ព័ត៌មានជាតិ

បណ្តាញផ្លូវជាតិ ១៥ ខ្សែ និងស្ពានធំៗ ២ កន្លែង កំពុងដំណើរការសាងសង់បន្តបន្ទាប់ ឈានបញ្ចប់ឆាប់ៗនេះ

បានផុស

២ years មុន

នៅ

ថ្ងៃព្រហស្បតិ៍ ២៩ សីហា ២០២៤

ដោយ

តាមរយៈវីដេអូ ដែលបង្ហាញពីសមិទ្ធផលធំៗក្នុងវិស័យសាធារណការ និងដឹកជញ្ជូន នៅឆ្នាំទី១ នៃអាណត្តិទី៧ របស់រាជរដ្ឋាភិបាល ក្រសួងសាធារណការ និងដឹកជញ្ជូន បានកំពុងស្ថាបនាផ្លូវ និងស្ពានធំៗ ដែលប្រើប្រាស់ថវិកា និងហិរញ្ញប្បទានរបស់ដៃគូរអភិវឌ្ឍន៍នានា សរុបចំនួន ១៥ ខ្សែ និងស្ពានធំៗចំនួន ២ កន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែង ក្រៅពីគម្រោងហេដ្ឋារចនាសម្ព័ន្ធផ្លូវស្ពានដែលបានសាងសង់រួចរាល់ និងដាក់ឱ្យប្រើប្រាស់ជាបន្តបន្ទាប់ ក្រសួងសាធារណការនិងដឹកជញ្ជូនក៏បានកំពុងស្ថាបនាផ្លូវសំខាន់ៗចំនួន ១៥ ខ្សែ និងស្ពានធំៗចំនួន ២ កន្លែងទៀតដែលនឹងបញ្ចប់ក្នុងពេលដ៏ខ្លីខាងមុខ។

ក្នុងនោះ ផ្លូវដែលកំពុងស្ថាបនា រួមមាន ផ្លូវល្បឿនលឿនភ្នំពេញ-ក្រុងបាវិត, ផ្លូវជាតិលេខ៤, ផ្លូវជាតិលេខ៥, ផ្លូវជាតិលេខ៧, ផ្លូវជាតិលេខ១០, ផ្លូវជាតិលេខ២៣, ផ្លូវជាតិលេខ៣១, ផ្លូវជាតិលេខ៣៣, ផ្លូវជាតិលេខ៤១, ផ្លូវជាតិលេខ៤៨, ផ្លូវជាតិលេខ៧១C, ផ្លូវជាតិលេខ៧៣, ផ្លូវខេត្តលេខ៣១២, ផ្លូវខេត្តលេខ៣៧៧ និងផ្លូវខេត្តលេខ៣៧៧A។

ដោយឡែក ចំពោះ ស្ពានទាំង ២ ដែលក្រសួងសាធារណការ បាននឹងកំពុងអនុវត្តគម្រោង គឺ ស្ពានមេគង្គក្រចេះ និងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា)។

គួរជម្រាបដែរថា ក្រោមការដឹកនាំបន្តវេនដោយរដ្ឋមន្ត្រីវ័យក្មេង លោក ប៉េង ពោធិ៍នា ពាក់ព័ន្ធនឹងវិស័យសាធារណការ ក្នុងរយៈពេល ១ ឆ្នាំដំបូង នីតិកាលទី៧ នៃរដ្ឋសភា បានសម្រេចសមិទ្ធផលធំៗចំនួន ១១ គម្រោងផ្សេងគ្នាដែលបានញ្ចប់និងកំពុងដាក់ឱ្យប្រើប្រាស់ជាផ្លូវការ សម្រាប់បម្រើឱ្យផលប្រយោជន៍ជាតិ និងប្រជាជនខ្មែរទាំងមូល៕