ព័ត៌មានជាតិ
ពលរដ្ឋត្រូវស្វែងយល់នីតិវិធី ៥ ចំណុច របស់ក្រសួងការងារ ដើម្បីធ្វើការនៅកូរ៉េដោយស្របច្បាប់
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានបង្ហាញនីតិវិធីចំនួន ៥ ចំណុច របស់ក្រសួងការងារ និងបណ្ដុះបណ្ដាលវិជ្ជាជីវៈ អំពីការទៅធ្វើការងារនៅប្រទេសកូរ៉េខាងត្បូងដោយស្របច្បាប់ និងទទួលបានអត្ថប្រយោជន៍ពេញលេញពីនិយោជក។
លោក កត្តា អ៊ន គូសបញ្ជាក់ថា នីតិវិធីទាំង ៥ មានដូចជា ៖ ទី១.ការប្រឡងតេស្តសមត្ថភាព បេក្ខជនត្រូវឆ្លងកាត់ប្រឡងតេស្តសមត្ថភាព ២ ដំណាក់កាល ក្នុងនោះមានការប្រឡងតេស្តសមត្ថភាពភាសាកូរ៉េតាមប្រព័ន្ធកុំព្យូទ័ររយៈពេល ៥០ នាទី ចែកចេញជា ២ វិញ្ញាសា គឺ វិញ្ញាសាអាន ២៥ នាទី និងវិញ្ញាសាស្តាប់ ២៥ នាទី។ វិញ្ញាសាប្រឡង និងកំណែវិញ្ញាសា ត្រូវបានចងក្រងផលិតដោយ HRD-Korea តាមរយៈប្រព័ន្ធកុំព្យូទ័រ។ ការប្រឡងតេស្តជំនាញ និងវាយតម្លៃសមត្ថភាព ធ្វើឡើងបន្ទាប់ពីការប្រឡងជាប់តេស្តសមត្ថភាពភាសាកូរ៉េ ការប្រឡងមាន ៣ វិញ្ញាសាដូចជា តេស្តជំនាញមូលដ្ឋាន តេស្តកាយសម្បទា និងសម្ភាសជាភាសាកូរ៉េ។ ទី២.បេក្ខជនត្រូវដាក់ពាក្យស្វែងរកការងារតាមប្រព័ន្ធ SPAS ដែលសុពលភាព នៃការដាក់ពាក្យស្វែងរកការងារមានរយៈពេល ២ ឆ្នាំ គិតចាប់ពីលទ្ធផលជាប់ស្ថាពរបេក្ខជនអាចតាមដានដំណើរការអន្តោប្រវេសន៍តាមរយៈគេហទំព័ររបស់ HRD-Korea (WWW.eops.og.kr) ក្រោយដាក់ពាក្យរយៈពេល ៣០ ថ្ងៃ បេក្ខជនត្រូវភ្ជាប់មកជាមួយពាក្យសុំស្វែងរកការងារធ្វើ, វិញ្ញាបនបត្រពិនិត្យសុខភាព(ពេទ្យការងារ), លិខិតឆ្លងដែនច្បាប់ដើម, សេចក្តីចម្លងសំបុត្របញ្ជាក់កំណើតច្បាប់ដើម, សៀវភៅគ្រួសារ ឬសៀវភៅស្នាក់នៅថតចម្លង, លេខគណនីធនាគារផ្ទាល់ខ្លួននៅកម្ពុជា, អត្តសញ្ញាណប័ណ្ណច្បាប់ដើម, បង្កាន់ដៃសុំសិទ្ធិប្រឡង, រូបថត (ផ្ទៃខាងក្រោយពណ៌ស), ឆ្លងកាត់ស្កេនក្រយៅដៃ។ ទី៣.ការទទួលកិច្ចសន្យាការងារពីនិយោជកកូរ៉េ ៖ និយោជកកូរ៉េជ្រើសរើសពលករបរទេសតាមប្រព័ន្ធកុំព្យូទ័រមិនអាចបញ្ជាក់ចំឈ្មោះពលករណាមួយឡើយ។ ការជ្រើសរើសធ្វើឡើងដោយតម្លាភាព ពុំមានបុគ្គល ឬអង្គភាពណាមួយជួយឱ្យធ្លាក់ឈ្មោះបានឡើយ។ និយោជកកូរ៉េជ្រើសរើសពលកររួច ប៉ុន្តែនិយោជកកូរ៉េមិនបានរៀបចំឯកសារគ្រប់គ្រាន់ ឈ្មោះនឹងត្រូវដាក់ចូលក្នុងបញ្ជីស្វែងរកការងារធ្វើឡើងវិញ។ ពលករត្រូវមកចុះកិច្ចសន្យាការងារក្នុងរយៈពេល ០១ សប្ដាហ៍ គិតចាប់ពីថ្ងៃទទួលបានការជូនដំណឹងស្ដីពីកិច្ចសន្យាការងារពី គ.ប.ប.ព.ប។ ពេលមកពិនិត្យលក្ខខណ្ឌការងារ និងចុះកិច្ចសន្យាការងារ បេក្ខជនត្រូវភ្ជាប់មកជាមួយនូវ លិខិតឆ្លងដែនច្បាប់ដើម និងថតចម្លងពណ៌ធម្មជាតិ ០៨ ច្បាប់, អត្តសញ្ញាណប័ណ្ណសញ្ជាតិខ្មែរ,សេចក្តីចម្លងសំបុត្រកំណើតច្បាប់ដើម, សៀវភៅគ្រួសារ ឬសៀវភៅស្នាក់នៅថតចម្លង, រូបថត (ផ្ទៃខាងក្រោយពណ៌ស)។ ទី៤.ការចេញដំណើររបស់បេក្ខជន ៖ ក្រោយចុះកិច្ចសន្យា និងរៀបចំឯកសាររយៈពេល ៤៥ ថ្ងៃ ទៅ ៦០ ថ្ងៃ គ.ប.ប.ព.ប សហការជាមួយ HRD-Korea នឹងរៀបចំសម្របសម្រួលការចេញដំណើររបស់ពលករ។ បេក្ខជនត្រូវភ្ជាប់មកជាមួយវិញ្ញាបនបត្របញ្ជាក់វគ្គបណ្ដុះបណ្ដាល, ព្រឹត្តិបត្រថ្កោលទោស, ទិដ្ឋាការ(E-9) ពីស្ថានទូតកូរ៉េ, វិញ្ញាបនបត្រពិនិត្យសុខភាព, គណនីធនាគារផ្ទាល់ខ្លួន(ថតចម្លង)។ ទី៥.ការគាំពារ និងការធ្វើមាតុភូមិនិវត្តន៍ ៖ បេក្ខជនទទួលលិខិតបញ្ជាក់ការងារពីនិយោជក, ទូទាត់ប្រាក់សោធននិវត្តន៍ និងអត្ថប្រយោជន៍ផ្សេងៗ។ ពលករវិលត្រលប់មកប្រទេសកម្ពុជាវិញ ត្រូវរាយការណ៍អំពីការវិលត្រឡប់មកក្រសួងការងារ និងបណ្ដុះបណ្ដាលវិជ្ជាជីវៈ។
បន្ថែមពីនីតិវិធីនេះ លោករដ្ឋលេខាធិការ ក៏បានបញ្ជាក់ដែរថា ករណីបេក្ខជន ឬពលករមានចម្ងល់ សូមទំនាក់ទំនងមកកាន់ប្រព័ន្ធទូរសព្ទ ០១១ ៣៨៣ ៧៣៥ ឬ ០១២ ៤៦៦ ២២២ ឬទៅកាន់ស្ថានឯកអគ្គរាជទូតព្រះរាជាណាចក្រកម្ពុជាប្រចាំប្រទេសកូរ៉េ តាមរយៈលេខ +៨២-១០-៥១២៩-១៩៧៥។
គួរបញ្ជាក់ថា គិតត្រឹមពាក់កណ្ដាលឆ្នាំ ២០២៤ កម្ពុជា បានបញ្ជូនពលករទៅធ្វើការសាធារណរដ្ឋកូរ៉េ មានចំនួនជាង ៤៥ ០០០ នាក់ (ស្រីជាង ១០ ០០០ នាក់)។ ជាគោលនយោបាយរបស់រាជរដ្ឋាភិបាលកម្ពុជា ក្នុងការបញ្ជូនពលករកម្ពុជាទៅធ្វើការនៅក្រៅប្រទេសនេះ ពលករទាំងអស់ នឹងទទួលបាននូវអត្ថប្រយោជន៍ផ្សេងៗ តាមច្បាប់ នៃប្រទេសទទួលនីមួយៗ។ ជារៀងរាល់ឆ្នាំ ពលករធ្វើការនៅក្រៅប្រទេស បានផ្ញើប្រាក់មកក្រុមគ្រួសារជាមធ្យមមានចំនួនសរុបប្រមាណជាង ២,៩ ពាន់លានដុល្លារអាមេរិក ក្នុងមួយឆ្នាំៗ ដែលទាំងនេះមិនត្រឹមតែជួយទ្រទ្រង់សេដ្ឋកិច្ចគ្រួសារប៉ុណ្ណោះទេ ប៉ុន្តែក៏បានចូលរួមចំណែកយ៉ាងច្រើនដល់សេដ្ឋកិច្ចជាតិទាំងមូលផងដែរ៕
គណៈកម្មាធិការសិទ្ធិមនុស្សថា ស្ថានភាពសិទ្ធិមនុស្សក្នុងពន្ធនាគារគឺល្អប្រសើរ ដោយជនជាប់ឃុំអាចប្រតិបត្តិជំនឿសាសនាបាន
អាជ្ញាធរជាតិប្រយុទ្ធប្រឆាំងគ្រឿងញៀន និងសាលាមធ្យមសិក្សាសុខាភិបាលភូមិភាគស្ទឹងត្រែង រួមគ្នាផ្សព្វផ្សាយពីអត្ថប្រយោជន៍ App NoDrug
មេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
តុលាការចោទអ្នកបើករថយន្តបង្កគ្រោះថ្នាក់ឲ្យលោក Ruth Ko ស្លាប់ ពីបទ «បើកបរបង្កគ្រោះថ្នាក់ចរាចរណ៍បណ្តាលឲ្យស្លាប់អ្នកដទៃ»
អាមេរិកមិនទាន់មានផែនការបង្កើនកងទ័ពនៅ កោះ Greenland ទេ
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
ម្ដាយតារារ៉េប RuthKo មិនទទួលយកការសុំទោសដាច់ខាត ចំពោះទង្វើហាងផ្កាមួយកន្លែង ដែលផុសប្រមាថជីវិតកូន
ភ្លើងឆេះព្រៃរាលដាលដល់ចម្ការស្វាយ ៣៥ហិកតា ខូចខាតដើមស្វាយ ១៥ ០០០ ដើម
មហាអំណាចអឺរ៉ុប២ប្រទេស ចេញមុខព្រមានលោក ត្រាំ ក្រោយគំរាមប្រើកម្លាំងយោធា ដណ្តើមយក Greenland
កម្លាំងពន្លត់អគ្គីភ័យកើនដល់៧៥០០នាក់ ខណៈភ្លើងរាលដាលដល់ Hollywood Hills ដែលគម្រាមលំនៅឋាន១០ម៉ឺនខ្នងទៀត
-
ព័ត៌មានជាតិ១ សប្តាហ៍ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៤ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ១ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ១ សប្តាហ៍ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ១ សប្តាហ៍ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច១ សប្តាហ៍ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច១ សប្តាហ៍ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៦ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»