ព័ត៌មានជាតិ
ហាងឆេងស្រូវក្រអូបដើមដៃនៅខេត្តបាត់ដំបង អាចលក់មួយតោនបានជាង ១ លាន ២ សែនរៀល
បើទោះបីជាក្នុងឆ្នាំនេះ កសិករធ្វើដំណាំស្រូវប្រឈមកត្តាធម្មជាតិបន្តិចក្តី ប៉ុន្តែកសិករក្នុងស្រុកចំនួន ២ នៃខេត្តបាត់ដំបង កំពុងសម្រុកប្រមូលផលស្រូវ ដើម្បីតម្រូវតាមទីផ្សារខណៈកំពុងមានហាងឆេងល្អ។
កសិករក្នុងស្រុកបវេល និងស្រុកឯកភ្នំ ដែលកំពុងប្រមូលផលស្រូវដើមដៃបានឲ្យដឹងប្រហាក់ប្រហែលគ្នាពីទីផ្សារស្រូវ ខណៈស្រូវប្រភេទសែនក្រអូបអាចលក់បាន ១២ ០០០បាត (ប្រាក់ថៃ) ស្មើជាង ១ លាន ២ សែនរៀល ក្នុង ១ តោន ហើយស្រូវស្រង៉ែប្រភេទ OM៥៩៥១ លក់បានជាង ១ ពាន់រៀល ក្នុង ១គីឡូក្រាម។
តាមការលើកឡើងពីលោក ហេង សិទ្ធ ទទួលបន្ទុកការិយាល័យស្ថិតិកសិកម្មខេត្តបាត់ដំបងបានប្រាប់ «កម្ពុជាថ្មី» ឲ្យដឹងនៅថ្ងៃទី២ ខែកញ្ញា នេះថា បច្ចុប្បន្នកសិករក្នុងស្រុកចំនួន ២ នៃខេត្តបាត់ដំបង កំពុងសម្រុកប្រមូលទិន្នផលស្រូវ ដើម្បីបំពេញតាមតម្រូវទីផ្សារដែលកំពុងមានហាងឆេងល្អ។
លោកថា បច្ចុប្បន្នប្រភេទស្រូវស្រងែ OM ៥៩៥១ តម្លៃជាង ១ ០០០ រៀល ១/គីឡូក្រាម។ តែលោកបារម្ភថា ស្រូវប្រភេទនេះនឹងធ្លាក់តម្លៃនៅពេលខាងមុខ អាចតម្លៃក្រោម ១ពាន់រៀល ក្នុង ១គីឡូក្រាម ព្រោះដំណាំស្រូវប្រភេទនេះហុចផលយឺតយ៉ាវ តែប្រភេទស្រូវសែនក្រអូប និងស្រូវប្រភេទផ្សេងទៀតអាចកើនតម្លៃជាងឆ្នាំមុន។
«និយាយទៅឆ្នាំនេះ ស្រូវគ្រប់ប្រភេទអាចមានទីផ្សារល្អ តែបើក្នុងដំណាក់កាលណាមួយចុះតម្លៃ ខ្ញុំគិតថា អាចបណ្តាលមកពីគុណភាពទិន្នផលចុះខ្សោយ ដូចជាស្រូវស្ពោតគ្រាប់ជាដើម បើគុណភាពល្អទីផ្សារក៏នៅតែល្អ»។ លោកបញ្ជាក់បន្ថែម។
លោក ហេង សិទ្ធ បានបន្តទៀតថា ខណៈដែលកសិករនៅស្រុកឯកភ្នំ និងស្រុកបវេល ដែលជាស្រុកគោលដៅកសិកម្មកំពុងប្រមូលផលចូលទីផ្សារ លោកមិនទាន់ទទួលបានព័ត៌មានពីការប្រមូលផលពីតាមបណ្តាស្រុកផ្សេងៗទៀតនៅឡើយនោះទេ។
លោក អ៉ិន សុវណ្ណមុនី អនុប្រធានមន្ទីរកសិកម្មខេត្តបាត់ដំបងបានឲ្យដឹងដែរថា កសិករគួរដាំដំណាំស្រូវណាដែលមានតម្រូវការទីផ្សារ ដូចជាផ្ការំដួល ផ្ការំដេង ផ្ការាំងជ័យ សែនក្រអូបជាដើម ខណៈបច្ចុប្បន្នប្រភេទស្រូវ ស្រងែ OM ៥៩៥១ តម្លៃជាង ១០០០រៀល ១/គីឡូក្រាម។
មន្ត្រីនៃមន្ទីរកសិកម្មខេត្តរូបនេះថា បើទោះបីជាកសិករមានការប្រឈមកត្តាអាកាសធាតុ ប៉ុន្តែផលដំណាំស្រូវក្នុងខេត្តបាត់ដំបង នៅតែអនុវត្តលើផ្ទៃដីមិនក្រោមផែនការនោះទេ។ ផ្ទុយទៅវិញផ្ទៃដីដាំដុះដំណាំស្រូវ បានកើនឡើងលើសពីផែនការគួរឲ្យកត់សម្គាល់។
នៅក្នុងរដូវកាលដ៏ប្រទាញប្រទង់ផ្នែកអាកាសធាតុឆ្នាំនេះ កសិករនៅតែបានអនុវត្តលើការដាំដុះដំណាំស្រូវវស្សា និងស្រូវបង្កើនរដូវលើផ្ទៃដីសរុប មានចំនួន ៣៥៥៩១១ហិតា ស្មើនិង ១០៦.៩% ខណៈផែនការសរុបរបស់មន្ទីរកសិកម្មខេត្តត្រឹម ៣៣.៥០០០ហិតាប៉ុណ្ណោះ៕
អត្ថបទ៖ សៅ សារិទ្ធ
-
សេដ្ឋកិច្ច៥ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ៦ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៥ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៦ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
ព័ត៌មានអន្ដរជាតិ១ សប្តាហ៍ ago
ទំនប់វារីអគ្គិសនីនៅស៊ូដង់បាក់ក្រោយភ្លៀងខ្លាំងបណ្តាលឱ្យប៉ះពាល់ផ្ទះ៥ម៉ឺនខ្នងនិង៦០ស្លាប់
-
ព័ត៌មានជាតិ១ សប្តាហ៍ ago
សម្ដេចតេជោ អំពាវនាវឱ្យចូលគ្រុបតេឡេក្រាម«មូលនិធិកសាងហេដ្ឋារចនាសម្ព័ន្ធព្រំដែនផ្តោតលើការកសាងផ្លូវក្រវាត់ព្រំដែន»
-
សន្តិសុខសង្គម១ សប្តាហ៍ ago
ស្នងការរាជធានី នឹងបញ្ជូនខ្លួនលោក ស៊ុន ហួរ ទៅតុលាការនៅរសៀលថ្ងៃទី២៧សីហានេះ
-
ព័ត៌មានជាតិ៣ ថ្ងៃ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន