ព័ត៌មានជាតិ
អគ្គស្នងការរងនគរបាលជាតិ បណ្តុះបណ្តាលជំនាញកោសល្យវិច័យដល់នគរបាល៦០នាក់
អគ្គស្នងការរងនគរបាលជាតិ នៅថ្ងៃទី ២ ខែកញ្ញា ឆ្នាំ២០២៤ បើកវគ្គបណ្តុះបណ្តាលជំនាញ DNA រយៈពេលប្រាំថ្ងៃ ដល់មន្រ្តីនគរបាលចំនួន ៦០នាក់ មកពី៥ខេត្ត នៅស្នងការដ្ឋាននគរបាលខេត្តកំពង់ធំ។
លោកឧត្តមសេនីយ៍ឯក មួង សុធា អគ្គស្នងការរងនគរបាលជាតិ ទទួលដឹកនាំនាយកដ្ឋានកណ្តាលនគរបាលយុត្តិធម៌ លើកឡើងថា ការបើកវគ្គ បណ្តុះបណ្តាលជំនាញ DNA នេះ គឺជាការអនុវត្តស្របតាមគោលនយោបាយប្រទេសជាតិ ក្នុងការបណ្តុះ បណ្តាលធនធានមនុស្ស ដើម្បីរួមគ្នាអនុវត្តច្បាប់ និងការពារសន្តិសុខ សណ្តាប់ធ្នាប់ ជូនប្រជាពលរដ្ឋ និងសង្គមជាតិ។
វគ្គបណ្តុះបណ្តាលនេះធ្វើរយៈពេល ៥ថ្ងៃ ចាប់ពីថ្ងៃទី ២ ដល់ទី៧ ខែកញ្ញា ឆ្នាំ២០២៤ ដែលធ្វើការបណ្តុះបណ្តាលដល់សិក្ខាទាំងអស់ចំនួន ៦០នាក់ មកពីខេត្តចំនួន ៥ គឺខេត្តកំពង់ធំ ខេត្តកំពង់ចាម ខេត្តសៀមរាប ខេត្តឧត្តរមានជ័យ និងខេត្តព្រះវិហារ។ ។
តាមលោក មួង សុធា វគ្គបណ្ដុះបណ្ដាលនេះ នឹងបង្រៀន០៧មេរៀនដល់សិក្ខាកាម ដោយផ្តោតលើ មុខជំនាញថ្មីកោសល្យវិច័យ DNA ដូចជា÷ ទី១/ការការពារកន្លែងកើតហេតុរបស់មន្ត្រីនគរបាលមូលដ្ឋាន ទី២/នីតិវិធីមួយចំនួនសម្រាប់ការធ្វើដំណើរទៅកាន់ កន្លែងកើតហេតុ និងការពិនិត្យកត់ហេតុ ទី៣/វិធីសាស្ត្រ ស្វែងរកប្រមូលចាប់យក រក្សាទុក និងដឹកជញ្ជូន សំណាកវេជ្ជសាស្រ្ត (DNA) ទី៤/មូលដ្ឋានគ្រឹះអំពីដំណើរការពិសោធន៍ DNA និងការវាយតម្លៃលទ្ធផល ទី៥/មូលដ្ឋានគ្រឹះអំពីការប្រមូលភស្តុតាងក្នុងគោលបំណងធ្វើ DNA ទី៦/វិធីសាស្ត្រប្រើប្រាស់ឧបករណ៍សម្ភារ បច្ចេកទេស និងទី៧/ការអនុវត្តជាក់ស្តែង (សេណារីយ៉ូ) ។
លោក ផ្តាំផ្ញើដល់សិក្ខាកាម ត្រូវយកចិត្តទុកដាក់ គោរពអនុវត្តឲ្យបានខ្ជាប់ខ្ជួន នូវបទបញ្ជាផ្ទៃក្នុង របស់វគ្គបណ្តុះបណ្តាល រក្សាភាពស្ងប់ស្ងាត់ ខិតខំត្រងត្រាប់ ស្ដាប់ សាកសួរ កត់ត្រា ក្រេបជញ្ជក់ចំណេះដឹង ផ្ដល់ដោយគ្រូឧទ្ទេសសាមគ្គីភាព ឯកភាពផ្ទៃក្នុង ឱ្យបានល្អ មានទំនួលខុសត្រូវលើតួនាទី ភារកិច្ច របស់ខ្លួន៕
អត្ថបទ៖ ឈាង មករា
-
សេដ្ឋកិច្ច៤ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ៥ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៤ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៥ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
ព័ត៌មានអន្ដរជាតិ៦ ថ្ងៃ ago
ទំនប់វារីអគ្គិសនីនៅស៊ូដង់បាក់ក្រោយភ្លៀងខ្លាំងបណ្តាលឱ្យប៉ះពាល់ផ្ទះ៥ម៉ឺនខ្នងនិង៦០ស្លាប់
-
ព័ត៌មានជាតិ៦ ថ្ងៃ ago
សម្ដេចតេជោ អំពាវនាវឱ្យចូលគ្រុបតេឡេក្រាម«មូលនិធិកសាងហេដ្ឋារចនាសម្ព័ន្ធព្រំដែនផ្តោតលើការកសាងផ្លូវក្រវាត់ព្រំដែន»
-
សន្តិសុខសង្គម៦ ថ្ងៃ ago
ស្នងការរាជធានី នឹងបញ្ជូនខ្លួនលោក ស៊ុន ហួរ ទៅតុលាការនៅរសៀលថ្ងៃទី២៧សីហានេះ
-
ព័ត៌មានជាតិ២ ថ្ងៃ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន