ព័ត៌មានជាតិ
ស្រូវ ២១៧ហិកតា នៅឃុំអណ្តូងទឹក មានសភាពល្អប្រសើរឡើងវិញ ក្រោយអស់សត្វល្អិតចង្រៃ
ស្រូវស្រែរបស់ប្រជាពលរដ្ឋប្រមាណ ២១៧ហិកតា នៅភូមិជីមាល ឃុំអណ្តូងទឹក ស្រុកបូទុមសាគរ មានសភាពល្អប្រសើរឡើងវិញប្រមាណ៥០% ក្រោយបញ្ចប់សត្វមមាចត្នោត សត្វសង្កើចខ្មៅ និងកង្វះប្រភទទឹកស្រោចស្រព។

លោកស្រី អ៊ី នារីនេត អភិបាលរងខេត្តកោះកុង បានឱ្យដឹងនៅថ្ងៃទី០១ ខែកញ្ញា ឆ្នាំ២០២៤ នេះថាកន្លងទៅ ប្រជាពលរដ្ឋភូមិជីមាល ឃុំអណ្តូងទឹកចំនួន ៨២គ្រួសារ បានរងប៉ះពាល់ការផុសជាតិប្រៃពីក្នុងដី និងសត្វមមាចត្នោត សត្វសង្កើចខ្មៅ ក៏ដូចជាកង្វះទឹកធ្វើកសិកម្ម ទើបបណ្តាលឱ្យស្រូវប្រែស្លឹកលឿងរិចរឹល។ យ៉ាងណាមិញ លោកស្រី អភិបាលរងខេត្ត អះអាងថា បន្ទាប់ពីមានភ្លៀងធ្លាក់ ២-៣ថ្ងៃកន្លងមកនេះ សភាពស្រូវក្នុងស្រែបច្ចុប្បន្នបានល្អប្រសើរប្រមាណ៥០% ដោយស្រូវរបស់ពលរដ្ឋមានសភាពខៀវខ្ចីលូតលាស់ល្អឡើងវិញ។
ចំណែក លោកស្រី ឯម សុធារ៉ា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តកោះកុង ធ្លាប់បានបញ្ជាក់ដែរថា លោកស្រី បានចាត់មន្ត្រីជំនាញរបស់មន្ទីរ ណែនាំដល់កសិករម្ចាស់ស្រែរង់ចាំពេលមានទឹកភ្លៀងធ្លាក់លាងច្រោះ ទើបអាចបាចជីបំប៉នទៅលើដំណាំស្រូវដែលរងផលប៉ះពាល់នោះបាន ដើម្បីឱ្យដំណាំស្រូវលូតលាស់ឡើងវិញ ពិសេសប្តូរឫសថ្មី។ លោកស្រីបន្តថា ដើម្បីកែប្រែស្រែដែលខូចខាតបានទេ មានតែការរង់ចាំមានភ្លៀងធ្លាក់ប៉ុណ្ណោះ ដែលអាចដោះស្រាយបាន។ រីឯកសិករមានប្រភពទឹក គាត់អាចបូមបញ្ចូលស្រែ (បញ្ចូលទឹក និងបង្ហូរទឹកចេញ) ដើម្បីបន្សាប កំហាប់អំបិល។ ប៉ុន្តែករណីកសិករណាដែលពុំមានបញ្ហាប្រព័ន្ធឫស តម្រូវឱ្យកសិករប្រើប្រាស់ថ្នាំតាមបច្ចេកទេស។

លោកស្រីបញ្ជាក់ថា មន្ទីរកសិកម្ម រុក្ខាប្រមាញ់ និងនេសាទ ខេត្តកោះកុង នៅតែបន្តសហការ អនុវត្តជាមួយការិយាល័យកសិកម្ម ធនធានធម្មជាតិ និងបរិស្ថាន និងអាជ្ញាធរមូលដ្ឋានពាក់ព័ន្ធតាមបណ្តាស្រុកដែលដាំដុះស្រូវ ដើម្បីអន្តរាគមន៍ដោះស្រាយឱ្យបានទាន់ពេលវេលាចំពោះស្រូវស្រែរបស់ពលរដ្ឋដែលរងការប៉ះពាល់អំឡុងរដូវវស្សា៕
អត្តបទ៖សិរីវឌ្ឍនៈ




-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ម៉ោង ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម២០ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ