ព័ត៌មានជាតិ

មកលេងផ្ទះ២ថ្ងៃនៅតាកែវ ត្រឡប់ទៅកំពង់សោមវិញ ធ្វើតេស្តឃើញវិជ្ជមានកូវីដ-១៩

បានផុស

៤ years មុន

នៅ

ថ្ងៃសៅរ៍ ៦ មីនា ២០២១

ដោយ

so pon

ស្ត្រីម្នាក់ឈ្មោះ ញ.វ.ត អាយុ៤០ឆ្នាំ មកពីក្រុងកំពង់សោម មកលេងផ្ទះនៅភូមិដំណាក់ថ្ងាន់ ឃុំព្រៃរំដេង ស្រុកគីរីវង់ ខេត្តតាកែវ រយៈពេល២ថ្ងៃ ក្រោយពីត្រឡប់វិញ ធ្វើតេស្តចេញលទ្ធផល មានវិជ្ជមានជំងឺកូវីដ-១៩ នេះបើតាមលិខិតរបស់មេឃុំព្រៃរំដេង ដែលផ្ញើជូនអភិបាល នៃគណៈអភិបាលស្រុកគិរីវង់ កាលពីមម្សិលមិញ (ថ្ងៃទី០៥ ខែមីនា ឆ្នាំ២០១)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉េង សារុន មេឃុំព្រៃរំដេងបានបញ្ជាក់ថា អ្នកពាក់ព័ន្ធដោយផ្ទាល់ជាមួយអ្នកជំងឺនោះមានចំនួន០៤នាក់ ត្រូវជាឪពុក, បងប្អូនបង្កើត, ប្អូនថ្លៃ និងជាក្មួយ ហើយអ្នកទាំងនោះត្រូវបានបញ្ជូនទៅធ្វើចត្តាឡីស័កនៅមន្ទីរពេទ្យបង្អែកខេត្តរួចហើយ។

ចំណែកអ្នកពាក់ព័ន្ធដោយប្រយោលមានចំនួន១៩នាក់ តម្រូវឲ្យពួកគាត់ធ្វើចត្តាឡីស័កនៅផ្ទះរៀងៗខ្លួន ហើយក្នុងនោះសាលាបឋមសិក្សា ម៉ុង រិទ្ធី អង្គរុន ក៏បានសម្រេចផ្អាកការសិក្សាជាបណ្តោះអាសន្នផងដែរ។

សូមបញ្ជាក់ថា នៅព្រឹកថ្ងៃទី០៦ ខែមីនា នេះ ក្រសួងសុខាភិបាល បានប្រកាសរកឃើញអ្នកឆ្លងជំងឺកូវីដ-១៩ថ្មី ចំនួន២១នាក់ទៀត ជាករណីសហគមន៍ ហើយក្នុងនោះ នៅរាជធានីភ្នំពេញចំនួន១១ នាក់ នៅខេត្តព្រះសីហនុចំនួន១០ នាក់ ហើយគិតត្រឹមថ្ងៃទី០៦ ខែមីនា ឆ្នាំ២០២១ ប្រទេសកម្ពុជាមានអ្នកឆ្លងសរុបចំនួន៩៥៣ នាក់, ជាសះស្បើយចំនួន៤៩១ នាក់ និងកំពុងព្យាបាលចំនួន៤៦១ នាក់៕

កោះកែវ