ព័ត៌មានជាតិ

១ ឆ្នាំ នៃរដ្ឋាភិបាលនីតិកាលទី ៧ ក្រសួងការងារ រួមចំណែកលើកកម្ពស់ជីវភាពរស់នៅកម្មករ និងក្រុមគ្រួសារបានកាន់តែប្រសើរ

បានផុស

៥ ខែ មុន

នៅ

ថ្ងៃព្រហស្បតិ៍ ២៩ សីហា ២០២៤

ដោយ

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍នៅព្រឹកថ្ងៃទី ២៩ សីហា នេះថា រាជរដ្ឋាភិបាលនីតិកាលទី ៧ នៃរដ្ឋសភា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយក រដ្ឋមន្ត្រី នៃព្រះរាជាណាចក្រកម្ពុជា ក្រសួងការងារ និងបណ្តុះបណ្តាលវិជ្ជាជីវៈ បានចូលរួមចំណែកយ៉ាងសកម្ម ឆ្លើយតបប្រកបដោយប្រសិទ្ធភាពខ្ពស់ចំពោះកម្មវិធីនយោបាយ និងយុទ្ធសាស្ត្របញ្ចកោណ-ដំណាក់កាលទី ១ របស់រាជរដ្ឋាភិបាល សំដៅលើកកម្ពស់ជីវភាពរស់នៅ បង្កើនប្រាក់ចំណូល ការធានាលក្ខខណ្ឌការងារល្អប្រសើរ ការពង្រឹងសុខដុមនីយកម្មទំនាក់ទំនងវិជ្ជាជីវៈ: កិច្ចគាំពារសង្គម និងជំនាញបច្ចេកទេសនិងវិជ្ជាជីវៈ ជូនកម្មករ-និយោជិត ទាំងក្នុង និងក្រៅប្រព័ន្ធ និងក្រុមគ្រួសារ ដោយសម្រេចបានលទ្ធផលគួរជាទីមោទនៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កត្តា អ៊ន បានលើកឡើងរបាយការណ៍ស្តីពីលទ្ធផលការងាររបស់ក្រសួងការងារ និងបណ្តុះបណ្តាលវិជ្ជាជីវៈ នៃរាជរដ្ឋាភិបាលនីតិកាលទី ៧ នៃរដ្ឋសភា ចាប់ពីថ្ងៃទី ២៩ សីហា ២០២៣ ដល់ ២០ សីហា ឆ្នាំ ២០២៤ មកបញ្ជាក់ថា ក្រសួងការងារ បានខិតខំអនុវត្តដោយស្មារតីទទួលខុសត្រូវខ្ពស់ប្រកបដោយបុរេសកម្ម និងសម្រេចបាននូវលទ្ធផលរួមមាន ៖ ១.ប្រាក់ឈ្នួលអប្បបរមា

ចាប់ពីខែមករា ឆ្នាំ ២០២៤ ប្រាក់ឈ្នួលអប្បបរមារបស់កម្មករ-និយោជិតវិស័យវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូបបានកើនដល់ ២០៤ ដុល្លារអាមេរិក ក្នុងមួយខែ ហើយបើបូកបន្ថែមអត្ថប្រយោជន៍ជាកាតព្វកិច្ចផ្សេងទៀត ប្រាក់ឈ្នួលរបស់កម្មករ-និយោជិតទទួលបានតិចបំផុតចន្លោះពី ២២១ ដល់ ២៣២ ដុល្លារអាមេរិក ក្នុងមួយខែ។ ២.ការថែទាំសុខភាព បានអនុវត្ត “របបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់បុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស.” បើគិតត្រឹមថ្ងៃទី ២០ ខែសីហា ឆ្នាំ ២០២៤ នេះ សមាជិក ប.ស.ស. ផ្នែកថែទាំសុខភាពតាមរបបភាគទានដោយស្ម័គ្រចិត្តសរុបចំនួន ៤០៤ ៤៥៧ នាក់ និងអ្នកក្នុងបន្ទុក សមាជិក ប.ស.ស មានចំនួន ៨៧ ៩០៧ នាក់ និងបានធ្វើយុទ្ធនាការផ្សព្វផ្សាយចំនួន ៥ ០៨៨ លើក ឱ្យទទួលព័ត៌មានអំពីការអនុវត្តកម្មវិធីថ្មីនេះ ដល់ប្រជាជនប្រមាណ ១,៤ លាននាក់។ ចាប់ពីដើមឆ្នាំ ២០២៤ រហូតដល់ថ្ងៃទី ២០ ខែសីហា ឆ្នាំ ២០២៤ នេះ បេឡាជាតិសន្តិសុខសង្គម (ប.ស. ស.) នៃក្រសួងការងារ និងបណ្តុះបណ្តាលវិជ្ជាជីវៈ បានចុះឈ្មោះសមាជិករបបភាគទានដោយស្ម័គ្រចិត្តថ្មីបាន ចំនួន ៣០០ ១៦៧ នាក់ និងមានអ្នកទៅប្រើប្រាស់សេវាសរុបចំនួន ៣៨១ ៣២២ ដង និងចំណាយតាវកាលិក អស់ទឹកប្រាក់ប្រមាណ ២៥ ៩៣១ លានរៀល។ ៣.ការអប់រំបណ្តុះបណ្តាលជំនាញបច្ចេកទេស និងវិជ្ជាជីវៈ ក្រោយពីការដាក់ឱ្យអនុវត្តជាផ្លូវការ «កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ» ដោយមិនបង់ថ្លៃ និងទទួលបានប្រាក់ឧបត្ថម្ភប្រចាំខែ តាមអភិក្រម “រៀនឱ្យចប់ ឱ្យចេះ ឱ្យមានការងារ” ក្រសួងបានរៀបចំវិស័យចំនួន ១០ និងជំនាញអាទិភាពចំនួន ៤៥ មុខជំនាញ ដើម្បីឱ្យប្រជាពលរដ្ឋម្នាក់មានជំនាញមួយយ៉ាងតិចប្រចាំជីវិត និងអាចប្រកបមុខរបរការងារសម្រាប់ចិញ្ចឹមជីវិត។ គិតត្រឹមថ្ងៃទី ២០ ខែសីហា ឆ្នាំ ២០២៤ នេះ មានអ្នកចុះឈ្មោះចូលរៀនចំនួន ៥២ ៤០៦ នាក់, សិស្សកំពុងសិក្សាចំនួន ២៣ ២១៦ នាក់ (មានបណ្ណសមធម៌ ឬបណ្ណងាយរងហានិភ័យចំនួន ៩ ៣៩៩ នាក់) និងសិស្សបានបញ្ចប់ការសិក្សាមានចំនួន ៣ ៩១១ នាក់ (មានបណ្ណសមធម៌ ឬបណ្ណងាយរងហានិភ័យ ចំនួន ១ ៩១៣ នាក់) ក្នុងនោះ សិស្សបានចុះកម្មសិក្សាមានចំនួន ៤ ២៦១ នាក់ (មានបណ្ណសមធម៌ ឬបណ្ណ ងាយរងហានិភ័យចំនួន ២ ១៤៥ នាក់) ហើយទទួលបានការងារធ្វើមានចំនួន ១ ៧៣៨ នាក់ (មានបណ្ណសមធម៌ ឬបណ្ណងាយរងហានិភ័យចំនួន ៨៨៧ នាក់)។ ៤.កាតព្វកិច្ច នៃការហ្វឹកហ្វឺនកូនជាង គិតត្រឹមថ្ងៃទី ២០ ខែសីហា ឆ្នាំ ២០២៤ នេះ បានហ្វឹកហ្វឺនកូនជាងចំនួន ១២ ៦១២ នាក់ (ស្រី ៨ ៧៩៧ នាក់) និងធ្វើតេស្តកូនជាងចំនួន ៩ ៦៩៨ នាក់ (ស្រី ៦ ៧៩០ នាក់) ព្រមទាំងផ្តល់វិញ្ញាបនបត្របញ្ជាក់ ការហ្វឹកហ្វឺនកូនជាង ចំនួន ៩ ៦៩៨ នាក់ (ស្រី ៦ ៧៩០ នាក់)។ ៥.ការផ្តល់សាច់ប្រាក់ដល់ស្ត្រីមានផ្ទៃពោះ បានបង្កើនប្រសិទ្ធភាពក្នុងការអនុវត្តកម្មវិធីឧបត្ថម្ភសាច់ប្រាក់របស់រាជរដ្ឋាភិបាលសម្រាប់សមាជិក ប. ស.ស. ជាស្ត្រីមានផ្ទៃពោះ និងកុមារអាយុក្រោម ២ ឆ្នាំ។ គិតត្រឹមថ្ងៃទី ២០ ខែសីហា ឆ្នាំ ២០២៤ នេះ បាន ឧបត្ថម្ភថវិកាដល់កម្មការិនីជាស្ត្រីមានផ្ទៃពោះ និងកុមារអាយុក្រោម ២ ឆ្នាំ ចំនួន ៩៨ ២៣៤ នាក់ មានកូនចំនួន ៩៥ ១៧០ នាក់ ចំណាយថវិកាប្រមាណជា ៦៥,៤១ ប៊ីលានរៀល និងបានឧបត្ថម្ភថវិកាដល់កម្មការិនីជាស្ត្រី សម្រាលកូនសរុបចំនួន ៥៤៧ ៣១១ នាក់ មានកូនចំនួន ៥៣៣ ៥៦៦ នាក់ ចំណាយថវិកាសរុបចំនួន ២៥៥,៥៧ ប៊ីលានរៀល។ ៦.ការជំរុញចលនា “សហគ្រាសមួយជាសហគមន៍សុខសាន្តមួយ” បានបង្កើតគណៈកម្មការវាយតម្លៃ និងជ្រើសរើសសហគ្រាសមួយជាសហគមន៍សុខសាន្តមួយ ដើម្បី ជំរុញយុទ្ធនាការ “សហគ្រាសមួយជាសហគមន៍សុខសាន្តមួយ” សម្រាប់វិស័យវាយនភណ្ឌ កាត់ដេរ ផលិត ស្បែកជើង និងផលិតផលិតផលធ្វើដំណើរ និងកាបូប ប្រចាំឆ្នាំ ២០២៥ ដោយផ្អែកលើលក្ខណវិនិច្ឆ័យចំនួន ៨ គឺ (១). អនុលោមភាព នៃលក្ខខណ្ឌការងារ, (២). អនុលោមភាព នៃការប្រើប្រាស់កម្មករ-និយោជិតវ័យក្មេង, (៣). អនុលោមភាព នៃទំនាក់ទំនងវិជ្ជាជីវៈ, (៤). អនុលោមភាព នៃលក្ខខណ្ឌស្តីពីសុវត្ថិភាព និងសុខភាព ការងារ, (៥). អនុលោមភាព នៃរបបសន្តិសុខសង្គម, (៦). អនុលោមភាព នៃការប្រើប្រាស់កម្មករ-និយោជិត ជាជនពិការ, (៧). អនុលោមភាព នៃការអនុវត្តកម្មវិធីលើកកម្ពស់ផលិតភាពការងារ និង(៨). អនុលោមភាព នៃការអនុវត្តកម្មវិធីទទួលខុសត្រូវសង្គម។

លោក កត្តា អ៊ន បានបន្តថា ទន្ទឹមនឹងនេះ ការងារអាទិភាពទាំង ៤ ដែលក្រសួងការងារ និងបណ្តុះបណ្តាលវិជ្ជាជីវៈ ត្រូវអនុវត្តនៅក្នុងរយៈពេល ២ ឆ្នាំ (ឆ្នាំ ២០២៤ និងឆ្នាំ ២០២៥ មានដូចជាក្រសួងបានរៀបចំឯកសារសម្រាប់ដំណើរការបង្កើតទារកដ្ឋាន និងមត្តេយ្យសហគមន៍សម្រាប់កូនកម្មករ-និយោជិតដែលមានវិភាគអំពីតម្លៃសេវាទារកដ្ឋាន និងមត្តេយ្យ, ការព្យាករថវិកាចំណាយ (តម្លៃវិនិយោគ និងចំណាយប្រតិបត្តិ), ការកំណត់ទីតាំង, ការត្រៀមរៀបចំបញ្ជីសម្ភារៈ និងអ្នកមើលថែ, ការអង្កេតពីតម្រូវការ របស់កម្មករ-និយោជិត ព្រមទាំងបានរៀបចំសេចក្តីព្រាងគោលការណ៍ណែនាំស្តីពីការរៀបចំទារកដ្ឋានផងដែរ និង បានបើកកិច្ចប្រជុំប្រមូលធាតុចូលពីអង្គការពិភពកុមារ និងអភិវឌ្ឍន៍ និងធនាគារពិភពលោក (World Bank) និងបានចុះទស្សនកិច្ចសិក្សាស្តីពីការរៀបចំ និងបង្កើតទារកដ្ឋានសហគមន៍ជាមួយអង្គការ PE&D នៅខេត្ត កំពង់ស្ពឺ។ ក្រសួងបានប្រជុំពិភាក្សាជាមួយសមាគមនិយោជក នៅថ្ងៃទី ២៥ ខែកក្កដា ដើម្បីជំរុញការរៀបចំ ទារកដ្ឋាន និងមត្តេយ្យ សហគមន៍សម្រាប់កូនរបស់កម្មករ-និយោជិតឱ្យបានឆាប់រហ័សនិងកំពុងដំណើរការ សាងសង់ទារកដ្ឋានផងដែរ។ សហការជាមួយភាគីពាក់ព័ន្ធជំរុញការកែលម្អកន្លែងហូបបាយ ឬអាហារដ្ឋាននៅតាមរោងចក្រ សហគ្រាស ដែលកំពុងដំណើរការឱ្យបានសមរម្យសម្រាប់កម្មករ-និយោជិត និងតម្រូវឱ្យមានការរៀបចំកន្លែងហូបបាយ ឬអាហារដ្ឋានសម្រាប់រោងចក្រ សហគ្រាសដែលត្រូវបង្កើតថ្មី។ ក្រសួងបានសហការជាមួយ ក្រសួង រៀបចំដែនដី នគរូបនីយកម្ម និងសំណង់ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងអគ្គលេខាធិការដ្ឋានក្រុមប្រឹក្សាអភិវឌ្ឍន៍កម្ពុជា ដើម្បីកំណត់ស្តង់ដាររោងចក្រថ្មី ដែលនឹងបញ្ចូលលក្ខខណ្ឌតម្រូវ ក្នុងការរៀបចំកន្លែងហូបបាយ និងអាហារដ្ឋានផងដែរ។

ជាមួយគ្នានេះដែរ ក្រសួងចេញសេចក្តីសម្រេច ស្តីពីការបង្កើតសមាសភាពក្រុមការងារសុវត្ថិភាពចរាចរណ៍ផ្លូវគោក សម្រាប់គាំពារកម្មករ-និយោជិត, រៀបចំសិក្ខាសាលាស្តីពី “ការជំរុញការផ្លាស់ប្តូររថយន្តដឹកកម្មករ-និយោជិតឱ្យ ស្របតាមបទដ្ឋានបច្ចេកទេស និងផាសុកភាព” ដោយមានអ្នកចូលរួមសរុបប្រមាណ ៥០០ នាក់ និងបានពិនិត្យលើមធ្យោបាយដឹកជញ្ជូនកម្មករ-និយោជិតដែលមានការផ្លាស់ប្តូរស្របតាមបទដ្ឋានបច្ចេកទេស និងមាន ផាសុកភាព ដោយមានរថយន្តដឹកកម្មករប្រភេទដឹកអ្នកដំណើរចំនួន ១ ១២៩គ្រឿង នៃចំនួនរថយន្តដឹកកម្ម ករសរុបចំនួន ៣ ៣៣២ គ្រឿង ដែលក្រុមការងារបានធ្វើបច្ចុប្បន្នភាពក្នុងឆ្នាំ ២០២៤ នេះ។

ក្រសួងបានកំពុងជំរុញកម្មវិធីធ្វើតេស្តវាយតម្លៃសមត្ថភាពទទួលស្គាល់ជំនាញ ដើម្បីផ្តល់ឱកាសដល់កម្មករ-និយោជិត និងបុគ្គលសេដ្ឋកិច្ចក្រៅប្រព័ន្ធ ទាំងក្នុង និងក្រៅប្រទេស អាចស្នើសុំធ្វើតេស្តវាយតម្លៃផ្អែក លើសមត្ថភាពបញ្ជាក់កម្រិតជំនាញក្នុងការទទួលបានវិញ្ញាបនបត្រគុណវុឌ្ឍជាតិ។

ក្នុងឆមាសទី ១ ឆ្នាំ ២០២៤ នេះ ក្រសួងបានចុះបញ្ជីកាទទួលស្គាល់មជ្ឈមណ្ឌលវាយតម្លៃសមត្ថភាព នៃគ្រឹះស្ថាន អ.ប.វ. ចំនួន ២ និងកំពុងពិនិត្យសំណើចំនួន ៤ ក្នុងនោះ មានសំណើមកពីវិស័យឯកជនចំនួន ២ គឺក្រុមហ៊ុនគូបូតាកម្ពុជា និងវិទ្យាស្ថាន បណ្តុះបណ្តាលវិស័យកាត់ដេរនៅកម្ពុជា ដោយគិតដល់បច្ចុប្បន្នមានមជ្ឈមណ្ឌលវាយតម្លៃសមត្ថភាពចំនួន ១០ ទូទាំងប្រទេស ដោយបានធ្វើតេស្តវាយតម្លៃសមត្ថភាពបេក្ខជនចំនួន ២០០ នាក់ (ស្រី ៤២ នាក់) គិតពីខែមករា ដល់ខែមិថុនា ឆ្នាំ ២០២៤ នេះ។

លើសពីនេះទៀត ក្រសួង បានធ្វើបច្ចុប្បន្នភាពសហគ្រាស គ្រឹះស្ថាន តាមប្រព័ន្ធផ្ទាលផ្លាស់ប្ដូរទិន្នន័យកម្ពុជា CamDX និង ផ្ទាលទិន្នន័យ LACMS មានសហគ្រាសសរុបចំនួន ៤៤ ៤១៧ សហគ្រាស និងមានកម្មករ-និយោជិតសរុប ចំនួន ១ ៧៩២ ៧៩១ នាក់ (ស្រី ១ ០៧៤ ៩៧៩ នាក់) គិតត្រឹមឆមាសទី ១ ឆ្នាំ ២០២៤ ក្នុងនោះ វិស័យវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូបមានចំនួន ១ ៥៣៨ សហគ្រាស គ្រឹះស្ថាន និងមានកម្មករ-និយោជិតសរុបចំនួន ៩១៣ ០១៧ នាក់ ដោយបានប្រាក់ឈ្នួលប្រចាំឆ្នាំប្រមាណ ២,៨៨ ពាន់លានដុល្លារអាមេរិក និងវិស័យក្រៅពីកាត់ដេរមានចំនួន ៤២ ៨៧៩ សហគ្រាស គ្រឹះស្ថាន និង មានកម្មករ-និយោជិតសរុបចំនួន ៨៧៩ ៧៧៤ នាក់ ដោយបានប្រាក់ឈ្នួលប្រចាំឆ្នាំប្រមាណ ២,៦៤ ពាន់លាន ដុល្លារអាមេរិក ដែលមានការកើនឡើង បើធៀបនឹងឆមាសទី ១ ឆ្នាំ ២០២៣។

ទន្ទឹមនឹងនេះ ចំពោះអង្គការវិជ្ជាជីវៈ ក្រសួង បានបន្តការលើកម្ពស់សិទ្ធិសេរីភាពរបស់កម្មករ-និយោជិត និងនិយោជក ដោយក្នុងឆមាសទី ១ ឆ្នាំ ២០២៤ នេះ បានបន្តចុះបញ្ជីសហជីពមូលដ្ឋាន បានចំនួន ១០២ ដែលធ្វើឱ្យអង្គការវិជ្ជាជីវៈបានកើតឡើង ៦ ៣៧៤ ក្នុងនោះ សហភាពសហជីពមានចំនួន ៤២, សហព័ន្ធសហជីពមានចំនួន ២៨០, សហជីពមូលដ្ឋាន មានចំនួន ៦ ០៤០, និងសមាគមនិយោជកមានចំនួន ១២។

គិតត្រឹមថ្ងៃទី ១ ខែសីហា ឆ្នាំ ២០២៤ នេះ អង្គការវិជ្ជាជីវៈដែលបានចុះបញ្ជីសរុបមានចំនួន ៦ ៣៩៦ ក្នុងនោះរួមមាន ៖ សហជីពមូលដ្ឋានមានចំនួន ៦ ០៦២ សហព័ន្ធសហជីពមានចំនួន ២៨០ សហភាពសហជីពមានចំនួន ៤២ និងសមាគមនិយោជកមានចំនួន ១២។

ចំណែកអធិការកិច្ចការងារក្រសួងបានអនុវត្តប្រព័ន្ធស្វ័យប្រកាសអធិការកិច្ចការងារ ដោយចុះអធិការកិច្ចការងារសរុបចំនួន ៤ ៩៩២ លើក ក្នុងនោះ អធិការកិច្ចការងារសាមញ្ញចំនួន ៤ ៧៤៧ លើក, អធិការកិច្ចតាមដានការដាក់កំហិត ចំនួន ៦២ លើក, អធិការកិច្ចការងារពិសេសចំនួន ១៨៣ លើក និងបានដាក់កំហិតចំនួន ១១១ សហគ្រាស។ សម្រាប់វិស័យកាត់ដេរ ចំនួនសហគ្រាស គ្រឹះស្ថានដែលស្ថិតនៅក្នុងអនុវិស័យកាត់ដេរមានចំនួនច្រើនជាងគេ (១) ១៦០ សហគ្រាស គ្រឹះស្ថាន) និងមានចំនួនកម្មករ-និយោជិតធ្វើការក្នុងអនុវិស័យកាត់ដេរនេះច្រើនជាងគេ ដែរ (៦០៣ ៨៧២ នាក់) ក្នុងចំណោម អនុវិស័យ ២ ផ្សេងទៀត (ស្បែកជើង និងកាបូប)។ ទន្ទឹមនឹងនេះ ក្រៅពី វិស័យកាត់ដេរ ចំនួនសហគ្រាស គ្រឹះស្ថានដែលមានសេវាស្នាក់នៅ និងអាហារ (៥,៣៩០ សហគ្រាស គ្រឹះស្ថាន) មានចំនួនច្រើនជាងអនុវិស័យ ៥ ផ្សេងទៀត បន្ទាប់ពីចំនួនសហគ្រាស គ្រឹះស្ថាននៅក្នុងអនុវិស័យផ្សេងៗ ចំនួន ៦២ លើក, អធិការកិច្ចការងារពិសេសចំនួន ១៨៣ លើក និងបានដាក់កំហិតចំនួន ១១១ សហគ្រាស។ សម្រាប់វិស័យកាត់ដេរ ចំនួនសហគ្រាស គ្រឹះស្ថានដែលស្ថិតនៅក្នុងអនុវិស័យកាត់ដេរមានចំនួនច្រើនជាងគេ (១ ១៦០ សហគ្រាស គ្រឹះស្ថាន) និងមានចំនួនកម្មករ-និយោជិតធ្វើការក្នុងអនុវិស័យកាត់ដេរនេះច្រើនជាងគេ ដែរ (៦០៣ ៨៧២ នាក់) ក្នុងចំណោម អនុវិស័យ ២ ផ្សេងទៀត (ស្បែកជើង និងកាបូប)។ ទន្ទឹមនឹងនេះ ក្រៅពីវិស័យកាត់ដេរ ចំនួនសហគ្រាស គ្រឹះស្ថានដែលមានសេវាស្នាក់នៅ និងអាហារ (៥,៣៩០ សហគ្រាស គ្រឹះស្ថាន) មានចំនួនច្រើនជាងអនុវិស័យ ៥ ផ្សេងទៀត បន្ទាប់ពីចំនួនសហគ្រាស គ្រឹះស្ថាននៅក្នុងអនុវិស័យផ្សេងៗ ដែលមានចំនួនច្រើនជាងគេបង្អស់ (៣០ ០៣១ សហគ្រាស គ្រឹះស្ថាន) និងមានចំនួនកម្មករ-និយោជិត ធ្វើការក្នុងអនុវិស័យហិរញ្ញវត្ថុ និងធានារ៉ាប់រងច្រើនជាងអនុវិស័យ ៥ ផ្សេងទៀតផងដែរ (១០៦ ៨៦៥ នាក់)។ តាមរយៈការចុះអធិការកិច្ចការងារនេះ ពិនិត្យឃើញថា អត្រាសហគ្រាស គ្រឹះស្ថានដែលអនុលោមតាមច្បាប់ និងលិខិតបទដ្ឋានទាក់ទងនឹងវិស័យការងារមានអត្រាខ្ពស់ដល់ ៩៧,៧៨% ។ រីឯការដោះស្រាយវិវាទការងារវិញក្នុងឆមាសទី ១ ឆ្នាំ ២០២៤ នេះ ក្រសួងបានដោះស្រាយវិវាទការងារសរុបចំនួន ៧៣១ ករណី ដោយក្នុងនោះ សះជាចំនួន ៦៣០ ករណី។ ទន្ទឹមនេះ តាមរយៈការដោះស្រាយសះជា នៃវិវាទការងារ អត្រាសះជាមានការកើនឡើងពី ៤៧.៧៨% នៅឆមាសទី ១ ឆ្នាំ ២០២២ ទៅ ៨៦.១៨% នៅឆមាសទី ១ ឆ្នាំ ២០២៤ នេះ។

ទន្ទឹមគ្នានេះជីវភាពរស់នៅរបស់កម្មករ-និយោជិត ត្រូវបានគិតគូរ និងលើកកម្ពស់កាន់តែប្រសើរឡើង ជាបន្តបន្ទាប់ ដែលឆ្លុះបញ្ចាំងតាមរយៈការដំឡើងប្រាក់ឈ្នួលអប្បបរមាជាបន្តបន្ទាប់ ដែលបានកើនពី ៤០ ដុល្លារអាមេរិក នៅឆ្នាំ ១៩៩៧ ដល់ ២០៤ ដុល្លារអាមេរិក នៅឆ្នាំ ២០២៤ (សូមមើលរូបភាពទី២.១.៦) ព្រមជាមួយការផ្តល់ប្រាក់អត្ថប្រយោជន៍ជាកាតព្វកិច្ចផ្សេងៗ ចំនួន ១៧ ដុល្លារអាមេរិក ទៅ ២៨ ដុល្លារអាមេរិក ដែលធ្វើឱ្យកម្មករ-និយោជិតអាចទទួលបានជាប្រាក់ឈ្នួលចន្លោះពី ២២១ ទៅ ២៣២ដុល្លារអាម៉េរិក យ៉ាងតិចក្នុងមួយខែ ដោយមិនទាន់គិតពីអត្ថប្រយោជន៍ពី ប.ស.ស.។ បើប្រៀបធៀបប្រាក់ឈ្នួលអប្បបរមានៅ កម្ពុជាក្នុងឆ្នាំ ២០២៤ មានប្រទេសមួយចំនួនក្នុងតំបន់មានប្រាក់ឈ្នួលអប្បបរមាទាបជាងកម្ពុជា ដូចជាប្រទេសវៀតណាមមានចំនួនចន្លោះពី ១៤៣ ដុល្លារអាមេរិក ទៅ ២០៦ ដុល្លារអាមេរិក, ប្រទេសស្រីលង្កា ៥៧ ដុល្លារអាមេរិក, ប្រទេសបង់ក្លាដែស ១១២ ដុល្លារអាមេរិក, ប្រទេសមីយ៉ាន់ម៉ា ៨៣ ដុល្លារអាមេរិក និងប្រទេសឡាវ ៧៦ ដុល្លារអាមេរិកប៉ុណ្ណោះ។

ក្រសួង ក៏បានយកចិត្តទុកដាក់ក្នុងការពង្រឹងស្ថាប័នទីផ្សារការងារតាមរយៈការពង្រឹងប្រសិទ្ធភាពយន្តការសម្របសម្រួលទីផ្សារការងារ ការពង្រីកវិសាលភាព នៃការផ្តល់សេវាការងារ និងព័ត៌មានទីផ្សារការងារ ដោយបានបង្កើនមជ្ឈមណ្ឌលការងារដល់ចំនួន ១៤ និងមជ្ឈមណ្ឌលការងារចល័តចំនួន ៥, បានដាក់ឱ្យអនុវត្តផ្ទាលឌីជីថលសេវាការងារព្រមទាំងរៀបចំ “វេទិកាការងារ ថ្នាក់ជាតិ និងនៅតាមមូលដ្ឋាន ដោយបានផ្តល់សេវាជួយស្វែងរកការងារ ចំនួន ១៧ ៥៣៥ នាក់ ផ្គូផ្គងការងារ ចំនួន ១៩ ៣៥៧ ដង ដែលក្នុងនោះ អ្នកទទួលបានការងារមានចំនួន ៣ ៣៨០ នាក់ ប្រមូល និងផ្សព្វផ្សាយព័ត៌មានឱកាសការងារបានចំនួន ២០៨ ៩៩៣ កន្លែង និងផ្តល់ប្រឹក្សាការងារដល់ប្រជាជនសរុបចំនួន ២៤ ៩៩២ នាក់៕

អត្ថបទ ៖ សំអឿន