ព័ត៌មានជាតិ
ទូតចិន ថា គណនីដែលផ្សាយព័ត៌មានមិនពិតពីកម្ពុជា ត្រូវបានអាជ្ញាធរចិនបិទចោលហើយ
គណនីដែលបានផ្សព្វផ្សាយព័ត៌មានមិនពិតជុំវិញស្ថានការណ៍នៅកម្ពុជា កន្លងមក ត្រូវបានអាជ្ញាធរចិនសម្រេចបិទចោលហើយ។ នេះជាការបញ្ជាក់របស់ឯកអគ្គរដ្ឋទូតចិនប្រចាំនៅរាជធានីភ្នំពេញ លោក វ៉ាង វិនពីន។
តាមរយៈសំណេរនៅលើបណ្ដាញហ្វេសប៊ុក នៅថ្ងៃទី២៨ ខែសីហា ឆ្នាំ២០២៤នេះ លោក វ៉ាង វិនពីន ឯកអគ្គរដ្ឋទូតចិន បានសរសេរថា៖ «គណនីដែលពាក់ព័ន្ធនឹងការផ្សព្វផ្សាយពាក្យចចាមអារ៉ាមមិនពិតអំពីប្រទេសកម្ពុជា ត្រូវបានបិទ»។ លោកឯកអគ្គរដ្ឋទូត ក៏បានអះអាងពីការបន្តកិច្ចសហការជាមួយអាជ្ញាធរកម្ពុជា ក្នុងការរួមដៃគ្នាប្រឆាំងយ៉ាងមុតមាំជាមួយនឹងព័ត៌មានក្លែងក្លាយ។
គណនីដែលត្រូវបានអាជ្ញាធរចិនបិទពេលនេះ គេអាចដឹងបានថា ជាគណនីមួយដែលបានផ្សព្វផ្សាយព័ត៌មានមិនពិតថា មានរដ្ឋប្រហារនៅកម្ពុជា កាលពីពេលកន្លងទៅថ្មីៗនេះ ពោលគឺមានឃ្លីបវីដេអូមួយជាភាសាចិន បានផ្សាយថា សម្ដេចពិជ័យសេនា ទៀ បាញ់ អតីតប្រមុខការពារជាតិ និងនាយឧត្តមសេនីយ៍ ទៀ សីហា ប្រមុខការពារជាតិបច្ចុប្បន្ន ព្រមទាំងថ្នាក់ដឹកនាំនៃកងយោធពលខេមរភូមិន្ទ បានដឹកនាំកងទ័ពធ្វើរដ្ឋប្រហារទម្លាក់រាជរដ្ឋាភិបាល និងបានសម្រុកចូលទីស្ដីការគណៈរដ្ឋមន្ត្រី ចាប់សម្ដេចធិបតី ហ៊ុន ម៉ាណែត និងចូលក្នុងគេហដ្ឋានរបស់សម្ដេចតេជោ ហ៊ុន សែន។
ក្រោយការផ្សព្វផ្សាយនេះ ក្រសួងការពារជាតិកម្ពុជា បានប្រកាសបដិសេធ និងបានចាត់ទុកការផ្សាយព័ត៌មានមិនពិត ក្នុងចេតនាបំភ្លៃការពិត ញុះញង់ និងគួរឱ្យស្អប់ខ្ពើមបំផុតនេះ គឺជាទង្វើទុច្ចរិតដ៏អាក្រក់ មិនអាចអត់ឱនឱ្យបានទេ ហើយបានព្រមានចាត់វិធានការគ្រប់បែបយ៉ាង ដោយគ្មានការលើកលែងជាដាច់ខាតចំពោះក្រុមអ្នកដែលមាននិន្នាការប្រឆាំង។
អ្នកនាំពាក្យក្រសួងការពារជាតិ ឧត្តមសេនីយ៍ឯក ម៉ាលី សុជាតា គូសបញ្ជាក់យ៉ាងច្បាស់ថា ថ្នាក់ដឹកនាំ នាយទាហាន នាយទាហានរង និងពលទាហាននៃក្រសួងការពារជាតិ ក៏ដូចជាកងយោធពលខេមរភូមិន្ទ នៅតែបន្តគាំទ្រឥតងាករេចំពោះរាជរដ្ឋាភិបាលស្របច្បាប់ ក្រោមការដឹកនាំរបស់សម្ដេចធិបតី ហ៊ុន ម៉ាណែត។
ភ្ជាប់ជាមួយគ្នានេះ លោក វ៉ាង វិនពីន ឯកអគ្គរដ្ឋទូតចិន ក៏បានចេញមុខថ្កោលទោសការផ្សាយព័ត៌មានជាភាសាចិននេះផងដែរ។ លោកទូតចិន ថា៖ «យើងថ្កោលទោសចំពោះការប្រឌិតនិងផ្សព្វផ្សាយព័ត៌មានក្លែងក្លាយ ហើយនឹងសហការជាមួយមិត្តភ័ក្ដិកម្ពុជា ដើម្បីទប់ស្កាត់ និងប្រឆាំងនឹងព័ត៌មានក្លែងក្លាយ»៕
អត្ថបទ៖ ធឿន វ៉ាន់សុង
-
សេដ្ឋកិច្ច៥ ថ្ងៃ ago
វ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានអន្ដរជាតិ៦ ថ្ងៃ ago
ចិន កើតបាតុភូតចម្លែក ព្រះអាទិត្យ ៧តម្រៀបជួរគ្នានៅលើមេឃ
-
ព័ត៌មានជាតិ៦ ថ្ងៃ ago
ក្រុមហ៊ុន Toyota ប្រគល់រថយន្ត៣គ្រឿងដែលទើបដំឡើងបាននៅកម្ពុជាជាលើកដំបូងនៅ ជូនសម្ដេចធិបតី
-
ព័ត៌មានជាតិ៥ ថ្ងៃ ago
នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
ព័ត៌មានអន្ដរជាតិ៣ ម៉ោង ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៣ ថ្ងៃ ago
បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ
-
ព័ត៌មានជាតិ៣ ថ្ងៃ ago
ពលរដ្ឋខេត្តបាត់ដំបងយ៉ាងច្រើនកុះករ សប្បាយខ្ញៀវខ្ញារពេល ព្រះអង្គ ចន្ទ មុនី និមន្តមកដល់ ដើម្បីប្រោះព្រំ
-
ព័ត៌មានអន្ដរជាតិ៦ ថ្ងៃ ago
រកឃើញសពមហាសេដ្ឋីអង់គ្លេស ដែលជួបសោកនាដកម្ម លិចទូកទេសចរណ៍