ព័ត៌មានជាតិ
អាជ្ញាធរខណ្ឌ ៧ មករា បន្តអ៊ុតកៅស៊ូផ្លូវជង្ហុកសំបុកមាន់ឡើងវិញជាបន្តបន្ទាប់
លោកអភិបាលខណ្ឌ ៧ មករា បានបន្តយកចិត្តទុកដាក់ពីបញ្ហាផ្លូវខូច ជង្ហុកសំបុកមាន់ តាមដងផ្លូវតូច-ធំ ក្នុងមូលដ្ឋាន ត្រូវជួសជុលផ្លូវ អ៊ុតកៅស៊ូ ឡើងវិញ ដើម្បីសម្រួលដល់ការធ្វើដំណើររបស់ប្រជាពលរដ្ឋ និងលើកសោភ័ណភាពតាមដងផ្លូវផងដែរ។
ជាក់ស្ដែងនៅថ្ងៃទី ២១ ខែសីហា ឆ្នាំ ២០២៤ នេះ ដោយមានការយកចិត្តទុកដាក់ពី លោក ថេង សុថុល អភិបាល នៃគណៈអភិបាលខណ្ឌ ៧ មករា បានដឹកនាំមន្ត្រីជំនាញពាក់ព័ន្ធត្រួតពិនិត្យមើល និងដាក់គ្រឿងចក្ររៀបចំជួសជុលផ្លូវ អ៊ុតកៅស៊ូ ក្នុងគម្រោងរបស់រដ្ឋបាលខណ្ឌ។
លោក ប៉ែន ធឿន ប្រធានសាធារណការ និងដឹកជញ្ជូនខណ្ឌ ៧ មករា បានបញ្ជាក់ផងដែរថា ទីតាំងត្រូវជួសជុល និងអ៊ុតកៅស៊ូឡើងវិញនេះ នៅកំណាត់ផ្លូវលេខ ១៦៤ ជាប់របងសាលារៀនបាក់ទូក ចាប់ពីផ្លូវលេខ ១៦៩ ដល់ផ្លូវលេខ ១៣៩ មានប្រវែង ៣៦៧ ម៉ែត្រ ទទឹង ៧.៨ តឹក កម្រាស់ ៥ ហ៊ុន អ៊ុតកៅស៊ូប្រភេទ AC ស្ថិតក្នុងមូលដ្ឋានសង្កាត់អូរឫស្សីទី ៣ និងសង្កាត់វាលវង់ ខណ្ឌ ៧ មករា រាជធានីភ្នំពេញ។
ប្រជាពលរដ្ឋតែងតែធ្វើដំណើរឆ្លងកាត់តំបន់នេះ មានភាពរីករាយ សប្បាយចិត្ត និងសាទរដល់អាជ្ញាធរមូលដ្ឋានខណ្ឌ ៧ មករា ដែលតែងយកចិត្តទុកដាក់ពីផលលំបាករបស់ពួកគាត់ គិតគូរតាំងពីការធ្វើដំណើរ ការរស់នៅ និងសុខសុវត្ថិភាព។
ក្នុងនោះដែរ លោក ថេង សុថុល អភិបាល នៃគណៈអភិបាលខណ្ឌ ៧ មករា បានប្រាប់ថា ដោយមានការណែនាំពី លោក ឃួង ស្រេង អភិបាលរាជធានីភ្នំពេញ បានជំរុញឲ្យអាជ្ញាធរទាំង ១៤ ខណ្ឌ ក្នុងភូមិសាស្ត្ររាជធានីភ្នំពេញ យកចិត្តទុកដាក់ពីបញ្ហាផ្លូវខូច ប្រព័ន្ធលូបង្ហូរទឹកជាដើម។ ដូច្នេះ អាជ្ញាធរខណ្ឌ ៧ មករា បានសង្កេតឃើញថា កំណាត់ផ្លូវមួយចំនួនក្នុងមូលដ្ឋានខណ្ឌ ៧ មករា មានសភាពខូចខាត កៅស៊ូស្ដើងខូច ត្រូវបានរដ្ឋបាលខណ្ឌដាក់ក្នុងគម្រោងជួសជុលឡើងវិញ ដោយតាមស្ថានភាព ចំណុចខូចច្រើន អ៊ុតកៅស៊ូប្រភេទ AC ឡើងវិញ ចំណុចខូចបន្តិចបន្តួច ជួសជុលសំបុកមាន់។
លោកអភិបាល បន្តទៀតថា សូមក្រុមហ៊ុនទទួលវិនិយោគ ត្រូវគិតគូរឲ្យបានខ្ពស់ពីផលប៉ះពាល់ដល់ប្រជាពលរដ្ឋរស់នៅអមសងខាងកំណាត់ផ្លូវមានការដ្ឋាន។ ជាពិសេសត្រូវធ្វើតាមលក្ខណៈបច្ចេកទេសឲ្យបានត្រឹមត្រូវ និងមានគុណភាពស្តង់ដារ។
ជាចុងក្រោយ លោកអភិបាល ក្នុងនាមជាអាជ្ញាធរមូលដ្ឋាន សំណូមពរដល់ប្រជាពលរដ្ឋទាំងអស់គ្នា សូមចូលរួមទុកដាក់សំរាមឲ្យត្រឹមត្រូវ និងបញ្ចេញសំរាមតាមម៉ោងកំណត់ ជៀសវាងទុកដាក់គ្មានសណ្ដាប់ធ្នាប់ ពេលមានភ្លៀងធ្លាក់ ហូរអណ្ដែត ចូលប្រព័ន្ធលូ បង្កការកកស្ទះប្រព័ន្ធទឹក៕
អត្ថបទ ៖ សុភា
ស្ត្រីម្នាក់ ជួយលក់ឡេ បន្លំលួចលុយម្ដងបន្តិចៗ រហូតបានជាង១ម៉ឺនដុល្លារ ត្រូវម្ចាស់លុយប្ដឹងឱ្យសមត្ថកិច្ចឃាត់ខ្លួន
ក្រោយបោះឆ្នោតជ្រើសរើសប្រធានសមាគម ខ្មែរ-ចិន អាណត្តិទី៨ ពេញ១ថ្ងៃ ទីបំផុត ប្រធានសមាគមត្រូវបានជ្រើស
សង្គ្រាមរុស្ស៊ី-អ៊ុយក្រែន៖ សម្ដេចតេជោ ថាមេដឹកនាំនានាគួរលើកចិត្តឱ្យភាគីទាំងពីរចូលតុចរចា ជាជាងរារាំង និងរុញឱ្យប្រយុទ្ធគ្នាគ្មានទីបញ្ចប់
អ្នកនយោបាយកម្ពុជា ៖ ទណ្ឌិត សម រង្ស៊ី និងក្រុមប្រឆាំងជ្រុលនិយមថៃ ទាញយកចំណេញរៀងៗខ្លួនពីឃាតកម្មលើលោក លិម គឹមយ៉ា
ក្រុមភ្ញៀវទាំង៣រកបានជ័យជម្នះក្នុងការប្រកួតជើងទី១ វគ្គ១៦ក្រុម ពានសម្តេចតេជោ
រកឃើញសពតារាស្រីម្នាក់ ឆេះស្លាប់ម្នាក់ឯង នៅក្នុងហេតុការណ៍ភ្លើងឆេះទីក្រុង LA
អាជ្ញាធរខណ្ឌដង្កោ និងខណ្ឌមានជ័យ និមន្តព្រះសង្ឃ១៤អង្គ ប្រោសព្រំរំដោះគ្រោះលើមហាវិថី ៦០ម៉ែត្រ
រដ្ឋាភិបាលទម្លាក់ថវិកា៣០លានដុល្លារ ដើម្បីអន្តរាគមន៍ទិញស្រូវពីកសិករដែលកំពុងធ្លាក់ថ្លៃ
ស្នេហា១២ឆ្នាំត្រូវប្រេះឆា តារាកំប្លែងថៃ Kohtee ដូរឈ្មោះក្នុងបញ្ចីកំណើត ដើម្បីសាងជីវិតថ្មី
អ្នកនាំពាក្យ ថា កម្ពុជាកំពុងរៀបចំនីតិវិធីជាមួយរុស្ស៊ី ដើម្បីបញ្ជូនខ្លួនលោក ហេង សិទ្ធី មកកម្ពុជា
-
ចរាចរណ៍៣ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១ សប្តាហ៍ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍៣ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ១ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ