ទម្រង់នាពេលបច្ចុប្បន្នជុំវិញសាកលលោក។ ការអប់រំឆ្លាតវៃគឺជាជម្រើសដែលមិនអាចជៀសបានសម្រាប់ការជំរុញការអប់រំប្រកបដោយសមធម៌ បរិយាបន្ន និងគុណភាពខ្ពស់៕
-
ព័ត៌មានជាតិ២ ថ្ងៃ ago
នៅភ្នំពេញស្ងប់ស្ងាត់ធម្មតា តែកងកម្លាំងនៅតែប្រុងជើងការខ្ពស់
-
សន្តិសុខសង្គម៤ ថ្ងៃ ago
នគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម
-
ព័ត៌មានអន្ដរជាតិ៥ ថ្ងៃ ago
ប្រទេសកូរ៉េខាងជើង បើកទទួលទេសចរ ទៅលេងកម្សាន្តវិញហើយ
-
ព័ត៌មានជាតិ៦ ថ្ងៃ ago
សមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
-
សន្តិសុខសង្គម៤ ថ្ងៃ ago
ឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព
-
ព័ត៌មានជាតិ១ សប្តាហ៍ ago
សម្តេចតេជោ៖ ខ្ញុំមិនទាន់អស់អំណាចទេ ខ្ញុំត្រូវការពារប្រជាជនរបស់ខ្ញុំ និងទឹកដីដ៏កម្សត់
-
សន្តិសុខសង្គម២ ថ្ងៃ ago
ឃាត់ខ្លួនក្រុមបាតុករ៣នាក់ដែលធ្វើដំណើរចូលមកភ្នំពេញធ្វើបាតុកម្ម(វីដេអូ)
-
ព័ត៌មានជាតិ៩ ម៉ោង ago
ព្យុះទី៩ឈ្មោះ ជុងដារី នឹងជះឥទ្ធិពលលើកម្ពុជាចាប់ពីថ្ងៃទី២០ ដល់២២សីហានេះ