ព័ត៌មានជាតិ

ទេសចរបរទេសជិត ១ ពាន់នាក់បានទៅលេងខេត្តរតនគិរី នៅខែសីហានេះ

បានផុស

៦ ខែ មុន

នៅ

ថ្ងៃអង្គារ ២៧ សីហា ២០២៤

ដោយ

បើតាមមន្ទីរទេសចរណ៍ខេត្តរតនគិរីបានឲ្យដឹងថា ខែសីហាឆ្នាំ ២០២៤ ខេត្តរតនគិរីទទួលបានទេសចរមកកម្សាន្តជិត ១ ម៉ឺននាក់ក្នុងនោះទេសចរក្នុងស្រុកមានចំនួន ៨ ៦៣៩ នាក់ និងទេសចរបរទេសចំនួន ៧៣២ នាក់។

បើប្រៀបធៀបខែកក្កដា ទេសចរក្នុងស្រុកមានត្រឹម ៦ ២២៣ នាក់ និងបរទេសមានត្រឹម ៥៦០ នាក់។

ខេត្តរតនគិរីដែលស្ថិតនៅភាគឦសានមានសក្តានុពលលើទេសចរណ៍បែបធម្មជាតិ។ ខេត្តភាគឦសាននេះ មានរមណីយដ្ឋានទេសចរណ៍សរុបចំនួន ៣០ កន្លែង។ នេះបើតាមមន្ទីរទេសចរណ៍ខេត្តរតនគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គោលដៅទេសចរណ៍ដែលទាក់ទាញបំផុតមានដូចជាបឹងយក្សឡោម ដែលត្រូវបានគេផ្តល់ចំណាត់ថ្នាក់លំដាប់ទីមួយ ប្រចាំខេត្តរតន:គិរី បន្ទាប់មកមានបឹងកន្សែង រួមទាំងទីតាំងទឹកជ្រោះជាច្រើនកន្លែង។ ឧទ្យានជាតិវិរជ័យដែលលាតសន្ធឹងគ្របដណ្តប់ខេត្តរតនគិរី និង ស្ទឹងត្រែង ក៏ជាគោលដៅដ៏ទាក់ទាញសម្រាប់ទេសចរផ្សេងព្រេងដែលទទួលបានការចាប់អារម្មណ៍ទាំងទេសចរជាតិ និងអន្តរជាតិទៅលេងកម្សាន្តឥតដាច់នៅគ្រប់រដូវកាល។

បើតាមរបាយការណ៍របស់មន្ទីរទេសចរណ៍ខេត្តរតនគិរី ឆ្នាំ ២០២៣ ខេត្តរតនគីរីទទួលបានទេសចរសរុបចំនួន ៣០០ ៩០៤ នាក់ ក្នុងនោះទេសចរក្នុងស្រុកមានចំនួន ២៩៣ ០៨៩ នាក់ និងទេសចរបរទេសមានចំនួន ៧ ៨១៥ នាក់។ នៅ ៨ ខែ ឆ្នាំ ២០២៤ ទេសចរមកកម្សាន្តខេត្តរតនគិរីមានចំនួនសរុប ១៩១ ០៣០ នាក់ ក្នុងនោះក៏មានទេសចរបរទេសចំនួន ៧ ៣២៩ នាក់៕

Related Topics:មន្ទីរទេសចរណ៍ខេត្តរតនគិរី