ព័ត៌មានជាតិ

អ្នកប្រកបរបរសេដ្ឋកិច្ចក្រៅប្រព័ន្ធ សប្បាយរីករាយចំពោះការគិតគូររបស់រាជរដ្ឋាភិបាល

បានផុស

៤ ខែ មុន

នៅ

ថ្ងៃអាទិត្យ ២៥ សីហា ២០២៤

ដោយ

ពេញមួយឆ្នាំ នៃអាណត្តិទី ៧ នេះ ប្រជាពលរដ្ឋជាអ្នកប្រកបរបរសេដ្ឋកិច្ចក្រៅប្រព័ន្ធ សប្បាយរីករាយចំពោះការគិតគូររបស់រាជរដ្ឋាភិបាល ដែលដឹកនាំដោយ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ២៤ ខែសីហា ឆ្នាំ ២០២៤ លោក ហង្ស រ៉ាវី ប្រធានសហភាពសហជីពរក្សាសិទ្ធិកម្មករកម្ពុជា បានឱ្យដឹងថា ក្រុមអ្នករត់ម៉ូតូកង់បី នៃសមាគមយុវជនក្នុងសន្តិភាព ដែលជាអ្នកប្រកបរបរសេដ្ឋកិច្ចក្រៅប្រព័ន្ធ បានទទួលការគិតគូរជាច្រើន ក្នុងរយៈពេលពេញមួយឆ្នាំ នៃអាណត្តិដឹកនាំដោយ សម្តេចធិបតី ហ៊ុន ម៉ាណែត ដែល សម្តេច ជាប្រមុខដឹកនាំវ័យក្មេងប្រកបដោយបញ្ញា និងសមត្ថភាព បាននាំយកភាពរីកចម្រើនឱ្យប្រទេសជាតិ ធ្វើឱ្យអ្នកប្រកបសេដ្ឋកិច្ចក្រៅប្រព័ន្ធអាចប្រកបរបររកស៊ីទទួលទានបានកាន់តែរីកចម្រើនពីមួយថ្ងៃទៅមួយថ្ងៃផងដែរ។

ប្រជាពលរដ្ឋជាអ្នកប្រកបរបរសេដ្ឋកិច្ចក្រៅប្រព័ន្ធ បានសម្តែងក្តីពេញចិត្ត និងរីករាយចំពោះរាជរដ្ឋាភិបាល ដែលតែងនៅក្បែរជាមួយសុខទុក្ខរបស់ពួកគាត់ និងតែងតែគិតគូរផ្តល់ឱ្យជាជំនួយផ្សេងៗ ជាបន្តបន្ទាប់ ជាពិសេសប័ណ្ណសមធម៌ ដើម្បីជាការសម្រាលបន្ទុក និងជីវភាពរស់នៅផងដែរ។

គួរបញ្ជាក់ថា រាជរដ្ឋាភិបាល គិតចាប់តាំងពី សម្តេចតេជោ អតីតនាយករដ្ឋមន្ត្រី រហូតបន្តមក សម្តេចមហាបវរធិបតី ហ៊ុន ម៉ាណែត តែងតែបានបន្តការយកចិត្តទុកដាក់ខ្ពស់បំផុតលើការគិតគូរដល់អ្នកប្រកបរបរសេដ្ឋកិច្ចក្រៅប្រព័ន្ធទាំងអស់ ដោយគោលដៅ សំដៅឱ្យប្រជាពលរដ្ឋកាន់តែមានភាពរីកចម្រើនផ្នែកជីវភាពចិញ្ចឹមជីវិតបានល្អប្រសើរ៕

អត្ថបទ ៖ សុភា