ព័ត៌មានជាតិ
កញ្ញា ថេម លក្ខិណា៖ ជំនាញបច្ចេកទេស និងវិជ្ជាជីវៈបានធ្វើឲ្យជីវិតខ្ញុំផ្លាស់ប្ដូរ១០០ភាគរយ
អតីតកម្មការីនីរោងចក្រ កញ្ញា ថេម លក្ខិណា ជាសិស្សវិទ្យាស្ថានពហុបច្ចេកទេសខេត្តកំពង់ស្ពឺ ចង់បានជំនាញផ្ទាល់ខ្លួន និងចាប់យកឱកាសបើកមុខរបររកស៊ីខ្លួនឯង ដើម្បីបង្កើនប្រាក់ចំណូលបន្ថែមទៀតសម្រាប់ផ្គត់ផ្គង់ជីវភាពគ្រួសារ។
![](https://www.kampucheathmey.com/wp-content/uploads/2024/08/photo_2024-08-27_09-34-44-1024x569.jpg)
កញ្ញា ថេម លក្ខិណា បាននិយាយថា កត្តាដែលជំរុញទឹកចិត្តឱ្យនាងចុះឈ្មោះចូលសិក្សាជំនាញនៅវិទ្យាស្ថានពហុបច្ចេកទេសខេត្តកំពង់ស្ពឺនេះ ដោយគិតថា ខ្លួនបានចំណាយពេលវេលាជាច្រើនឆ្នាំធ្វើជាកម្មកររោងចក្រ ហើយជីវភាពរបស់នាងសមល្មម ប៉ុន្តែនាងចង់ផ្លាស់ប្តូរការងារដោយចង់ធ្វើការងារដោយប្រើប្រាស់សមត្ថភាពជំនាញវិញ។
កញ្ញាបានសម្រចចិត្តស្វែងរកឱកាសសិក្សាជំនាញបន្ថែមពីកម្មវីធីបណ្ដុះបណ្ដាល TVET ហើយក៏បានចុះឈ្មោះសិក្សាយកជំនាញវិទ្យាកុំព្យូទ័រ និងក្រាហ្វិចឌីសាញ់ (Graphic Design)។ ក្រោយពីសិក្សាបានរយៈពេល៤ខែ កញ្ញាមានអារម្មណ៍ជឿជាក់លើខ្លួនឯងកាន់តែខ្លាំង និងអាចមានលទ្ធភាពក្នុងការរកស៊ីផ្ទាល់ខ្លួន។
![](https://www.kampucheathmey.com/wp-content/uploads/2024/08/photo_2024-08-27_09-34-46.jpg)
នៅក្នុងអំឡុងពេលសិក្សានៅសាលាបច្ចេកទេស កញ្ញាបានប្រឹងប្រែងសិក្សារៀនសូត្រជាមួយលោកគ្រូ អ្នកគ្រូដែលមានជំនាញច្បាស់លាស់ និងមានបទពិសោធន៍ជាច្រើនឆ្នាំទាក់ទងការបង្ហាត់បង្រៀនជំនាញបច្ចេកទេសកុំព្យូទ័រ និងក្រាហ្វិចឌីសាញ់។
កញ្ញា លក្ខិណា បាននិយាយថា «ពេលនេះ ខ្ញុំមានជំនាញដែលអាចប្រើប្រាស់បង្កើតមុខរបរផ្ទាល់ខ្លួនមួយសមរម្យ ហើយវាមិនមានការប្រើប្រាស់កម្លាំងពលកម្មច្រើនដូចធ្វើការងាររោងចក្រទេ។ ពោលគឺ ខ្ញុំអង្គុយធ្វើការងារនៅខាងមុខកុំព្យូទ័រ ដោយប្រើប្រាស់ចំណេះជំនាញរបស់ខ្ញុំដែលបានសិក្សាកន្លងមកនេះ»។
![](https://www.kampucheathmey.com/wp-content/uploads/2024/08/photo_2024-08-27_09-34-40-1024x590.jpg)
កញ្ញាបានលើកទឹកចិត្តឱ្យយុវជនផ្សេងទៀត គួរតែប្រឹងស្រវ៉ាចាប់យកឱកាសសិក្សារៀនសូត្រជំនាញបច្ចេកទេសបន្ថែម ព្រោះខ្លួនជាយុវជនមានអនាគតវែងឆ្ងាយ ហើយគួរតែមានជំនាញបច្ចេកទេសជាគោលដ៏សំខាន់មួយនៅក្នុងខ្លួន។ ជំនាញនេះ នឹងជួយកែប្រែឆាកជីវិតយុវជនឱ្យមានការផ្លាស់ប្ដូរមួយរំពេចន៍៕
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត