សមិទ្ធផល​ថ្មី​នាឡិកាកម្ពស់ ៣៥ ម៉ែត្រ នៅខេត្តកំពត ទទួលការ​សរសើរ​ពីនាយករដ្ឋមន្រ្តី​កម្ពុជា

សម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានថ្លែងកោតសរសើរចំពោះរដ្ឋបាលខេត្តកំពតដែល​បានខិតខំបង្កើត​សមិទ្ធផលថ្មីនាឡិកាដ៏ធំបន្ថែមពីរូបសំណាកសេះសមុទ្រ ដើម្បីរួមចំណែកក្នុងការលើកកម្ពស់ទេសចរណ៍ទាំងក្នុងស្រុក និងក្រៅស្រុក មកទស្សនានៅខេត្តកំពត ។

នៅថ្ងៃទី៣០ ខែសីហាម្សិលមិញនេះ សម្ដេចធិបតី ហ៊ុន ម៉ាណែត បានឱ្យដឹងថា បន្ទាប់ពីរូបសំណាកត្រីសេះសមុទ្រនាឡិកាដ៏ធំមានកម្ពស់ខ្ពស់ជាងនៅកម្ពុជាមួយទៀត​ បានក្លាយជា​ជា​សមិទ្ធផលថ្មី​មួយ​ទៀត ដែលបានផ្តល់ភាពទាក់ទាញ និងលើកកម្ពស់វិស័យទេសចរណ៍នាខេត្តជាប់សមុទ្រខេត្តកំពត។

សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានកោតសរសើរដល់រដ្ឋបាលខេត្តកំពត ដែលបានខិតខំបង្កើតសមិទ្ធផលថ្មី រួមចំណែកក្នុងការលើកកម្ពស់ទេសចរណ៍ទាំងក្នុងស្រុក និងក្រៅស្រុក ហើយបន្ថែមជាជម្រើសសម្រាប់មហាជនអញ្ជើញទៅទស្សនា។

នាឡិកាខ្នាតធំ មានកម្ពស់ ៣៥ម៉ែត្រ មុខនាឡិកាមានទំហំអង្កត់ផ្ចិត ៩,៧០ ម៉ែត្រ មានរេចនាបទបែបខ្មែរ បានសាងសង់ឡើងនៅទីតាំងភូមិតាអង្គ សង្កាត់ត្រើយកោះ ក្រុងកំពត ខេត្តកំពត ដើម្បីទាក់ទាញភ្ញៀវទេសចរទាំងជាតិ និងអន្តរជាតិមកលេងកម្សាន្ត ក្នុងខេត្តកំពត កាន់តែច្រើនឡើងបន្ថែមទៀត។

ក្រោមការដឹកនាំ និងកិច្ចចង្អុលការផ្ទាល់របស់ ឯកឧត្តមបណ្ឌិត ម៉ៅ ធនិន អភិបាលខេត្តកំពត ខេត្ត មានការអភិវឌ្ឍរីកចម្រើន យ៉ាងឆាប់រហ័ស ទាំងហេដ្ឋារចនាសម្ព័ន្ធផ្លូវក្នុងក្រុង ពិសេស លោកអភិបាលខេត្ត បានចាត់ទុកវិស័យទេសចរណ៍ ជាវិស័យចម្បង និងត្រូវអភិវឌ្ឍន៍មុនគេ៕

អត្ថបទ៖ សឹង រ៉ាត់