ព័ត៌មានជាតិ

អាជ្ញាធរសង្កាត់ព្រែកលៀប ស្ថាបនាផ្លូវបេតុងឆ្អឹងដែកមួយខ្សែ ប្រវែងជិត ២០០ ម៉ែត្រ

បានផុស

៧ ខែ មុន

នៅ

ថ្ងៃសុក្រ ២៣ សីហា ២០២៤

ដោយ

ដោយមើលឃើញថា ផ្លូវលំមួយខ្សែមានការទ្រុឌទ្រោមពិបាកធ្វើដំណើរ ក៏ដូចជាប្រកបរបរផ្សេងៗ អាជ្ញាធរ ក៏បានចុះសិក្សា និងស្ថាបនាជាផ្លូវបេតុងអាមេឆ្អឹងដែកជូនប្រជាពលរដ្ឋប្រើប្រាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ២៣ ខែសីហា ឆ្នាំ ២០២៤ នេះ លោក ព្រាប មុនី ចៅសង្កាត់ព្រែកលៀប បានដឹកនាំក្រុមការងារ ចុះពិនិត្យគម្រោងស្ថាបនាផ្លូវចាក់បេតុងអាមេមួយខ្សែស្ថិតក្នុងភូមិព្រែកលៀប សង្កាត់ពករែកលៀប ខណ្ឌជ្រោយចង្វារ រាជធានីភ្នំពេញ។

លោក ព្រាប មុនី ចៅសង្កាត់ព្រែកលៀប បានឱ្យដឹងថា ការស្ថាបនាផ្លូវបេតុងឆ្អឹងដែកខាងលើនេះ ប្រើប្រាស់ថវិកាគម្រោងមូលនិធិសង្កាត់ប្រចាំឆ្នាំ ២០២៤។ ផ្លូវនេះ មានប្រវែងបណ្ដោយ ១៩០ ម៉ែត្រ ទទឹង ៥ ម៉ែត្រ និង កម្រាស់ ០,១៥ ម៉ែត្រ។

ជាមួយនេះដែរ អាជ្ញាធរ ក៏បានអំពាវនាវដល់ប្រជាពលរដ្ឋទាំងអស់ ចូលរួមថែរក្សា ថែទាំផ្លូវខាងលើ ឱ្យល្អ និងវេចខ្ចប់ទុកដាក់សំរាមឱ្យត្រឹមត្រូវ ជៀសវាងធ្លាក់ចូលមាត់លូ បង្កការកកស្ទះចរន្តទឹក អាចនឹងដក់មកលើផ្លូវងាយរងការខូចខាតផ្លូវ៕

អត្ថបទ ៖ សុខា