ព័ត៌មានជាតិ
លោកបណ្ឌិត លី ធុជ ជួបពិភាក្សាជាមួយ លោកបណ្ឌិត Ale Musar ស្វាមីលោកជំទាវប្រធានាធិបតីនៃប្រទេសស្លូវើនៀ
លោកបណ្ឌិត លី ធុជ អនុប្រធានទី១ អាជ្ញាធរមីន បានជួបពិភាក្សាក្រៅផ្លូវការជាមួយ លោកបណ្ឌិត Ale Musar ស្វាមីលោកជំទាវប្រធានាធិបតីនៃប្រទេសស្លូវើនៀ នាថ្ងៃទី២៩ ខែសីហា ឆ្នាំ២០២៤។ កិច្ចជំនួបនេះ ធ្វើឡើងក្រៅកម្មវិធីបិទសន្និសីទថ្នាក់តំបន់អ៊ឺរ៉ុប ស្តីពីការពង្រីកកិច្ចសហប្រតិបត្តិការ និងការអនុវត្តកិច្ចសង្គ្រោះជនរងគ្រោះដោយសារមីននៅទីក្រុង Ljubljana ប្រទេសស្លូវើនៀ។
លោកបណ្ឌិត Ale Musar បានកោតសរសើរចំពោះកម្ពុជា ដែលបានរួចចាកផុតពីប្រទេសដែលខ្ទេចខ្ទាំដោយសង្គ្រាមរ៉ាំរ៉ៃ មកជាប្រទេសទទួលបានសុខសន្តិភាពពេញលេញ ស្ថេរភាព និងមានការអភិវឌ្ឍលើគ្រប់វិស័យ។
លោកបណ្ឌិត Ale Musar បានវាយតម្លៃខ្ពស់ចំពោះកិច្ចខិតខំប្រឹងប្រែង និងភាពជោគជ័យរបស់កម្ពុជាលើវិស័យសកម្មភាពមីន ហើយបានធ្វើឱ្យប្រទេសកម្ពុជាដែលមានជនរងគ្រោះច្រើនជាងគេ មកជាប្រទេសដែលបានកាត់បន្ថយអត្រាគ្រោះថ្នាក់ដោយសារមីន និងសំណល់ជាតិពីផ្ទុះសង្គ្រាម ឱ្យស្ថិតនៅក្នុងកម្រិតទាបបំផុត ជាពិសេសរួមចំណែកក្នុងការលើកកម្ពស់ជីវភាពរស់នៅរបស់ប្រជាជនកម្ពុជាតាមមូលដ្ឋាន ឱ្យកាន់តែប្រសើរឡើង តាមរយៈការងារបោសសម្អាតមីន។
លោកបណ្ឌិត Ale Musar បានកោតសរសើរចំពោះការដឹកនាំ និងគាំទ្រភាពជាប្រធានរបស់កម្ពុជា និងម្ចាស់ផ្ទះរៀបចំកិច្ចត្រួតពិនិត្យឡើងវិញលើកទី៥ នៃអនុសញ្ញាអូតាវ៉ា ហើយឯកឧត្ដមនឹងដឹកនាំគណ:ប្រតិភូនៃប្រទេសស្លូវើនៀ ដើម្បីចូលកិច្ចប្រជុំកំពូលនៅខេត្តសៀមារាប ក្នុងខែវិច្ឆិកា ឆ្នាំ២០២៤ ខាងមុខ ព្រមទាំងបានជូនពរឱ្យកម្ពុជាទទួលបានជោគជ័យសម្រាប់ការរៀបចំកិច្ចប្រជុំជាប្រវត្តិសាស្ត្រនេះ។
ជាការឆ្លើយតប លោកបណ្ឌិត លី ធុជ បានកោតសរសើរ និងថ្លែងអំណរគុណចំពោះប្រទេសស្លូវើនៀដែលបានធ្វើជាម្ចាស់ផ្ទះរៀបចំសន្និសីទថ្នាក់តំបន់អ៊ឺរ៉ុប ស្តីពីការបង្កើនកិច្ចសហប្រតិបត្តិការ និងការអនុវត្តកិច្ចសង្គ្រោះជនរងគ្រោះដោយសារមីន និងសំណល់ជាតិផ្ទុះពីសង្គ្រាម នៅទីក្រុង Ljubljana។ សន្និសីទថ្នាក់តំបន់នេះ គឺជាផ្នែកមួយដើម្បីជួយជំរុញ និងគាំទ្រដល់ភាពជោគជ័យរបស់កម្ពុជាក្នុងការធ្វើជាប្រធានដឹកនាំអនុសញ្ញាអូតាវ៉ាឆ្នាំ២០២៤។
ជាមួយគ្នានោះ លោកបណ្ឌិត លី ធុជ បានស្នើលើកទឹកចិត្តដល់ប្រជាជនស្លូវើនៀ អញ្ជើញមកទស្សនាប្រទេសកម្ពុជា និងចូលរួមស្វែងយល់អំពីវិស័យទេសចរណ៍ និងវប្បធម៌របស់កម្ពុជា៕
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
ឌីជេ ក្តិប បំផុសអ្នកសិល្បៈជួយសង្រ្កាន្តតាមវិទ្យាល័យដោយពុំគិតប្រាក់កម្រៃ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ