ព័ត៌មានជាតិ
ឯកឧត្តម ហ៊ុន ម៉ានិត ចាត់ទុកក្រុមជ្រុលនិយមនៅក្រៅប្រទេស ជា «ចចកពាក់ស្បែកចៀម»
ឧត្តមសេនីយ៍ឯក ហ៊ុន ម៉ានិត បានចាត់ទុកក្រុមជ្រុលនិយមនៅក្រៅប្រទេស ថា ជា «ចចកពាក់ស្បែកចៀម» ដោយតាំងខ្លួនឯងជាអ្នកស្នេហាជាតិ តែទង្វើជាក់ស្ដែងតែងព្យាយាមបំផ្លាញប្រយោជន៍ប្រជាជន បំផ្លាញជាតិ នាំជាតិចុះខ្សោយ។

ឧត្តមសេនីយ៍ឯក ហ៊ុន ម៉ានិត មេបញ្ជាការរងកងទ័ពជើងគោក និងជាអគ្គនាយកនៃអគ្គនាយកដ្ឋានស្រាវជ្រាវចារកិច្ច នៃក្រសួងការពារជាតិ បានគូសបញ្ជាក់ថា កន្លងមកក្រុមជ្រុលនិយមក្រៅប្រទេស មានចេតនាបំផ្លាញសុខសន្តិភាព ដោយបានបំភ្លៃព័ត៌មាន និងបង្កើតព័ត៌មានក្លែងក្លាយពាក់ព័ន្ធកិច្ចសហប្រតិបត្តិការអភិវឌ្ឍន៍ត្រីភាគី កម្ពុជា-ឡាវ-វៀតណាម ឬហៅថា គម្រោង CLV-DTA។
ក្នុងន័យនេះ ឯកឧត្តមឧត្តមសេនីយ៍ឯក ថា «ពួកជ្រុលនិយមនេះ បានប្រើប្រាស់យុទ្ធសាស្រ្ត “ចចក ពាក់ស្បែកចៀម” ដោយដើរតួរជាអ្នកស្នេហាជាតិ ធ្វើឱ្យយុវជន និងប្រជាជនជឿលើការឃោសនារបស់ពួកគេ»។ ការលើកឡើងរបស់ឯកឧត្តម ហ៊ុន ម៉ានិត បែបនេះ ក្នុងឱកាសអញ្ជើញសម្ពោធដាក់ឱ្យប្រើប្រាស់ជាផ្លូវការអគារសិក្សានៅវិទ្យាល័យល្វា ស្រុកព្រៃឈរ ខេត្តកំពង់ចាម កាលពីរសៀលថ្ងៃទី២៤ ខែសីហា ឆ្នាំ២០២៤។

ឯកឧត្តម ហ៊ុន ម៉ានិត ក៏បានបញ្ជាក់ដែរថា ដរាបណារាជរដ្ឋាភិបាល ដឹកនាំដោយគណបក្សប្រជាជនកម្ពុជានៅបន្តដឹកនាំប្រទេស គឺនៅតែប្តេជ្ញាចិត្ត និងរក្សាជំហមិនអនុញ្ញាតឱ្យមានការឈ្លានពាន ឬបាត់បង់ទឹកដី សូម្បីតែមួយមីលីម៉ែត្រ ទោះមកពីទិសណាក៏ដោយ។ ទន្ទឹមនេះ រាជរដ្ឋាភិបាល នៅតែប្តេជ្ញាចិត្ត ដើម្បីថែរក្សាសុខសន្តិភាពឱ្យបានជាដាច់ខាត ដោយ ទប់ស្កាត់មិនឱ្យមានការធ្វើបដិវត្តន៍ពណ៌ពីក្រុមជ្រុលនិយមណាមួយឡើយ ទោះក្នុង និងក្រៅប្រទេសក្តី។
ឯកឧត្តមឧត្តមសេនីយ៍ឯក បានបន្តថា រាជរដ្ឋាភិបាលដឹកនាំដោយគណបក្សប្រជាជនកម្ពុជា បានផ្តោតសំខាន់ទៅលើការលើកស្ទួយជីវភាពរបស់ប្រជាជន និងការអភិវឌ្ឍដល់មូលដ្ឋាន សំដៅធានាឱ្យបានសុខសន្តិភាព និងស្ថិរភាពនយោបាយ ហើយឯកឧត្តម ក៏អរគុណប្រជាពលរដ្ឋទាំងអស់ ដែលតែងតែគាំទ្ររាជរដ្ឋាភិបាល ដឹកនាំដោយគណបក្សប្រជាជនកម្ពុជា រួមគ្នាអភិវឌ្ឍប្រទេស និងថែរក្សាការពារសុខសន្តិភាព៕


-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ