ព័ត៌មានជាតិ
ឡានស៊េរីទំនើបៗជាច្រើនគ្រឿងនឹងបង្ហាញខ្លួនលើទឹកដីអង្គរ នៅថ្ងៃទី៣១ ខែសីហា ដើម្បីផ្សព្វផ្សាយពីវិស័យទេសចរណ៍
ខេត្តសៀមរាប នឹងរៀបចំព្រឹត្តការណ៍ Pre-Gumball 3000 Rally in Cambodia រយៈពេល២ថ្ងៃ ចាប់ពីថ្ងៃទី៣១ ខែសីហា ដល់ថ្ងៃទី០១ ខែកញ្ញា ឆ្នាំ២០២៤ ខាងមុខនេះ ជាមួយនឹងការដាក់តាំងបង្ហាញរថយន្តស៊េរីទំនើបៗ ដើម្បីចូលរួមជំរុញទេសចរណ៍ក្នុងស្រុក និងជាកម្មវិធីអមព្រឹត្តិការណ៍ Gumball 3000 Rally in Cambodia។
លោក គុជ បញ្ញាសា រដ្ឋលេខាធិកាក្រសួងទេចរណ៍ និង លោក ង៉ូវ សេងកាក់ អភិបាលរងខេត្តសៀមរាប បានឱ្យដឹងកាលពីពេលថ្មីៗនេះថា ព្រឹត្តិការណ៍ Pre-Gumball 3000 Rally in Cambodia នឹងធ្វើឡើងនៅទីតាំងសួនច្បារព្រះរាជដំណាក់ក្រុងសៀមរាប និងអាកាសយានដ្ឋានចាស់។ ព្រឹត្តិការណ៍នេះ ធ្វើឡើងក្នុងគោលបំណងផ្សព្វផ្សាយពីព្រឹត្តិការណ៍ Gumball 3000 Rally in Cambodia ដែលនឹងប្រព្រឹត្តិទៅចាប់ថ្ងៃទី១៥-១៧ ខែកញ្ញា ឆ្នាំ២០២៤ នៅរាជធានីភ្នំពេញ និងខេត្តសៀមរាប ឱ្យបានទូលំទូលាយក្នុងនាមកម្ពុជាធ្វើជាម្ចាស់ផ្ទះ។ ព្រមទាំងដើម្បីចូលរួមគាំទ្រយុទ្ធនាការ “ទស្សនាសៀមរាប ឆ្នាំ២០២៤” “ឆ្នាំនៃការផ្លាស់ប្ដូរប្រជាជន និងប្រជាជន កម្ពុជា-ចិន ២០២៤” “ឆ្នាំទេសចរណ៍កម្ពុជា-ឥណ្ឌាលើកទី១” និងជាការជំរុញទេសចរណ៍ក្នុងស្រុក ក៏ដូចជាគាំទ្រយុទ្ធសាស្ត្រ “បង្កើន៥ និងអភិវឌ្ឍ៣” របស់ក្រសួងទេសចរណ៍។
លោករដ្ឋលេខាធិការ បានបញ្ជាក់ថា ព្រឹត្តិការណ៍នេះសម្រាប់ថ្ងៃទី៣១ ខែសីហា នឹងរៀបចំនៅទីតាំងសួនច្បារព្រះរាជដំណាក់ក្រុងសៀមរាប ជាមួយនឹងការដាក់តាំងបង្ហាញរថយន្តស៊េរីទំនើប ការរៀបចំស្តង់ពិពណ៌ផ្សេងៗ រួមនឹងកម្មវិធីប្រគំតន្ត្រីដែលមានការចូលរួមពីសំណាក់តារាល្បីនៃប្រទេសកម្ពុជាជាច្រើន។ ចំណែកនៅថ្ងៃទី០១ ខែកញ្ញា មានរៀបចំកម្មវិធីតាំងបង្ហាញរថយន្ត ឱ្យសាធារណៈជូនចូលទស្សនាដោយសេរី នៅក្នុងទីតាំងអាកាសយានដ្ឋានចាស់ខេត្តសៀមរាប។ ជាមួយនឹងការរៀបចំនេះ លោកបានស្នើដល់អាជ្ញាធរខេត្ត ចូលរួមសហការក្នុងការរៀបចំព្រឹត្តិការណ៍នេះឱ្យប្រព្រឹត្តិទៅដោយរលូន និងទទួលបានជោគជ័យតាមការរំពឹងទុក។
ក្នុងនាមអាជ្ញាធរខេត្ត លោក ង៉ូវ សេងកាក់ បានបង្ហាញការគាំទ្រចំពោះការរៀបចំព្រឹត្តិការណ៍នេះ ដែលជាព្រឹត្តិការណ៍ដ៏ធំ និងមិនធ្លាប់មាននៅកម្ពុជា និងជាព្រឹត្តិការណ៍នៃការជួយជំរុញពីសក្តានុពលវិស័យទេសចរណ៍នៅកម្ពុជា ពិសេសខេត្តសៀមរាប ទៅកាន់ពិភពលោកតាមរយៈការចូលរួមពីបុគ្គលល្បីៗមកពីបណ្ដាប្រទេសនានា ដែលបានចូលរួមក្នុងព្រឹត្តិការណ៍នេះ។
បន្ថែមពីនេះ លោកក៏បានជំរុញដល់គ្រប់អ្នកពាក់ព័ន្ធ ត្រូវសហការរៀបចំឱ្យបានល្អ ទាំងការងារសន្តិសុខ សណ្ដាប់ធ្នាប់ របៀបរៀបរយ សោភ័ណភាពនៅតាមទីតាំងរៀបចំកម្មវិធី។ ជាពិសេស ត្រូវមានកម្លាំងប្រចាំការជាប្រចាំនៅតាមទីតាំងទាំងនោះ ហើយត្រូវមានក្រុមគ្រូពេទ្យប្រចាំការ ដើម្បីបង្ការនៅពេលមានបញ្ហាអ្វីមួយកើតឡើង។ ព្រមទាំងបានស្នើដល់អ្នកពាក់ព័ន្ធទាំងអស់ ចូលរួមផ្សព្វផ្សាយពីព្រឹត្តិការណ៍នេះឱ្យបានទូលំទូលាយទៅដល់សាធារណជនទូទៅឱ្យពួកគាត់បានមកចូលរួមក្នុងព្រឹត្តិការណ៍នេះឱ្យបានគ្រប់ៗគ្នា ដើម្បីជាការជំរុញកំណើនសេដ្ឋកិច្ចប្រជាពលរដ្ឋក្នុងមូលដ្ឋានផងដែរ៕
ដោយ៖ គឿនវេត
-
សេដ្ឋកិច្ច៦ ថ្ងៃ ago
វ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានអន្ដរជាតិ៧ ថ្ងៃ ago
ចិន កើតបាតុភូតចម្លែក ព្រះអាទិត្យ ៧តម្រៀបជួរគ្នានៅលើមេឃ
-
ព័ត៌មានជាតិ៧ ថ្ងៃ ago
ក្រុមហ៊ុន Toyota ប្រគល់រថយន្ត៣គ្រឿងដែលទើបដំឡើងបាននៅកម្ពុជាជាលើកដំបូងនៅ ជូនសម្ដេចធិបតី
-
ព័ត៌មានជាតិ៦ ថ្ងៃ ago
នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
ព័ត៌មានអន្ដរជាតិ១៨ ម៉ោង ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៤ ថ្ងៃ ago
បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ
-
ព័ត៌មានជាតិ៤ ថ្ងៃ ago
ពលរដ្ឋខេត្តបាត់ដំបងយ៉ាងច្រើនកុះករ សប្បាយខ្ញៀវខ្ញារពេល ព្រះអង្គ ចន្ទ មុនី និមន្តមកដល់ ដើម្បីប្រោះព្រំ
-
ព័ត៌មានអន្ដរជាតិ១ សប្តាហ៍ ago
រកឃើញសពមហាសេដ្ឋីអង់គ្លេស ដែលជួបសោកនាដកម្ម លិចទូកទេសចរណ៍