ព័ត៌មានជាតិ
សាខា ប.ស.ស នៅផ្សារទំនើបអ៊ីអនម៉ល សែនសុខ ផ្ដល់តាវកាលិក និងប្រាក់ឧបត្ថម្ភរដ្ឋាភិបាលដល់កម្មករជិត ២០០ នាក់ ត្រឹម ១៥ ថ្ងៃ
សាខាបេឡាជាតិសន្តិសុខសង្គមនៅផ្សារទំនើប អ៊ីអន ម៉ល សែនសុខ ដែលទើបសម្ពោធដាក់ឱ្យដំណើរការកាលពីថ្មីៗ នេះ បានផ្តល់តាវកាលិក និងផ្នែកប្រាក់ឧបត្ថម្ភរបស់រដ្ឋាភិបាលជូនដល់កម្មករ-និយោជិត ប្រមាណជិត ២០០ នាក់ ក្នុងរយៈពេលត្រឹមតែ ១៥ ថ្ងៃ។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅរសៀលថ្ងៃទី ២៦ សីហា នេះថា ចាប់ពីថ្ងៃទី ១០ រហូតដល់ថ្ងៃទី ២៥ ខែសីហា ឆ្នាំ ២០២៤ នេះ សាខាបេឡាជាតិសន្តិសុខសង្គមនៅផ្សារទំនើប អ៊ីអន ម៉ល សែនសុខ ស៊ីធី បានផ្តល់តាវកាលិក និងផ្នែកប្រាក់ឧបត្ថម្ភរបស់រដ្ឋាភិបាលជូនដល់កម្មករ-និយោជិត ចំនួន ១៧៨ នាក់ ក្នុងនោះការផ្តល់តាវកាលិកចំនួន ៣៨ នាក់ ស្រី ៣០ នាក់ និងផ្តល់ផ្នែកប្រាក់ឧបត្ថម្ភរបស់រដ្ឋាភិបាលចំនួន ១៤០ នាក់។
លោកបានបន្តថា ការផ្តល់តាវកាលិកដល់កម្មករចំនួន ៣៨ នាក់ ក្នុងនោះ ផ្តល់លិខិតព្យាបាលបន្តចំនួន ១ នាក់ ស្នើសុំប្រាក់បំណាច់ប្រចាំថ្ងៃចំនួន ២១ នាក់ ស្រី ១៧ នាក់ ស្នើសុំប្រាក់សោធនចំនួន ៨ នាក់ ស្រី ៥ នាក់។ ចំណែកការផ្តល់ប្រាក់ឧបត្ថម្ភរបស់រាជរដ្ឋាភិបាលដល់កម្មករចំនួន ១៤០ នាក់ ក្នុងនោះមុនពេលសម្រាលចំនួន ១២១ នាក់ ពេលសម្រាលចំនួន ៩ នាក់ និងក្រោយសម្រាលចំនួន ១៤០ នាក់។
លោក កត្តា អ៊ន បានបន្ថែមថា គិតពីខែមករា រហូតដល់ ២០ ខែសីហា ឆ្នាំ ២០២៤ នេះ រាជរដ្ឋាភិបាល បានឧបត្ថម្ភថវិកាដល់កម្មការិនីជាស្ត្រីមានផ្ទៃពោះ និងកុមារអាយុក្រោម ២ ឆ្នាំ ចំនួន ៩៨ ២៣៤ នាក់ មានកូនចំនួន ៩៥ ១៧០ នាក់ ដោយចំណាយថវិកាប្រមាណជា ៦៥,៤១ ប៊ីលានរៀល និងបានឧបត្ថម្ភថវិកាដល់កម្មការិនីជាស្ត្រីសម្រាលកូនសរុបចំនួន ៥៤៧ ៣១១ នាក់ មានកូនចំនួន ៥៣៣ ៥៦៦ នាក់ ចំណាយថវិកាសរុបចំនួន ២៥៥,៥៧ ប៊ីលានរៀល។
លោកបានបន្តថា ការផ្ដល់ប្រាក់ឧបត្ថម្ភនេះបានជួយលើកកម្ពស់សុខភាព និងជីវភាពគ្រួសារសមាជិក ប.ស.ស ជាស្ត្រីមានផ្ទៃពោះ និងកុមារអាយុក្រោម ២ ឆ្នាំ កាន់តែប្រសើរឡើងបន្ថែមទៀត។
លោកបានបន្តទៀតថា រាជរដ្ឋាភិបាលបានឧបត្ថម្ភសាច់ប្រាក់ជូនកម្មករ-និយោជិតស្ត្រីមានផ្ទៃពោះ និងកុមារក្រោមអាយុ ២ ឆ្នាំ ក្នុងនោះមុនពេលសម្រាលកូនកម្មករ-និយោជិតស្ត្រីមានផ្ទៃពោះទទួលបានប្រាក់ឧបត្ថម្ភចំនួន ៤ លើក ដោយ ១ លើក ទទួលបានថវិកា ៨ ម៉ឺនរៀល។ ពេលសម្រាលកូន ទទួលបានប្រាក់ឧបត្ថម្ភ ដោយកូន ១ ទទួលបានថវិកា ៨០ ម៉ឺនរៀល កូនភ្លោះ ២ ទទួលបាន ១ លាន ២ សែនរៀល និងកូនភ្លោះ ៣ ទទួលបាន ១ លាន ៦ សែនរៀល និងទទួលបានការឧបត្ថម្ភពិសេសបន្ថែមពី សម្ដេចអគ្គមហាសេនាបតីតេជោ ហ៊ុនសែន និងសម្ដេចកិត្តិព្រឹទ្ធបណ្ឌិត ចំនួន ៥ លានរៀល ទៀតផងដែរ។
លោកបានបន្ថែមថា ជាមួយគ្នានេះដែរក្រោយពេលសម្រាលកូនកម្មករ-និយោជិតស្ត្រីមានផ្ទៃពោះទទួលបានប្រាក់ឧបត្ថម្ភចំនួន ១០ លើក ដោយ ១ លើក ទទួលបាន ៨ ម៉ឺនរៀល ក្នុងនោះ ៣ លើក នៅពេលទៅទទួលសេវាពិនិត្យសុខភាព ក្រោយពេលសម្រាលកូន និង ៧ លើកទៀត នៅពេលយកកូនទៅទទួលថ្នាំបង្ការរហូតដល់អាយុ ២ ឆ្នាំ។
គួរបញ្ជាក់ថា ចាប់ពីថ្ងៃទី ១០ រហូតដល់ថ្ងៃទី ២៥ ខែសីហា ឆ្នាំ ២០២៤ នេះ សាខាបេឡាជាតិសន្តិសុខសង្គមនៅផ្សារទំនើប អ៊ីអន ម៉ល សែនសុខ ស៊ីធី ក៏បានចុះបញ្ជីសមាជិក ប.ស.ស បានចំនួន ១ ២៥៤ នាក់ ស្រី ៧៣២ នាក់ បើបូកទាំងការផ្តល់តាវកាលិក និងប្រាក់ឧបត្ថម្ភរដ្ឋាភិបាលសរុបចំនួន ១ ៤៣២ នាក់ ស្រី ៩០២ នាក់។
សូមរំលឹកថា សម្រាប់ប្រជាពលរដ្ឋ និងសាធារណជន ចាប់ពីពេលនេះតទៅ អាចអញ្ជើញមកទទួលសេវារបស់បេឡាជាតិសន្តិសុខសង្គម ដែលមានដូចជា ធ្វើប័ណ្ណសមាជិក ប.ស.ស. , ដាក់ឯកសារស្នើសុំប្រាក់ឧបត្ថម្ភរបស់រាជរដ្ឋាភិបាល, ដាក់ឯកសារស្នើសុំប្រាក់បំណាច់ប្រចាំថ្ងៃ, ប្រាក់បំណាច់មាតុភាព, ដាក់ឯកសារហានិភ័យការងារ និងស្នើសុំលិខិតព្យាបាលបន្ដបាន នៅផ្សារទំនើប អ៊ីអន ម៉ល សែនសុខ ស៊ីធី ជាន់ទី ២ ចាប់ពីម៉ោង ៩ ព្រឹក ដល់ម៉ោង ១០ យប់៕
អត្ថបទ ៖ សំអឿន
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
លោក ត្រាំ ព្រមានក្រុមប្រទេស BRICS ជុំវិញរឿងប្រឆាំងនឹងការប្រើប្រាស់លុយដុល្លារអាមេរិក
សម្ដេច ប៊ុន រ៉ានី អំពាវនាវឱ្យគ្រប់ភាគីរួមគ្នាជាមួយរដ្ឋាភិបាលដើម្បីលុបបំបាត់ជំងឺអេដស៍
ថ្ងៃទី២ធ្នូ គណៈកម្មាធិការអចិន្ត្រៃយ៍ព្រឹទ្ធសភា នឹងពិនិត្យលើច្បាប់ហិរញ្ញវត្ថុឆ្នាំ២០២៥
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
ស្លាប់១២នាក់ និងជម្លៀសខ្លួនរាប់ម៉ឺននាក់ ព្រោះទឹកជំនន់នៅថៃ និងម៉ាឡេស៊ី
-
ព័ត៌មានអន្ដរជាតិ១ សប្តាហ៍ agoពិតទេ ដែលថា កងទ័ពដីឥដ្ឋនៅផ្នូរអធិរាជ ឈិនស៊ី បង្កើតឡើងពីសាកសពមនុស្ស
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»