ជនជាតិបរទេស​ម្នាក់​ដេកស្លាប់ក្នុងមន្ទីរពេទ្យបង្អែកខេត្តកោះកុង

បុរសវ័យចំណាស់ម្នាក់ជាជនជាតិ កាណាដា បានដេកស្លាប់ក្នុងមន្ទីរពេទ្យបង្អែកខេត្តកោះកុងដោយ​សារ​ជំងឺប្រចាំកាយ។​

​ករណីនេះបានកើតឡើងកាលពីថ្ងៃទី៤ ខែមីនា ឆ្នាំ២០២១ នា​វេលា​ម៉ោង០៦:០០ នៅក្នុងមន្ទីពេទ្យ​បង្អែក​ខេត្តកោះកុង។ ជនរងគ្រោះមានឈ្មោះ Benjamin Robert ភេទ​ប្រុស អាយុ៧៥ឆ្នាំ ជនជាតិ កាណាដា កាន់​លិខិតឆ្លងដែន​លេខ HG642026 ផុតកំណត់​ថ្ងៃទី17-09-2021 និង​ទិដ្ឋាកា​លេខ EEX1900195973 ផុតកំណត់​ថ្ងៃទី 25-07-2021 បាន​ស្លាប់ នៅក្នុងមន្ទីរពេទ្យ​បង្អែក​ខេត្ត​ដោយ​ជំងឺ​ប្រចាំ​កាយ​ នេះបើតាមការពិនិត្យ និង​កោសល្យវិច័យ​របស់ក្រុមគ្រូពេទ្យជំនាញ និងកម្លាំងសមត្ថកិច្ច។

បច្ចុប្បន្ន សពជនរងគ្រោះតម្កល់ទុកនៅមន្ទីរពេទ្យខេត្តរង់ចាំខាងស្ថានទូតមកទទួលយក៕​