ព័ត៌មានជាតិ

បំពាក់ឧបករណ៍តាមដានស្វ័យប្រវត្តិ រោងចក្រនៅខេត្តបាត់ដំបង បញ្ចៀសបង្ហូរទឹកកខ្វក់ចូលស្ទឹងសង្កែ

បានផុស

៤ ខែ មុន

នៅ

ថ្ងៃចន្ទ ២ កញ្ញា ២០២៤

ដោយ

ក្រសួងបរិស្ថានបានចាត់តាំងមន្ត្រីជំនាញ និងក្រុមការងារបច្ចេកទេសក្រសួងចុះដំឡើងឧបករណ៍ស្វ័យប្រវត្តិភ្ជាប់ប្រព័ន្ធគ្រប់គ្រងទិន្នន័យសំណល់រាវនៅក្រុមហ៊ុន Phoenix Industrial Co., Ltd ស្ថិតនៅភូមិភ្ជាវ ឃុំត្រែង ស្រុករតនៈមណ្ឌល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិធានការដំឡើងឧបករណ៍តាមដានស្វ័យប្រវត្តិនេះ ធ្វើឡើងក្នុងគោលបំណងដើម្បីទប់ស្កាត់និងដោះស្រាយការសង្ស័យអំពីការលេចធ្លាយ ឬការបញ្ចេញទឹកកខ្វក់ពុលដោយគ្មានការអនុញ្ញាតចូលទៅក្នុងស្ទឹងសង្កែ ដែលជាប្រភពទឹកដ៏សំខាន់មួយដែលតភ្ជាប់ទៅបឹងទន្លេសាប។

កន្លងមករដ្ឋមន្រ្តីក្រសួងបរិស្ថាន លោក អ៊ាង សុផល្លែត បានជំរុញឱ្យរោងចក្រដំឡើងឧបករណ៍ស្វ័យប្រវត្តិ និងប្រព័ន្ធគ្រប់គ្រងទិន្នន័យ ដើម្បីតាមដានការបញ្ចេញសំណល់រាវតាមបណ្តារោងចក្រ សហគ្រាស សំដៅរក្សាអនាម័យ សុខុមាលភាពកម្ពុជា និងការពារសុខភាពសាធារណៈពីការបំពុលដោយសំណល់ប្លាស្ទិក និងទឹកកខ្វក់។

បើតាមលោករដ្ឋមន្រ្តី ការដំឡើងឧបករណ៍ស្វ័យប្រវត្តិតាមរោងចក្រ គឺចាំបាច់បំផុតដើម្បីធានាសុវត្ថិភាព និងសុខភាពកម្មករ និងប្រជាពលរដ្ឋ នៅក្បែរប្រភពទឹកនិងតំបន់ឧស្សាហកម្ម។

ឧបករណ៍តាមដានស្វ័យប្រវត្តិដើរតួនាទីយ៉ាងសំខាន់ ក្នុងការអនុញ្ញាតឱ្យក្រសួងបរិស្ថានត្រួតពិនិត្យ គ្រប់គ្រង និងឆ្លើយតបយ៉ាងឆាប់រហ័សចំពោះការបញ្ចេញសារធាតុពុលពីរោងចក្របំពាក់ដោយគ្មានការអនុញ្ញាត ដោយបុគ្គលិកបច្ចេកទេស។ ក្នុងនោះ ទិន្នន័យដែលប្រមូលបានត្រូវបានបញ្ជូនទៅប្រព័ន្ធគ្រប់គ្រងរបស់ក្រសួងដោយស្វ័យប្រវត្តិ ហើយនៅក្នុងករណីខុសបច្ចេកទេសណាមួយ ឧបករណ៍ផ្ញើការជូនដំណឹងទៅកាន់ក្រសួងភ្លាមៗ៕