ព័ត៌មានជាតិ

អាជ្ញាធរជាតិប្រយុទ្ធប្រឆាំងគ្រឿងញៀននិងអាជ្ញាធរខេត្តកំពង់ចាមពិភាក្សា លើការផ្សព្វផ្សាយជំរុញការទាញយកនិងប្រើប្រាស់App NoDrug

បានផុស

៤ ខែ មុន

នៅ

ថ្ងៃសុក្រ ៣០ សីហា ២០២៤

ដោយ

កំពង់ចាម ៖ ល្ងាចថ្ងៃទី៣០ ខែសីហា ឆ្នាំ២០២៤ នៅសាលប្រជុំរដ្ឋបាលខេត្តកំពង់ចាមក្រុមការងារអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀនដឹកនាំដោយឧត្តមសេនីយ៍ឯក លឹម តុងហួត និងក្រុមការងារលេខាធិការដ្ឋានគណៈកម្មាធិការត្រួតពិនិត្យគ្រឿងញៀនខេត្តកំពង់ចាមដឹកនាំដោយលោក ខ្លូត ចិន្តា ក្នុងគោលបំណង ពង្រឹងការងារផ្សព្វផ្សាយអប់រំអំពីបញ្ហាគ្រឿងញៀននិងពិភាក្សាការងារផ្សព្វផ្សាយពីការងារជំរុញការទាញយកនិងប្រើប្រាស់ App NoDrug របស់អាជ្ញាធរជាតិប្រយុទ្ធប្រឆាំងគ្រឿងញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមលោក អ៊ុន ចាន់ដា អភិបាលខេត្ត ក្នុងឱកាសនោះ លោក ខ្លូត ចិន្តា អភិបាលរងនិងជាប្រធានលេខាធិការដ្ឋានគណៈកម្មាធិការត្រួតពិនិត្យគ្រឿងញៀនខេត្តកំពង់ចាម បានមានប្រសាសន៍ថ្លែងអំណរគុណដល់អគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀនដែលបានបញ្ជូនក្រុមការងារមកប្រជុំពិភាក្សាការងារនិងបានរាយការណ៍លទ្ធផលការងារប្រយុទ្ធប្រឆាំងគ្រឿងញៀនក្នុងការងារផ្សព្វផ្សាយរយៈពេល៦ខែឆ្នាំ២០២៤មានចំនួន៣៨៧៨លើកលើចំនួនជាង២៥៧ពាន់នាក់ និងបានផ្សព្វផ្សាយApp Nodrug តាមប្រព័ន្ធសង្គមទៅមន្ទីរអង្គភាព រដ្ឋបាលក្រុង ស្រុក និងបានរៀបផែនការសកម្មភាពនឹងចុះផ្សព្វផ្សាយ ទាញយកApp Nodrug ផ្ទាល់លើគោលដៅបី៖មានមន្ត្រីរាជការ អប់រំ និងវេទិកាសាធារណៈជាមួយប្រជាពលរដ្ឋ។

ក្នុងនាមលោក នាយឧត្តមសេនីយ៍ មាស វិរិទ្ធ អគ្គលេខាធិការ ក្នុងឱកាសនោះ ឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយ អប់រំ និងទំនាក់ទំនងសាធារណៈបានពាំនាំការសួរសុខទុក្ខ អរគុណ កោតសរសើរ ពីលោកសន្តិបណ្ឌិត នេត សាវឿន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀនចំពោះការចូលរួមគាំទ្រអនុវត្តផែនការស្តីពីយុទ្ធនាការប្រយុទ្ធប្រឆាំង គ្រឿងញៀនខុសច្បាប់លើកទី៩ ទទួលបានផ្លែផ្កាល្អ។

ក្នុងប្រជុំនោះ ក្រុមការងារទាំងពីរបានពិភាក្សាពីគោលការណ៍សំខាន់ៗ ពាក់ព័ន្ធនឹងការងារផ្សព្វផ្សាយអប់រំពីបញ្ហាគ្រឿងញៀន យន្តការនិងវិធានការសម្រាប់ជំរុញការងារផ្សព្វផ្សាយអប់រំអំពីបញ្ហាគ្រឿងញៀន កម្មវិធី App NoDrugនិងបានពិភាក្សាពីយន្តការនិងវិធានការសម្រាប់ផ្សព្វផ្សាយជំរុញការទាញយកនិងប្រើប្រាស់App NoDrug ពិសេសលើគោលដៅទាំងបី ដែលបានលើកឡើងដោយលេខាធិការដ្ឋានគណៈកម្មាធិការត្រួតពិនិត្យគ្រឿងញៀនខេត្តកំពង់ចាម៕