ព័ត៌មានជាតិ
វឌ្ឍនភាពផ្លូវល្បឿនលឿនភ្នំពេញបាវិត បញ្ចប់ការសាងសង់ការិយាល័យ កន្លែងស្នាក់នៅ រួមទាំងហេដ្ឋារចនាសម្ព័ន្ធគាំទ្រជាច្រើនទៀត
បើតាមមន្រ្តីជាន់ខ្ពស់ក្រសួងសាធារណការ និងដឹកជញ្ជូនបានឲ្យកម្ពុជាថ្មីដឹងថា ដំណើរការស្ថាបនាផ្លូវល្បឿនលឿនភ្នំពេញបាវិតកំពុងវិវឌ្ឍន៍ទៅតាមគម្រោង ខណៈក្រុមការងារកំពុងបញ្ចប់ការដោះស្រាយផលប៉ះពាល់មួយចំនួនលើការដ្ឋានសាងសង់។
លោក ផន រឹម មន្រ្តីអ្នកនាំពាក្យក្រសួងសាធារណការនិងដឹកជញ្ជូនបានបង្ហាញពីវឌ្ឍនភាព នៃដំណើរសាងសង់ផ្លូវល្បឿនលឿនភ្នំពេញបាវិត ក្រោយបើកការដ្ឋានស្ថាបនាបានជាងមួយឆ្នាំ។ ក្នុងនោះការងារសម្រេចបានមានដូចជា បញ្ចប់ការងារសាងសង់កន្លែងការិយាល័យ និងកន្លែងស្នាក់នៅចំនួន ៧ កន្លែង ទីតាំងបន្ទប់ពិសោធន៍ចំនួន ៥ កន្លែង ទីតាំងផលិតគ្រឿងសំណង់ចំនួន ៥ កន្លែង និងបានត្រៀមបុគ្គលិកនិងគ្រឿងចក្ររួចរាល់។
បើតាមមន្រ្តីអ្នកនាំពាក្យក្រសួងសាធារណការ និងដឹកជញ្ជូន ក្រុមការងារបច្ចេកទេសកំពុងពិនិត្យសិក្សានិងដោះស្រាយផលប៉ះពាល់លើហេដ្ឋារចនាសម្ព័ន្ធសាធារណ:ដូចជា បង្គោលអគ្គិសនី ប្រព័ន្ធទឹកស្អាត បង្គោលខ្សែកាបប្រៃសណីយ៍។ ជាមួយគ្នានេះ កំពុងរង់ចាំភាគីវៀតណាមបង្កើតក្រុមការងារដើម្បីពិភាក្សាចំណុចតភ្ជាប់នៅព្រំដែន។
ជាមួយការបន្តដោះស្រាយផលប៉ះពាល់នានា ក្រុមការងារនឹងប្រគល់ទីតាំងជូនក្រុមហ៊ុនសាងសង់នៅក្នុងអំឡុងខែវិច្ឆិកា ឆ្នាំ២០២៤។ លោក ផន រឹម បញ្ជាក់បន្ថែម។
កាលពីសប្តាហ៍មុន គណៈកម្មការអន្តរក្រសួងដឹកនាំដោយលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានបើកកិច្ចប្រជុំដើម្បីពិនិត្យពីវឌ្ឍនភាពគម្រោងសាងសង់ផ្លូវល្បឿនលឿនភ្នំពេញ-បាវិត និងស្ពានឆ្លងកាត់ទន្លេមេគង្គ (ដីឥដ្ឋ-ថ្មគរ)។
កិច្ចប្រជុំនេះ ក៏មានការចូលរួមពីរដ្ឋមន្រ្តីក្រសួងសាធារណការ និងដឹកជញ្ជូន តំណាងក្រុមហ៊ុនសាងសង់ CRBC ដើម្បីពិនិត្យលទ្ធផលការងារដែលសម្រេចបាន វឌ្ឍនភាពការងារដែលកំពុងអនុវត្ត និងផែនការការងារដែលគ្រោងនឹងធ្វើក្នុងជំហានបន្តបន្ទាប់ ដើម្បីជំរុញដំណើរការអនុវត្តគម្រោងផ្លូវល្បឿនលឿនភ្នំពេញបាវិត និងស្ពានឆ្លងកាត់ទន្លេមេគង្គ (ដីឥដ្ឋ-ថ្មគរ)។
ផ្លូវល្បឿនលឿនភ្នំពេញ-បាវិត បានបើកការដ្ឋានសាងសង់កាលពីខែមិថុនាឆ្នាំ ២០២៣ ដែលជាគម្រោងផ្លូវល្បឿនលឿនទី ២ បន្ទាប់ផ្លូវល្បឿនលឿនភ្នំពេញ-ក្រុងព្រះសីហនុ បានបញ្ចប់និងដាក់ឲ្យប្រើប្រាស់កាលពីអំឡុងខែតុលា ឆ្នាំ ២០២២។
ផ្លូវល្បឿនលឿនបាវិត មានប្រវែងសរុបប្រហែល ១៣៥ គីឡូម៉ែត្រ ជាផ្លូវថ្មីទាំងស្រុងមាន ០៤ គន្លង មានទទឹងតួផ្លូវ ២៥,៥ ម៉ែត្រ។ ផ្លូវមួយខ្សែនេះសាងសង់ឡើងចាប់ចេញពីភ្នំពេញនៅចំណុចផ្លូវក្រវាត់ក្រុងទី ៣ កាត់តាមខេត្តកណ្តាល ខេត្តព្រៃវែង និងខេត្តស្វាយរៀង ឆ្ពោះទៅក្រុងបាវិតព្រំដែនកម្ពុជា-វៀតណាម ដែលគ្រោងចំណាយថវិកាសាងសង់ប្រហែលជិត ២ ពាន់លានដុល្លារអាមេរិក និងបញ្ចប់នៅចុងឆ្នាំ២០២៦ ឬដើមឆ្នាំ២០២៧។
កាលពីខែតុលា ឆ្នាំ២០២៣ មន្រ្តីជាន់ខ្ពស់ក្រសួងសាធារណការនិងដឹកជញ្ជូនកម្ពុជា បានដឹកនាំប្រតិភូចូលរួមកិច្ចប្រជុំជាមួយមន្រ្តីក្រសួងដឹកជញ្ជូននៃសាធារណរដ្ឋសង្គមនិយមវៀតណាម ដើម្បីកំណត់ទីតាំងតភ្ជាប់ផ្លូវល្បឿនលឿនភ្នំពេញ-បាវិតរបស់កម្ពុជា ជាមួយនឹងផ្លូវល្បឿនលឿនហូជីមិញ-ម៉ុកបៃ របស់វៀតណាម។ ក្នុងនោះភាគីទាំងពីរបានឯកភាពពន្លឿនការអនុវត្តការគម្រោងរួមទាំងការងារពាក់ព័ន្ធផ្សេងៗ ដើម្បីជាប្រយោជន៍រួមទាំងផ្នែកសេដ្ឋកិច្ចនិងសង្គម៕
អភិបាលខេត្តកំពង់ចាម ដឹកនាំមន្ត្រីជំនាញពិនិត្យការស្តារឡើងវិញ នូវហេដ្ឋារចនាសម្ពន្ធ័ ដែលរងការខូចខាតដោយទឹកជំនន់កន្លងមក
យុវជនវៀតណាមនិងយុវជនកម្ពុជា មានគម្រោងសាងសង់មជ្ឈមណ្ឌលបណ្ដុះបណ្ដាលវិជ្ជាជីវៈជូនយុវជនកម្ពុជា និង កសាងអគារទីស្តីការរបស់ ស.ស.យ.ក
ជង្ហុកដ៏ធំមួយនៅជិតស្ពានស្ទឹងមានជ័យបង្កឡើងដោយរថយន្ដដឹកគ្រឿងចក្ររយៈពេលជាង១០ថ្ងៃមកហើយនៅមិនទាន់ជួសជុល
មន្ត្រីជាន់ខ្ពស់អំពាវនាវឱ្យយុវជន ចូលរៀនកម្មវិធីបណ្តុះបណ្តាលជំនាញ TVET ១,៥លាននាក់ ដែលរៀនមិនគិតថ្លៃ បានទាំងប្រាក់ឧបត្ថម្ភ និងចំណេះ
សម្ដេចតេជោ៖ផ្អែកលើភាពជោគជ័យកន្លងមក លោក ប្រាក់ សុខុន ពិតជាស័ក្ដិសមនឹងតំណែងរដ្ឋមន្ត្រីការបរទេស
កីឡាករ នុប តុលា បាត់បង់ជីវិតជាដំណឹងដ៏ក្រៀមក្រំបំផុតសម្រាប់បាល់ទាត់កម្ពុជា
សុខ រ៉ាស៊ី ចាត់ទុកទង្វើ Miss Grand ឥណ្ឌា មានចរិតដៀមដាមមកលើកម្ពុជា និងអាក្រក់បំផុត (មានវីដេអូ)
អាហារបែបស្រុកស្រែតាមផ្លូវជាតិលេខ ៤៨ ទាក់ទាញអ្នកដំណើរ និងហុចផលសេដ្ឋកិច្ចដល់ពលរដ្ឋឃុំកណ្ដោល
ជង្ហុកដ៏ធំមួយនៅជិតស្ពានស្ទឹងមានជ័យបង្កឡើងដោយរថយន្ដដឹកគ្រឿងចក្ររយៈពេលជាង១០ថ្ងៃមកហើយនៅមិនទាន់ជួសជុល
ស្ថានការណ៍មិនស្រួល! រុស្ស៊ី ចាប់ផ្តើមសង់ផ្ទះចល័ត ការពារជាតិវិទ្យុសកម្ម ពីគ្រាប់បែកនុយក្លេអ៊ែរ
-
ព័ត៌មានជាតិ១ សប្តាហ៍ agoមកស្គាល់ពីសាកលវិទ្យាល័យចំនួន៦ សម្រាប់សិស្សដែលទើបបញ្ចប់ការសិក្សាទី១២ អាចរើសជំនាញដែលសមស្រប
-
ជីវិតកម្សាន្ដ៣ ថ្ងៃ agoទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
-
ព័ត៌មានជាតិ១ សប្តាហ៍ agoទៅដល់ខេត្តក្រចេះរដូវនេះ! កុំភ្លេចសាករសជាតិសម្លត្រីឆ្កោក រដូវទឹកស្រកសំបូរត្រីចុះតាមព្រែកបឹង
-
ព័ត៌មានអន្ដរជាតិ៣ ថ្ងៃ agoជាប្រវត្តិសាស្រ្ត! ព្យុះ៤ ត្រូវថតជាប់ក្នុងពេលតែមួយ នៅមហាសមុទ្រប៉ាស៊ីហ្វិក
-
ជីវិតកម្សាន្ដ៣ ថ្ងៃ agoអ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
-
ព័ត៌មានជាតិ៦ ថ្ងៃ agoរាជធានីខេត្តចំនួន ៣ ទទួលបានភ្ញៀវទេសចរច្រើនជាងគេ នៅថ្ងៃទី ១ នៃពិធីបុណ្យអុំទូក
-
សន្តិសុខសង្គម២ ថ្ងៃ agoUpdate៖ ឃាត់ខ្លួនម្ចាស់គ្លីនិកពីរនាក់ប្ដីប្រពន្ធ ករណីចាក់ថ្នាំប្រតិកម្មបណ្ដាលឲ្យស្ត្រីម្នាក់ស្លាប់
-
សន្តិសុខសង្គម៣ ថ្ងៃ agoឃាត់ខ្លួនមន្ត្រីនគរបាលម្នាក់ ក្រោយបាញ់ប្រហារប្ដីប្រពន្ធមួយគូរងរបួសធ្ងន់