ព័ត៌មានជាតិ

ភាពរីកចម្រើនវិស័យកសិឧស្សាហកម្មចំណីអាហារ ជួយជំរុញទាំងសេដ្ឋកិច្ចជាតិ និងសន្តិសុខស្បៀង

បានផុស

៥ ខែ មុន

នៅ

ថ្ងៃព្រហស្បតិ៍ ២៩ សីហា ២០២៤

ដោយ

លោក ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអះអាងថា ភាពរីកចម្រើននៅក្នុងវិស័យកសិឧស្សាហកម្ម និងឧស្សាហកម្មចំណីអាហារ មិនត្រឹមតែជួយជំរុញសេដ្ឋកិច្ចដល់កម្ពុជាប៉ុណ្ណោះទេ ប៉ុន្តែនឹងចូលរួមធានាបាននូវសន្តិសុខស្បៀងក្នុងសង្គមជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា មានប្រសាសន៍ថា ភាពរីកចម្រើនក្នុងវិស័យកសិឧស្សាហកម្ម និងឧស្សាហកម្មចំណីអាហារ ក៏ដូចជាការវិនិយោគក្នុងវិស័យទាំងពីរនេះ មិនត្រឹមតែជួយជំរុញដល់សេដ្ឋកិច្ចកម្ពុជា ដែលជាប្រទេសកសិកម្មប៉ុណ្ណោះទេ ប៉ុន្តែ វានឹងចូលរួមធានាបាននូវសន្តិសុខស្បៀង ក្នុងសង្គមជាតិផងដែរ។

ក្នុងជំនួបពិភាក្សាការងារជាមួយប្រធានក្រុមប្រឹក្សាធុរកិច្ច កាណាដា-អាស៊ាន (Canada-ASEAN Business Council – CABC) លោកឧបនាយករដ្ឋមន្ត្រី ក៏បានលើកយកនូវបច្ចុប្បន្នភាពនៃបរិយាកាសវិនិយោគនៅកម្ពុជា មកជជែកពិភាក្សាផងដែរ ដោយបានផ្តោតជាពិសេសទៅលើលទ្ធភាព និងឱកាសនៃការវិនិយោគក្នុងវិស័យកសិឧស្សាហកម្ម ឧស្សាហកម្មចំណីអាហារ និងខ្សែច្រវាក់ផលិតកម្មផ្គត់ផ្គង់នានា ដែលមានភាពពាក់ព័ន្ធ។

កាលពីថ្ងៃទី២៨ ខែសីហា ឆ្នាំ២០២៤ លោក ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានទទួលជួបពិភាក្សាការងារជាមួយប្រធានក្រុមប្រឹក្សាធុរកិច្ច កាណាដា-អាស៊ាន (Canada-ASEAN Business Council – CABC) ដើម្បីពិនិត្យលទ្ធភាពនិងឱកាសនៃការវិនិយោគក្នុងវិស័យកសិឧស្សាហកម្ម៕

Related Topics:លោក ស៊ុន ចាន់ថុល