ព័ត៌មានជាតិ
មន្ត្រីជាន់ខ្ពស់ព្រឹទ្ធសភា ចង់ឱ្យកម្ពុជាក្លាយជាប្រទេសសម្រាប់ទទួលជនបរទេសចូលនិវត្តន៍មកពីជុំវិញពិភពលោក
មន្ត្រីជន់ខ្ពស់ព្រឹទ្ធសភា មានបំណងចង់ប្រែក្លាយឱ្យប្រទេសកម្ពុជាក្លាយជាប្រទេសសុខសាន្តមួយសម្រាប់ទទួលជនបរទេសដែលចូលនិវត្តន៍មកពីជុំវិញពិភពលោក ដោយសារកម្ពុជាមានសន្តិភាពនិងស្ថិរភាព បង្កការសប្បាយរីករាយដល់ជនបរទេសទាំងនោះ។
នៅក្នុងឱកាសចូលរួមធ្វើបាឋកថាស្តីពីថាតើកម្ពុជាបានអភិវឌ្ឍន៍សេដ្ឋកិច្ច បានល្អកម្រិតណាដែរ? ដល់និស្សិតសាកលវិទ្យាល័យវិទ្យាសាស្ត្រសុខាភិបាលប្រមាណជាង ៤០០ នាក់ កាលពីពេលថ្មីៗនេះ លោកបណ្ឌិត ធន់ វឌ្ឍនា ប្រធានគណៈកម្មការសេដ្ឋកិច្ច ហិរញ្ញវត្ថុធនាគារ និងសវនកម្ម ព្រឹទ្ធសភា នៃព្រះរាជាណាចក្រកម្ពុជាបានមានប្រសាសន៍ថា «យើងកំពុងរៀបចំឱ្យស្រុកខ្មែរក្លាយជាប្រទេសមួយសម្រាប់ទទួលជនបរទេសចូលនិវត្តន៍មកពីជុំវិញពិភពលោកបានស្នាក់នៅ និងរស់នៅដោយសប្បាយរីករាយ។ ពិសេសធ្វើយ៉ាងណាឱ្យអ្នករ៉ឺត្រែតពីជប៉ុន អាមេរិក កាណាដា មកស្រុកខ្មែរហើយយើងធ្វើផ្ទះជួលជូនពួកគាត់ធ្វើបាយទឹកលក់ឱ្យគាត់ទៅ និងសេវាថែទាំមនុស្សចាស់ តែស្រុកខ្មែរយើងអត់ទាន់សេវានេះនៅឡើយទេ មានតែនៅស្រុកគេ»។
លោកបណ្ឌិតបានបន្តថា គោលបំណងចង់រៀបចំឱ្យជនបរទេសមកស្នាក់នៅប្រទេសកម្ពុជាដោយសារតែនៅស្រុកគេការចំណាយខ្ពស់ថ្លៃទាំងការស្នាក់នៅ និងចំណាយការហូបចុកផ្សេងៗច្រើនតែនៅស្រុកខ្មែរចំណាយការជួលផ្ទះស្នាក់នៅទឹកភ្លើង និងហូបចុកក្នុង ១ ខែ ត្រូវចំណាយអស់៨០០ ដុល្លារ ខុសគ្នាឆ្ងាយពីរស់នៅស្រុកគេ បើនៅអាមេរិកមិនរួចថ្លៃជួលផ្ទះផង។
លោកបណ្ឌិតបានបន្តទៀតថា «ដូចនេះយើងធ្វើយ៉ាងណាឱ្យប្រទេសយើងរក្សាបាននូវសន្តិភាពស្ថិរភាព និងជាកន្លែងរស់សប្បាយ ការចំណាយតិច គេនឹងមករស់នៅហើយ ព្រោះអ្នករ៉ឺត្រែតនៅស្រុកគេមានលុយ និងមានចំណេះដឹងខ្ពស់។ អីចឹងបើយើងចង់ចេះចង់ពូកែយើងត្រូវនៅក្បែរអ្នកចេះដែរ។ ដូចនេះត្រូវពួត ឬច្បិចពីគាត់ ដោយបច្ចុប្បន្ននេះខ្ញុំបានចងសម្ព័ន្ធមិត្តជាមួយអ្នករ៉ឺត្រែតនៅក្រៅប្រទេសខ្លះ ហើយអញ្ជើញគាត់មកដើម្បីជួយដល់សាកលវិទ្យាល័យ និងជួយគម្រោងផ្សេងៗ ទៀតតាមរយៈការផ្តល់ជាគំនិត គឺប្រសើរហើយដោយមិនចាំបាច់ជាថវិកាទេ»។
លោកបណ្ឌិតបានបន្ថែមថា នៅពេលមានជនបរទេសរ៉ឺត្រែតមកស្នាក់កម្ពុជាកាន់តែច្រើន វានឹងជួយសេដ្ឋកិច្ចយើងតាមរយៈការយកលុយមកចាយនៅស្រុកយើង និងអភិវឌ្ឍន៍ធនធានមនុស្សយើងផងដែរ ដើម្បីរួមចំណែកប្រទេសកម្ពុជាក្លាយជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ ២០២៣ និងប្រាក់ចំណូលខ្ពស់នៅឆ្នាំ ២០៥០។
យ៉ាងណាក៏ដោយ លោកបណ្ឌិត បានបញ្ជាក់ថា ដើម្បីសម្រេចគោលដៅខាងលើនេះ យើងត្រូវធានាឱ្យបានសន្តិភាព និងស្ថិរភាព។ ត្រូវផលិតធនធានឱ្យបានច្រើន ហើយសាកលវិទ្យាល័យវិទ្យាសាស្ត្រសុខាភិបាល បានដើរតួនាទីសំខាន់ណាស់ក្នុងការផលិតធនធានមនុស្សទៅលើវិស័យសុខាភិបាលជួយព្យាបាលជំងឺប្រជាពលរដ្ឋ និងទប់ស្កាត់ និងអប់រំណែនាំដល់ប្រជាពលរដ្ឋកុំឱ្យមានជំងឺតម្កាត់ផ្សេងៗ ពិសេសជំងឺដែលអាចការពារបាន។ ទន្ទឹមនឹងនេះ ត្រូវពង្រឹងភាសាអង់គ្លេស ព្រោះភាសាអង់គ្លេសជាភាសាមួយដ៏សំខាន់ក្នុងការទំនាក់ទំនងជាមួយអន្តរជាតិទាំងការទូត និងពាណិជ្ជកម្ម ដើម្បីឱ្យវិនិយោគិនបរទេសមកវិនិយោគនៅកម្ពុជាឱ្យបានកាន់តែច្រើន៕
អត្ថបទ ៖ សំអឿន
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ