ព័ត៌មានជាតិ
ខេត្តត្បូងឃ្មុំ មានស្រុកពីរមានភូមិសាស្រ្តជាប់ប្រទេសវៀតណាម ខណៈផ្លូវក្រវាត់ព្រំដែនជាង ១៥០ គីឡូម៉ែត្រ បានស្ថាបនារួចទាំងស្រុង
ស្រុកចំនួនពីរនៅខេត្តត្បូងឃ្មុំ មានភូមិសាស្ត្រជាប់ជាមួយប្រទេសវៀតណាមក្នុងប្រវែងជាង ១៤៣ គីឡូម៉ែត្រ។
ខេត្តត្បូងឃ្មុំដែលបានបំបែកចេញពីខេត្តកំពង់ចាមមានស្រុកសរុបចំនួន ៦ ខណៈនៅទិសខាងកើតមានស្រុកចំនួនពីរដែលជាប់ប្រទេសវៀតណាមគឺស្រុកមេមត់ និងស្រុកពញាក្រែក។
លោក លី សុភាលីន អភិបាលស្រុកពញាក្រែកបានគូសបញ្ជាក់ថា ក្នុងចំណោមឃុំនៅស្រុកពញាក្រែកមានឃុំចំនួន ៣ មានភូមិសាស្រ្តជាប់ប្រទេសវៀតណាមក្នុងនោះមានឃុំក្រែក (មាន ២ ភូមិ) ឃុំត្រពាំងផ្លុង (មាន ៥ ភូមិ) និងឃុំកក់ (មាន ៣ ភូមិ)។
ស្រុកពញាក្រែកមានព្រំប្រទល់ជាប់ខេត្តនៃប្រទេសវៀតណាមប្រវែង ៤២ គីឡូម៉ែត្រចាប់ពីបង្គោលព្រំដែនលេខ ១១២ ដល់បង្គោលព្រំដែនលេខ ១៣០។
បើតាមលោក លី សុភាលីន ខ្សែបន្ទាត់ព្រំដែនប្រវែង ៤២ គីឡូម៉ែត្រ រដ្ឋាភិបាលបានបោះបង្គោលព្រំដែនបញ្ចប់ទាំងស្រុង ក្នុងនោះមានបង្គោលធំចំនួន ១៩ បង្គោល និងបង្គោលបំពេញបន្ថែមមួយចំនួនទៀត។
ស្រុកពញាក្រែកមានពលរដ្ឋរស់នៅជាង ១៤ ម៉ឺននាក់ ភាគច្រើនប្រកបរបរកសិកម្ម។ ក្រៅពីដំណាំស្រូវមានដាំដុះដំឡូងមី និងកៅស៊ូ ហើយស្រុកមានច្រកទ្វារអន្តរជាតិមួយគឺច្រកទ្វារត្រពាំងផ្លុង សម្រាប់ការដោះដូរទំនិញ និងការធ្វើទំនាក់ទំនងសេដ្ឋកិច្ចសម្រាប់ប្រទេសទាំងពីរ។
លោក លី សុភាលីន បានបន្តទៀតថា រដ្ឋាភិបាលបានយកចិត្តទុកដាក់ស្ថាបនាហេដ្ឋារចនាសម្ព័ន្ធផ្លូវតាមភូមិឃុំដល់ទីប្រជុំជន រួមទាំងបានស្ថាបនាផ្លូវតាមខ្សែបន្ទាត់ព្រំដែន ដែលផ្តល់ភាពងាយស្រួលសម្រាប់ពលរដ្ឋធ្វើដំណើរ និងធ្វើឲ្យខណ្ឌសីមាព្រំដែនមានភាពរឹងមាំ លែងមានជម្លោះតទៅទៀត។
ដោយឡែកស្រុកមេមត់គឺជាស្រុកមួយទៀតនៅក្នុងខេត្តត្បូងឃ្មុំ ដែលមានភូមិសាស្ត្រជាប់ប្រទេសវៀតណាម ដែលមានព្រំដែនជាប់គ្នាប្រវែងជាង ១០០ គីឡូម៉ែត្រ។
លោក ស្រេង លី អភិបាលស្រុកមេមត់បានឲ្យកម្ពុជាថ្មីដឹងថា ស្រុកមេមត់មានព្រំប្រទល់ជាប់ប្រទេសវៀតណាមប្រវែង ១០១ គីឡូម៉ែត្រ ខណៈការបោះបង្គោលព្រំដែននៅក្នុងភូមិសាស្ត្រស្រុកមេមត់ជាមួយប្រទេសវៀតណាមបានរួចរាល់ទាំងស្រុង។
ពាក់ព័ន្ធកិច្ចការអភិវឌ្ឍតាមព្រំដែន លោក ស្រេង លី បានបញ្ជាក់ថា កងវិស្វកម្មបានស្ថាបនាផ្លូវក្រវាត់ព្រំដែនបានចម្ងាយជាង ១០០ គីឡូម៉ែត្រ ក្រោយបញ្ចប់ការបោះបង្គោលព្រំដែន។ បន្ថែមពីនេះ កន្លងទៅរដ្ឋាភិបាលក៏បានរៀបចំផ្ទះសម្បែងដល់យោធិន រួមទាំងចែកដីធ្លីជូនប្រជាពលរដ្ឋក្រីក្ររស់នៅតាមខ្សែបន្ទាត់ព្រំដែន ដើម្បីសម្រួលដោះស្រាយជីវភាពនិងជារបងការពារជាតិថែមទៀត៕
ផ្លូវលេខ៧១C នឹងលើកកម្ពស់ប្រសិទ្ធិភាពនៃការនាំចេញផលិតផលកសិកម្ម
ថៃ ព្រមាន! យុវជនបង្ហោះរូបស្រាតពេលលេងសប្បាយបុណ្យសង្ក្រាន្ត ប្រឈមជាប់ពន្ធនាគារ៥ឆ្នាំ
សមិទ្ធផលធំពីរខេត្តបាត់ដំបងសម្រេចបាន នឹងជំរុញទាក់ទាញទេសចរបន្ថែមទៀត ឱកាសបុណ្យចូលឆ្នាំ
ផ្ទុះការគាំទ្រ! តារាពហុជំនាញ ខាត់ សុឃីម កាច់ស្ទាយល៍ថ្មីជាមួយ 1NE រ៉េបបទចង្វាក់ Hip Hop
De Bruyne បដិសេធ Messi ជ្រើសរើស Ronaldo ជាកីឡាករខ្លួនចង់លេងជាមួយបំផុត
សង្ក្រាន្តឆ្នាំ២០២៥! Galaxy វ៉ាដាច់គេ ក្នុងការផលិតបទចង្វាក់ប្រពៃណី ខណៈទើបទម្លាក់ថែម ១១បទ
មន្ត្រីជំនាញរកឃើញទីតាំងផលិតស្រាម៉ាកល្បីក្លែងក្លាយជាង៤ពាន់ដប និងសម្ភារៈមួយចំនួនធំ
បេសកជនអាមរិក ស្នើផែនការកាត់តំបន់ចំនួន៤ឲ្យរុស្ស៊ី ជាថ្នូរនឹងបទឈប់បាញ់
ថៃ ព្រមាន! យុវជនបង្ហោះរូបស្រាតពេលលេងសប្បាយបុណ្យសង្ក្រាន្ត ប្រឈមជាប់ពន្ធនាគារ៥ឆ្នាំ
ហ្សេលេនស្គី៖ រុស្ស៊ី ប្រើបណ្ដាញសង្គម និងលុយទាក់ទាញទាហានចិនឲ្យចូលច្បាំង
-
សន្តិសុខសង្គម៦ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៥ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៥ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៧ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
សន្តិសុខសង្គម៤ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ២ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៣ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
ព័ត៌មានអន្ដរជាតិ៧ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល