ព័ត៌មានជាតិ

អភិបាលខណ្ឌឫស្សីកែវ ចុះពិនិត្យសាឡង់បន្តស្ដារសម្អាតព្រែកអូវែងរំដោះទឹកជន់លិចក្នុងរដូវភ្លៀង

បានផុស

៥ ខែ មុន

នៅ

ថ្ងៃព្រហស្បតិ៍ ២៩ សីហា ២០២៤

ដោយ

លោក ជិន ប៊ុនធឿន អភិបាលខណ្ឌឫស្សីកែវ បានដឹកនាំកម្លាំងជំនាញចុះពិនិត្យសាឡង់បន្តស្ដារសម្អាតព្រែកអូវែង ដើម្បីសម្រួលឲ្យប្រព័ន្ធបង្ហូរទឹករបស់ព្រែកមួយនេះរំដោះទឹកបានយ៉ាងរលូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ២៨ ខែសីហា ឆ្នាំ ២០២៤ លោកអភិបាលខណ្ឌ បានចុះពិនិត្យការស្ដារប្រឡាយដ៏សំខាន់នេះ ដើម្បីបញ្ចៀសពីការជន់លិចនៅរដូវវស្សា បើកមុខផ្ទៃប្រឡាយឲ្យធំ និងធ្វើឲ្យជម្រៅប្រឡាយជ្រៅ អាចស្តុកទឹកក្នុងបរិមាណច្រើន។ ដូចនេះ ពេលមានភ្លៀងធ្លាក់ខ្លាំង ឬត្រូវទទួលរងទឹកហូរធ្លាក់ ក៏ទឹកអាចហូរបានដោយរលូន មិនបង្កការរាំងស្ទះចរន្តទឹកហូរ ឬបង្កការលិចលង់ប៉ះពាល់ដល់ប្រជាពលរដ្ឋក្នុងមូលដ្ឋាននោះឡើយ។ ទាំងនេះបញ្ជាក់ឲ្យឃើញពីការយកចិត្តទុកដាក់សុខទុក្ខរបស់ប្រជាពលរដ្ឋជួបការលំបាកនៅក្នុងមូលដ្ឋាន។

លោកអភិបាលខណ្ឌ បានសំណូមពរទៅដល់ប្រជាពលរដ្ឋឲ្យជួយថែរក្សាអនាម័យ ទុកដាក់កាកសំណល់សំរាមត្រឹមត្រូវ ជៀសវាងភ្លៀងធ្លាក់មកម្ដងៗ អាចមានកាកសំណល់ហូរតាមទឹកធ្វើឲ្យជន់លិច។

សូមបញ្ជាក់ថា បច្ចុប្បន្នរដ្ឋាភិបាល ក៏ដូចជាមន្ទីរសាធារណការ និងដឹកជញ្ជូនរាជធានីភ្នំពេញ បានបន្តយកចិត្តទុកដាក់យ៉ាងខ្លាំង និងកំពុងមមាញឹកផងដែរ គ្រប់បណ្ដាលមូលដ្ឋានខណ្ឌមួយចំនួនក្នុងរាជធានីភ្នំពេញ ក្នុងការស្ដារប្រឡាយ ប្ដូរប្រព័ន្ធលូជាដើម ដើម្បីកាត់បន្ថយការជន់លិចពេលមានភ្លៀងធ្លាក់ម្ដងៗ៕

អត្ថបទ ៖ ម៉េង