ព័ត៌មានជាតិ
អ្នកភ្នំពេញរស់នៅតំបន់ផ្ទុះកូវីដ១៩ចង់ទៅខេត្តកោះកុងត្រូវយកសំណាកនិងធ្វើចត្តាឡីស័ក១៤ថ្ងៃសិន
លោក ទូសាវុធ អភិបាលរងខេត្តកោះកុងបានឲ្យដឹងនៅយប់ថ្ងៃទី០៥មីនានេះថាអ្នកភ្នំពេញរស់នៅតំបន់ផ្ទុះជំងឺកូវីដ១៩ពេលធ្វើដំណើរទៅខេត្តកោះកុងត្រូវធ្វើចត្តាឡីស័កចំនួន១៤ថ្ងៃនិងយកសំណាករកជំងឺកូវីដ១៩។
លោកបានបន្តថា វិធានការនេះដើម្បីទប់ស្កាត់ការឆ្លងរីករាលដាលជំងឺកូវីដ១៩ចូលទៅក្នុងសហគមន៍នៅខេត្តកោះកុង។
លោកបានបន្តទៀតថា រដ្ឋបាលខេត្តបានដាក់កម្លាំងមានសមត្ថកិច្ចពាក់ព័ន្ធរួមទាំងក្រុមគ្រូពេទ្យប្រចាំការនៅផ្លូវបំបែកស្រែអំបិលដើម្បីរង់ចាំត្រួតពិនិត្យយ៉ាងតឹងរ៉ឹងនិងយកសំណាករាល់អ្នកធ្វើដំណើរដែលមកពីរាជធានីភ្នំពេញដែលមកពីតំបន់ដែលកំពុងផ្ទុះជំងឺកូវីដ១៩ដូចជាតំបន់N8ជាដើម។
លោកបានបន្ថែមថា «នៅក្នុងដៃសមត្ថកិច្ចមានបញ្ជីទាក់ទិននឹងតំបន់ប្រឈមគ្រោះថ្នាក់ដោយសារជំងឺកូវីដ១៩នៅភ្នំពេញរួចអស់ហើយ។អីចឹងនៅពេលសួរអ្នកដំណើរមកពីភ្នំពេញមកពីតំបន់ណាមួយសមត្ថកិច្ចនឹងឆែកមើលបើនៅតំបន់ប្រឈមត្រូវយកគាត់ទៅធ្វើចត្តាឡីស័ក១៤ថ្ងៃនិងយកសំណាកទៅពិនិត្យរកកូវីដ១៩»។
លោកអភិបាលរងខេត្តបានបញ្ជាក់ថា ប៉ុន្តែប្រសិនបើពួកគាត់មិនរស់នៅតំបន់ដែលប្រឈមនឹងកូវីដ១៩ទេក្រុមគ្រូពេទ្យអនុវត្តទៅតាមវិធានក្រសួងសុខាភិបាលដោយធ្វើការវ៉ាស់កំដៅជាមុនសិន។ បើកំដៅធម្មតាអាចអនុញ្ញាតឲ្យធ្វើដំណើរចូលខេត្តបានតែបើក្នុងករ ណីកំដៅខ្ពស់ខុសពីធម្មតាត្រូវឃាត់ទុករង់ចាំមន្ត្រីត្រួតពិនិត្យជាបន្តទៀត។
លោក ទូ សាវុធ បានអំពាវនាវដល់ប្រជាពលរដ្ឋរស់នៅភ្នំពេញបើមិនមានកិច្ចការចាំបាច់ទេសូមកុំមកខេត្តកោះកុងក្នុងដំណាក់កា លនេះដើម្បីចៀសវាងការធ្វើចត្តាឡីស័ក១៤ថ្ងៃនិងត្រូវយកសំណាកទៀតពិសេសចូលរួមទប់ស្កាត់ការចម្លងជំងឺកូវីដ១៩ក្នុងសហគមន៍ទ្រង់ទ្រាយធំព្រោះថាខេត្តកោះកុងក៏មានអ្នកឆ្លងជំងឺកូវីដ១៩ចំនួន២នាក់ពាក់ព័ន្ធនឹងព្រឹត្តិការណ៍សហគមន៍២០កម្ភៈផងដែរ។
លោកបានបញ្ជាក់ថា អាជ្ញាធរបានផ្អាកការធ្វើដំណើរចេញចូលតំបន់ក្រុមហ៊ុនញូញៀនមួយរយៈសិន មិនថាតែផ្លូវគោក ឬផ្លូវទឹកឡើយដោយអ្នកខាងក្រៅហាមចូលក្នុងក្រុមហ៊ុនហើយអ្នកនៅខាងក្នុងក្រុមហ៊ុនមិនត្រូវអនុញ្ញាតឲ្យចេញមកខាងក្រៅឡើយដើម្បីទុកលទ្ធភាពឲ្យក្រុមការងារធ្វើការស្រាវជ្រាវបន្ថែមរកអ្នកជាប់ពាក់ព័ន្ធជាមួយជនជាតិចិន២នាក់ដែលមានតេស្តវិជ្ជមានកូវីដ១៩។
លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុងបានឲ្យដឹងនៅយប់ថ្ងៃទី៥មីនានេះថារហូតមកដល់ល្ងាចថ្ងៃទី០៥ ខែមីនា ឆ្នាំ២០២១នេះ ក្រុមការងារឆ្លើយតបបន្ទាន់មន្ទីរសុខាភិបាលខេត្តបានចុះស្រាវជ្រាវរកអ្នកជាប់ពាក់ព័ន្ធនឹងជនជាតិចិន២នាក់ចំនួន១៥៣នាក់បានយកសំណាកនិងឲ្យធ្វើចត្តាឡីស័កនៅអគារស្នាក់នៅរបស់ពួកគេតែម្តង៕
ដោយ ៖ សំអឿន
លោក បៃដិន លុបចោលដំណើរទស្សនកិច្ចនៅអ៊ីតាលី ដោយសារភ្លើងឆេះព្រៃនៅកាលីហ្វ័រញ៉ា
គណនីតារាចិន Luhan ត្រូវរឹតបន្តឹង ក្រោយបំពានច្បាប់ផឹកស្រា និងប្រមាថអ្នកដទៃ
ក្រុមប្រឹក្សាខេត្តតាកែវ ឱ្យសិស្សសាលាបញ្ឈប់ការជិះកង់ ម៉ូតូទន្ទឹមគ្នា២ ឬ៣ជួរ ព្រោះងាយបង្កគ្រោះថ្នាក់ចរាចរណ៍
ប្រៀបធៀបតម្លៃស្រូវសែនក្រអូប និង អូអឹមនៅខេត្តពោធិ៍សាត់ខុសគ្នាជិត ៥០០ រៀល
ករណីបាញ់មន្ត្រីអតីតបក្សប្រឆាំង, មេធាវីរដ្ឋាភិបាល ប្រាប់ជនឱកាសនិយម កុំវិនិច្ឆ័យដោយអគតិ
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
ម្ដាយតារារ៉េប RuthKo មិនទទួលយកការសុំទោសដាច់ខាត ចំពោះទង្វើហាងផ្កាមួយកន្លែង ដែលផុសប្រមាថជីវិតកូន
ភ្លើងឆេះព្រៃរាលដាលដល់ចម្ការស្វាយ ៣៥ហិកតា ខូចខាតដើមស្វាយ ១៥ ០០០ ដើម
មហាអំណាចអឺរ៉ុប២ប្រទេស ចេញមុខព្រមានលោក ត្រាំ ក្រោយគំរាមប្រើកម្លាំងយោធា ដណ្តើមយក Greenland
-
ព័ត៌មានជាតិ៧ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៣ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ១៩ ម៉ោង agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ៧ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ១ សប្តាហ៍ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច១ សប្តាហ៍ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច១ សប្តាហ៍ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៦ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»