ព័ត៌មានជាតិ
ដើម្បីធ្វើការនៅប្រទេសជប៉ុនដោយស្របច្បាប់ ពលរដ្ឋត្រូវស្វែងយល់ពីនីតិវិធី ៦ចំណុចរបស់ក្រសួងការងារ
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានគូសបញ្ជាក់នៅថ្ងៃទី២៨ ខែសីហានេះថា ពលរដ្ឋដែលមានបំណងចង់ទៅធ្វើការនៅប្រទេសជប៉ុនដោយស្របច្បាប់ ដើម្បីទទួលបានអត្ថប្រយោជន៍ពេញលេញ និងកិច្ចគាំពារផ្សេងៗទៀតពីនិយោជក ចាំបាច់ត្រូវស្វែងយល់អំពីនីតិវិធីចំនួន ៦ចំណុចរបស់ក្រសួងការងារ និងបណ្តុះបណ្តាលវិជ្ជាជីវៈជាមុនសិន។
លោករដ្ឋលេខាធិការ បានគូសបញ្ជាក់ថា នីតិវិធីទាំង ៦មានដូចជា៖
ទី១. ការចុះឈ្មោះស្វែងរកការងារ៖ បេក្ខជនត្រូវមានអាយុចាប់ពី ១៨ ឆ្នាំឡើងទៅ, ភ្ជាប់មកជាមួយប្រវត្តិរូបសង្ខេប, អត្តសញ្ញាណប័ណ្ណសញ្ជាតិខ្មែរ, សំបុត្រកំណើត, សៀវភៅគ្រួសារ ឬសៀវភៅស្នាក់នៅ, រូបថត(ផ្ទៃស)។
ទី២. ការសម្ភាស និងចុះកិច្ចសន្យា៖ បេក្ខជនត្រូវសម្ភាសជាមួយនិយោជកជប៉ុន ឬសមាគមគ្រប់គ្រង, ចុះកិច្ចសន្យាសេវារការងារឱ្យធ្វើជាមួយទីភ្នាក់ងារជ្រើសរើសឯកជន។
ទី៣ មុនចេញដំណើរ៖ បេក្ខជនត្រូវទទួលបានការបណ្តុះបណ្តាលភាសាជប៉ុន និងជំនាញ, ត្រូវចុះបញ្ជិការកិច្ចសន្យាសេវារកការងារធ្វើនៅក្រសួងការងារ និងបណ្តុះបណ្តាលវិជ្ជាជីវៈ, ត្រូវមានកិច្ចសន្យាការងារជាមួយនិយោជក, មានប័ណ្ណពលករកម្ពុជាទៅធ្វើការនៅបរទេស(OCWC), មានលិខិតឆ្លងដែន, មានលិខិតអនុសាសន៍ ឬលិខិតបញ្ជាក់, មានលិខិតអនុញ្ញាតការងារ(COE), មានទិដ្ឋាការការងារដែលចេញដោយស្ថានទូតជប៉ុនប្រចាំនៅកម្ពុជា, បេក្ខជននឹងទទួលបានការណែនាំតម្រង់ទិសមុនចេញដំណើរ។
ទី៤ មុនពេលបំពេញការងារ៖ បេក្ខជនទទួលបានការបណ្តុះបណ្តាលស្តីពីច្បាប់ ទំនៀមទម្លាប់រស់នៅ ភាសាជប៉ុន និងការស្វែងរកអន្តរាគមន៍ពេលមានបញ្ហា នៅមជ្ឈមណ្ឌលនៃសមាគមគ្រប់គ្រង, មានបណ្ណអនុញ្ញាតស្នាក់នៅ, មានធានារ៉ាប់រង, បេក្ខជនត្រូវចូលធ្វើការស្របតាមកិច្ចសន្យាការងារ។
ទី៥ អំឡុងពេលបំពេញការងារ៖ កម្មសិក្សាការី ឬពលករជំនាញត្រូវអនុវត្តទៅតាមកិច្ចសន្យាព្រមព្រៀង និងលក្ខខណ្ឌការងារជាមួយនិយោជកជប៉ុន ដូចបានកំណត់ក្នុង «កិច្ចសន្យាការងារ»។
ទី៦ ការធ្វើមាតុភូមិនិវត្តន៍៖ កម្មសិក្សាការី ឬពលករជំនាញត្រូវទទួលលិខិតបញ្ជាក់ការងារពីនិយោជក, ទូទាត់ប្រាក់សោធននិវត្តន៍ និងអត្ថប្រយោជន៍ផ្សេងៗ, សមាគមគ្រប់គ្រងត្រូវជូនដំណឹងទៅអាជ្ញាធរមូលដ្ឋានមុនពេលកម្មសិក្សាការី-ពលករជំនាញ វិលត្រលប់មកប្រទេសកម្ពុជាវិញ, ទីភ្នាក់ងារជ្រើសរើសឯកជន ត្រូវរាយការណ៍អំពីការវិលត្រឡប់របស់កម្មសិក្សាការី-ពលករជំនាញ មកក្រសួងការងារ និងបណ្តុះបណ្តាលវិជ្ជាជីវៈ។
បន្ថែមពីនីតិវិធីនេះ លោករដ្ឋលេខាធិការ ក៏បានបញ្ជាក់ដែរថា ដំណើរការឯកសារមានរយៈពេលប្រមាណ ១២៧ ថ្ងៃ (ឯកសារគ្រប់គ្រាន់ និងត្រឹមត្រូវ)។ ករណីបេក្ខជន ឬពលករមានចម្ងល់ សូមទំនាក់ទំនងមកកាន់ប្រព័ន្ធ Hotline លេខ ១២៩៧ ឬ ១២៨៦ និងប្រព័ន្ធទូរសព្ទរបស់អនុព័ន្ធការងារអមស្ថានទូតព្រះរាជាណាចក្រកម្ពុជាប្រចាំប្រទេសជប៉ុនតាមរយៈលេខ ០៨០ ៣៣២ ៦១៦៨។
គួរបញ្ជាក់ថា គិតត្រឹមពាក់កណ្តាលឆ្នាំ២០២៤ កម្ពុជាបានបញ្ជូនពលករទៅធ្វើការនៅប្រទេសជប៉ុន មានចំនួនជាង ១៩ ០០០នាក់ (ស្រីជាង ៨ ៣០០នាក់។ ជាគោលនយោបាយរបស់រាជរដ្ឋាភិបាលកម្ពុជាក្នុងការបញ្ជូនពលករកម្ពុជាទៅធ្វើការនៅក្រៅប្រទេសនេះ បងប្អូនពលករ កម្មសិក្សាការីទាំងអស់នឹងទទួលបាននូវអត្ថប្រយោជន៍ផ្សេងៗតាមច្បាប់នៃប្រទេសទទួលនីមួយៗ។
ជារៀងរាល់ឆ្នាំ ពលករធ្វើការនៅក្រៅប្រទេស បានផ្ញើប្រាក់មកក្រុមគ្រួសារមានចំនួនសរុបប្រមាណជាង ២,៩ពាន់លានដុល្លារអាម៉េរិកក្នុងមួយឆ្នាំៗ ដែលទាំងនេះមិនត្រឹមតែជួយទ្រទ្រង់សេដ្ឋកិច្ចគ្រួសារប៉ុណ្ណោះទេ ប៉ុន្តែក៏បានចូលរួមចំណែកយ៉ាងច្រើនដល់សេដ្ឋកិច្ចជាតិទាំងមូលផងដែរ៕
កម្ពុជា រកបានពិន្ទុជាលើកដំបូងពី ម៉ាឡេស៊ី ក្នុងពេល៥៤ឆ្នាំ ក្រោយស្មើគ្នា ២-២
បាតុកម្មក្រុមជ្រុលនិយមនៅកូរ៉េខាងត្បូង ក្រោមលេសថ្ងៃសិទ្ធិមនុស្ស ១០ ធ្នូ គ្មានអ្នកចូលរួម បង្ហាញថា ពលរដ្ឋអស់ជំនឿលើក្រុមប្រឆាំង
លោក ហេង សួរ ៖ បើសិនកំពុងស្ថិតក្នុងស្ថានការណ៍សង្គ្រាម ពលរដ្ឋគ្មានឱកាសនិយាយអំពីសិទ្ធិមនុស្ស និងការអភិវឌ្ឍឡើយ
គណបក្សកាន់អំណាចកូរ៉េខាងត្បូង ថា លោក Yoon នឹងលាលែងតំណែង
នាយឧត្ដមសេនីយ៍ ឈិន ច័ន្ទពណ៌ អគ្គមេបញ្ជាការរង នៃកងយោធពលខេមរភូមិន្ទ ទទួលមរណភាព ក្នុងជន្មាយុ ៧២ ឆ្នាំ ដោយរោគាពាធ
Update៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
នាយឧត្ដមសេនីយ៍ ឈិន ច័ន្ទពណ៌ អគ្គមេបញ្ជាការរង នៃកងយោធពលខេមរភូមិន្ទ ទទួលមរណភាព ក្នុងជន្មាយុ ៧២ ឆ្នាំ ដោយរោគាពាធ
ការប្រយុទ្ធគ្នា ផ្ទុះឡើងហើយ! ក្រុមឧទ្ទាមស៊ីរី ចូលដល់រដ្ឋធានីដាម៉ាស និងរំដោះអ្នកទោស
បុរសម្នាក់ បើករថយន្តលឿន បុកម៉ូតូ ២ គ្រឿង កំពុងឆ្លងស្តុប ស្លាប់ម្នាក់ និងរបួសធ្ងន់ ២ នាក់
១១ ខែ ឆ្នាំនេះ ខ្យល់កន្ត្រាក់ បង្កឲ្យមនុស្សស្លាប់-របួស ៤៦ នាក់ និងប៉ះពាល់ផ្ទះជិត ៥ ពាន់ខ្នង
-
វប្បធម៌ ជំនឿ៤ ថ្ងៃ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ៤ ថ្ងៃ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
សេដ្ឋកិច្ច១ សប្តាហ៍ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ព័ត៌មានជាតិ៤ ថ្ងៃ ago«ភូមិទៀមលើ» មានប្រវត្តិជូរចត់ ចេញកើតពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
សន្តិសុខសង្គម២២ ម៉ោង agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
ព័ត៌មានអន្ដរជាតិ១ សប្តាហ៍ agoវៀតណាម អនុម័តគម្រោងផ្លូវរថភ្លើងល្បឿនលឿនតម្លៃ ៦៧ពាន់លានដុល្លារ
-
ព័ត៌មានអន្ដរជាតិ៥ ថ្ងៃ agoទឹកជំនន់នៅភាគខាងត្បូងថៃ រឹតតែធ្ងន់ ឯមនុស្សស្លាប់ កើនច្រើនឡើងៗ
-
ព័ត៌មានជាតិ៧ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន